Ukpebnkpɔ Unwam, Akpa Ɔfiɔŋ ke isua 2019

Usung nte Ikpenehede Ibuana Iko Ntiense

Ndino iko ntiense edi utom unwam. Ukpuhode nkpo eke unwam ekeme ndino nnyin ediwak ufang man ibuana iko ntiense ke akpan usung ye ke usung mbre.

Nnyin ima idiomo “ndida nte ntiense nno Abasi ke ofuri ini ye ke ofuri nkpo, ye ke ofuri ebiet” (Mosiah 18:9). Ndibuana iko ntiense nnyin edi ubak edida nte ntiense onyung edi ata usung ndinam Edisana Spirit otuk esit owo onyung okpuho uwem mmo.

“President M. Russell Ballard, Acting President eke Eboho mme Apostle Duopeba odoho ete ke ”Iko ntiense–ata iko ntiense, emi otode Spirit ye emi Spirit osongoke—esikpuho uwem.”¹

Edi ubak nnyin imekeme ndikop ndik mme edikop ubiongo ke ndibuana iko ntiense nnyin. Oro ekeme nditibe koro nnyin ikere ke ndibuana iko ntiense nnyin edi nkpo emi nnyin inamde ke fast and testimony meeting mme kini ikpebde nkpo. Ke ata ndaha ini oro nnyin imisiwak nditing mme iko ye udim-iko eke misitingke ke ata ini nneme.

Ndibuana iko ntiense ekeme ndikabare nkpo edidiong ke uwem nnyin ye ke uwem mbon efen kini nnyin ifiokde danga nte oro ememde ke ndibuana se nnyin inimde ke akpaniko ke ofuri ndaha kpukpru usen. Se emi edi mme ekikere ifang man anwam mbufo nditongo.

Enam Iko Ntiense edi Mmem-mmem

Inaha nte iko ntiense otongo ye udim-iko eke, “Ami nyom ndino iko ntiense mi,” inyung inaha nte etre, “Ke enying Jesus Christ, amen.” Iko ntiense edi ndimen nwut se nnyin inimde ke akpaniko ye se idionogke ite kedi akpaniko. Ntem ke ndikise mbohidung nnyin ke efak kabanga mfina emi enye enyenede nnyun ndoho ete, “Ami mmediongo ke Abasi esiyere akam,” ekeme ndinyene odudu ukem nte iko ntiense ekededi emi etingde ke enyong-obut ke Ufok Abasi. Odudu oro itoho inem usem; oto Edisana Spirit emi osongoke akpaniko (se ke Doctrine and Covenants 100:7–8).

Enam man Ata Edineme-nneme Aka iso Odu

Edieke nnyin iyomke ndibuana iko ntiense, nnyin imenyene ufang ndibuana iko ntiense ke nneme kpukpru usen. Nte uwutnkpo:

Owo kiet obup mbufo abanga nte weekend mbufo eketiede. Mbufo eboro ete, “Ama ofon.” “Ufok Abasi edi se ami nkoyomde.”
Owo kiet owut esit-mbom ke ama okokop abanga mfina ke uwem mbufo: “Mbok songo idem.” Mbufo eboro ete: “Sosongo ke ima fo. Ami mmediongo ke Abasi eyekpeme mi ekesim utit. Enye ama odu do ye ami ke akpa ini.”
Owo kiet eting ete: “Ami mmenim ke idiok ini eyesop ndibe mfep,” mme “Bus oro ebighe akaha ndidi,” mme “Ese nte usung-uwat emi etiede.” Mbufo emekeme ndiboro ete: Ami mmenim ke Abasi eyenwam anam ofuri nkpo ofon.”

Buana Iko Ntiense Mbufo.

Nnyin imisiwak ndineme ye kiet eken mbanga mfina nnyin. Ke ini owo etingde ono nnyin se isimde mmo, mbufo emekeme nditing mbanga ini emi Abasi akanwamde mbufo kini idomo mbufo enyung eting iko ntiense ete ke Enye ekeme ndinwam mmo nko. Jehovah odoho ete ke Imo iyesongo nnyin idem kini idomo nnyin man “otodo nnyin ikeme ndida nte ntiense ino Enye kemi ebede, ndien man mbufo enehede ediongo ke Ami, Jehovah Abasi, mmesikise ikot mi ke ini ukut mmo” (Mosiah 24:14). Nnyin imekeme ndida nte ntiense nno Enye kini nnyin itingde iko ntiense kabanga usung nte Enye akanwamde nnyin kini idomo nnyin.

Ebenge Idem

Eke ubak nnyin, imisikop ndik ndibuana iko ntiense ke ata eti ini emi ikpetingde. Mme usung odu emi nnyin ikpekemeke ndinam uduak nno ini iso inyung ‘ ibenge idem kpukpru ini ndiboro kpukpru owo eke edibupde [nnyin] ntak idori-enyin emi [nnyin] inyenede” (1 Peter 3:15).

Akpa, ndibenge idem ekeme ndiworo ndise nte nnyin idude uwem. Nte nnyin imekot Edisana Spirit isin ke uwem nnyin inyung isongo iko ntiense nnyin ofuri usen oto ke ndidu edinen edu uwem? Nte nnyin imeyak Spirit eting iko ono nnyin onyung ono nnyin iko emi nnyin iyomde otode ke akam ye edikot Nwed Abasi? Nte Jehovah eketemede Hyrum Smith ete, “Kubem iso uyom ndikworo iko mi, edi akpa yom ndibo iko mi, ndien edeme fo eyekpohore” (Doctrine and Covenants 11:21).

Udiana, ndibenge idem ekeme ndiworo ndise iso nnyung nkere mbanga ufang emi mbufo ekemede ndinyene ke usen oro mme ke udua oro ke ndibuana iko ntiense mbufo. Mbufo emekeme ndibenge idem nno mme ufang oro ke ndikere mbanga danga mmo ekpeno mbufo ifet man ebuana se mbufo enimde ke akpaniko.

Ewuk Enyin ke Andinyanga ye Ukpebnkpo Esie

President Ballard ete, “Okposuk nte nnyin ikemede ndinyene mme iko ntiense kabanga ediwak nkpo nte mbon Ufok Abasi, odu akpaniko emi anade nnyin ikpeb inyung ibuana ye kiet eken kpukpru ini.” Nte uwutnkpo, enye asiak ete: “Abasi edi Ete nnyin ndien Jesus edi Christ. Uduak erinyanga ukpong okongo ke Erisio-isop eke Andinyanga. Joseph Smith akafiak ada oyoho nsinsi iko Abasi eke Jesus Christ edi, ndien Nwed Mormon edi idiongo ke iko ntiense nnyin edi akpaniko.” Nte nnyin imende mme ata akpaniko oro iwut, nnyin imekot Edisana Spirit ete edi ntiense ke se nnyin itingde edi akpaniko. President Ballard eyire-eting ete ke “owo ikemeke ndibiongo Spirit kini etignde ata iko ntiense abanga Christ.”²

Esit-mbom eke Andinyanga

Ye ekaha eke usung Samaria, Andinyanga ebet esisit ke obube-mmong onyung osobo ye nnwan kiet do. Enye ama otongo nneme kabanga ndiduri mmong nsio ke obube-mmong. Ke ndida ubiong ofuri usen emi nnwan oro akanamde ama ono Jesus ufang nditing iko ntiense mbanga odu-uwem mmong ye nsinsi uwem emi odude ono mbon emi enimde Enye ke akpaniko (se ke John 4:13–15, 25–26).

Ekpri Iko Ntiense Ekeme Ndikpuho Uwem

President Russell M. Nelson eketing abanga nurse kiet emi okobupde Dr. Nelson-eke ini oro mbume kabanga usung usiak-idem emi okosongde. “Nsidi ntak eke afo mutiehe nte mme asiak-owo idem eken?” Ubak asiak-owo idem emi enye okodiongoke ekeme ndisosop nyat-esit enyung esabade-owo kini mmo enamde ikpo utom usiak-idem.

Dr. Nelson ekpekekeme ndiboro ke ediwak usung. Edi enye oboro mmem-mmem ete, “Koro ami mmediongo ke Nwed Mormon edi akpaniko.

Iboro esie anam nurse oro ye ebe esie etongo ndikot Nwed Mormon. Edikem President Nelson ama onim nurse oro baptism. Ke ediwak isua ebede, kini enye etiede ibuot ke stake conference ke Tennessee, USA, nte obufa Apostle emi ekemekde, President Nelson afiak okosobo ye nurse oro emi enye mikibekde-enyin ndikut. Enye afiak eting abanga nkabare-esit esie, emi okotode ekpri iko ntiense esie ye odudu nwed Mormon, akanwamde ada ekesim nkabare-esit owo Anang efen.³

Ikoot man Anam-nkpo

Ekukop ndik ke ndibuana iko ntiense mbufo. Oro ekeme ndidiong mbon emi mbufo enwamde. Didie ke mbufo edida mme ekikere emi mme eke idem mbufo man ebuana iko ntiense mbufo mfin emi?

© 2019 by Intellectual Reserve, Inc. All rights reserved. Ekeming ke USA. Enyime edikabare ke Ikɔ Mbakara: 6/18. Enyimme Ndikabare: 6/18. Edikabare eke Ministering Principles, March 2019. Efik. 15764 553