Shindamenu ya Buambi, Ngondo wa Kumpala 2019

Kipatshila ka kushintulula dikumbula dietu

Pikaleku tuipatshila tuabungi tua buambi, tshisumi tshietu tshidi ne bua kuikala tshilombola mu disua dia kuambuluisha bakuabu bua bafika ku dikudimuna mutshima pa muntu menemene ne kufuanangane bikola ne Musungidi.

Patudi bananga bakuabo bumudi Musungidi mubananga, tudi basue kubambuluishe bu mua kenzaye. Bu mulami wa mikoku muimpe, yeye udi tshilejelu tshijalame tshia mudimu wa buambi.

Kulongela ku buambi buetu, bidi bikala bia mushinga bua kuvuluka ne tshisumi tshienda tshia kunanga, kukolesha, kuambuluisha ne kubenesha bivua ne kipatshila ka kuandamuna ku majinga musangu umue. Ne uvua mumanye majinga abu a matuku onso ne uvua ne luse pa makenga abu a diambedi. Ne wa kondopa, kudisha, kufuila luse, ne kulongesha. Kadi uvua ne dijinga dia kuenza biabungi bipite ku diambuluisha dia makenga a lelu (tangila Yona 4:13–14). Wakadi musue bua bonso badi bamunyunguluke bamulonda (tangila Luka 18:22; Yona 21:22), kumumanya (tangila Yona 10:14; Doctrine et Alliances 132:22–24), ne bafike Ku dikumbaja bunzambi buabo (tangila Matayo 5:48). Bidi bia momumua ne lelu (tangila Doctrine et Alliances 67:13).

Kudi kuikala mishindu mikuabu ya kubenesha bakuabu, kadi kipatshila ka buambi buetu kikala ka kuambuluisha bakuabo bua bafike ku dimanya dia Musungidi ne ku mufuana, ne tuikala tuenza mudimu ku dituku ne dituku nanku bua kulongesha bena mutumba bua bamanya Musungidi bualu ne tufike ku dimumanya tuetu bonso (tangila Yelemiya 31:34).

Ntema ya Musungidi idi mikale iye mipita majinga a mpidiewu.

Bantu ba bungi bavua baditatshisha bua kulua ne balunda babu kudi Yesu bua bondopibue kudisama dia mpalu. Kundekelu Musungidi wakondopa muntu, kadi uvua muikale mu mufuila luse bua mibi yende (tangila Luka 5:18–26).
Pakalua bantu bakuabo ne mamu uvua mujikila wenda masandi, wa kabenga kumupisha ne wa kamusungila mu mubidi. Kadi uvua musue bua kumusungila mu nyuma kabidi, kumuambila bua “aya, ne kenji mpekatu kabidi nansha” (tangila Yona 8:2–11).
Maliya ne Mata ba katumina Yesu mukenji ba mulomba bua kuluaye kondopa mulunda wabo, Lazalo. Yesu uvua mondopa bantu mu mishundu mishilangane, wa kafika ni lujoku Lazalo mumane kufua. Yesu mumanye tshivua diku dindila, kadi wa kabisha Lazalo kulufu, wa kakolesha bujadiki buabu bua bunzambi buende (tangila Yona 11:21–27).

Bilejelu kayi bikuabu binudi bua kukumbaja ku ebi?

Tshitudi mua kuenza ntshinyi?

Pikala kipatshila ketu ka kuambuluisha bakuabu bua ba fuanangane ne Musungidi, ne kashintulula buambi buetu. Munayi mishindu mikuabu idi mua kutuambuluisha kupitshila ku disua dietu ne mua kutulombola mu kuditatshisha mu buambi.

Lungeni 1: Tuangajayi mudimu ne Musungidi

Kuditatshisha kuetu bua kuenza malu mimpe kudi kulomba dinanukila, kadi tudi ne mua kukeba mpunga bua tuetu kulongolola buambi mu kubutuangaja ne Musungidi. Tshilejelu, pikala mu diku diwudi wenza mudimu wa buambi dikala disama, tshia kudia ne tshikala ne mushinga, kadi muaku tshianane weba wa dinanga udi ne bua kuikala muvudijibua ku bujadiki buebe bua dinanga dia Musungidi buabu. Diambuluisha dienu mu mudimu ne dikala dinangibue, kadi ku mikuabo misangu ne dikala ne diumvuijibua ne kupa kunene kua dibeneshibua dia buakuidi.

Mukulu Neil L. Andersen wa mu Tshisumbu tshia Bapostolu Dikumi ne Ibidi wa kalongesha ne; “Muntu wa muoyo mulenga udi mua kuambuluisha bua kulongolola ndundu wa mashinyi, kuya kafilangana kua munganga, kudia ne muntu udi muikala mubungama, anyi kuseka nende ne kumuela muoyo .

Kadi Mulondi wa mukenji wa kumpala ne ikale anu ukumbaja mushinga wa bienzedi bia mudimu.”¹

Lungenyi 2: Tushalayi balamata mu njila wa tshipungidi

Pakenzaye muyuki wenda wa kumpala bu Muimanyinyi wa Ekelezia, Muimanyinyi Russell M. Nelson wakamba ne; “Tushalayi balamata munjila wa tshipungidi.” Ku dienza ne dilama dia bipungidi “ne kunzulula tshîbi kudi mabenesha onso a mu nyuma adi mikala koku.”²

Tuetu bu Basantu ba Matuku a Ndekelu, tudi bikala babatijibua, bajadikibua ne bapeta dipa dia Nyuma Muimpa. Bidimba bia baluma bijalama bidi bipeta buakuidi. Tudi tuya ku ntempelo bua divuadikibua dia bukola ne dituangaja diapamue dia dîku bua kashidi. Mishinga yonso misangisha ne bipungidi bidi bikala bia mushinga buetu bua ne tushale petu bu yeye bua ne tuikala nenda.

Ne tuikala ne mudimu wa tuetu kuenza mu diambuluisha bakuabu munjila ewu patuikala tubambuluishe bua kulama ndondo ne kubalongolola bua kuenza bipungidi.³ Mushindu kayi uudi mua kuambuluisha muntu anyi diku diudi wambuluisha bua kupeta mishinga idibu nayi dijinga? Bidi mua kumvuija ne; kuabuluisha Tatu bua abatiza muanende wa bakaji , kunvuija mabenesha a kuenza kua bipungidi nasha kumuangalaja ne kupeta nguvuilu muakane ne dimanya dietu dia ku tshipungidi patudi bikala mu tshisangilu tshia Biakudia bia tshijila.

Lungenyi 3: Kubikila ne Kukankamika

Pa tshidiku diba, belayi banudi nuditatshishila bua kukudimuka kua mitshima yabu ne didienzeja bua kufuanangane ne Kilisto. Bikengela bamanye bukola bunudi bajandula munda muabo ni kubanyisha. Manyayi majinga abu ne akulayi mushindu unudi bua kubambuluishe. (Bua mibelu yabungi pamua ne aba bawudi ukumbula, tangila “Counsel about Their Needs,” Liahona, Sept. 2018, 6–9.)

Kanuikadi ne bowa bua kubabikila bua kulonda Musungidi ne kubashiya mu bukole buende bua aba pesha bukola bua mu Diulu. Dibikila edi didi dikudimuna mitshima, bikaladi disangisha ne muaku wa kalolu kudibu ne ditabuja dieba kudiye.

Mishundu isambombu itudi mua kuambuluisha nayi bakuabo bua batanta mu Kilisto.

Bidi bilonda ebi bidi meji a kutuala bakuabu bua kuya kumpala munjila wa tshipungidi. (Tangila Preach My Gospel, shapita 11, bua ngenyi yabungi.)

Tangalaja. Ikalayi batuishibua ne dikima panudi nuleja mushindu udi Musungidi mu nuambuilishe bua kusemena pabuipi nenda mukuikala ne lumu luimpe mu tshienzedi pamutu pa kushala mu lulengu.
Kulaya mabenesha. Bantu badi dijinga ne bua kumanya bua tshinyi badi ne bua kushintuluka pamutu pa kukeba kabingila ka kubenga kushuntuluka. Kunvuija kua mabenesha masangisha ne tshienzedi tshia bukola bidi bikoka ntema ya babungi (tangila Doctrine et Alliances 130:20–21).
Bikila. kuteka lumu luimpe mu tshienzedi kudi kufila bujadiki ne ludi lulelela (tangila Yona 7:17) ne bidi bifikisha ku dikudimuna mutshima bikola.⁴ Mudimu onso munene utudi ne bua kuenza udi anu ne bua kubambuluisha bua baya kumpala.
Enzayi bulongolodi pamua. Ntshinyi tshidi ne mua kubafikisha ku dilama ma pangadika abu a dishintuluka? Mushindu kayi uudi mua kuambuluisha? Kudiku diba dia kuleja dinanga anyi?
Tuaku mpanda. Biobi bikumbana, keba mushindu wa kuambuluisha bua bantu batungunuke mu kushale mu tshisumi ne mu dilubuluka. Tudi bonso dijinga ne mulombodi.
Londesha. Leja ntungulukilu misangu yonso. Ikala mutuma ntema ku bulongolodi ne ubujalamija bimpa. Ikala ne lutulu, tshisumi, ne dikima. Dishintuluka didi mua kuangata mutantshi.

Dibikila bua kuenza

Angata ne mushinga mishindu idi tshisumi tshieba tshia busambi—mu bula ne mu butshiama bionso bidi—ne kuambuluisha bakuabo bua kukudimuna mitshima yabo ne kuikala bafuanangane ne Musungidi.

© 2019 kudi Intellectual Reserve, Inc. All rights reserved. Mupatula mu USA Dianyisha mu Angele: 6/18. Dianyisha dia dikudimuna: 6/18. Dikudimuna dia Ministering Principles, January 2019. Tshiluba. 15762 760