Molaetsa oa Boetapele ba Pele, Pherekgong 2017

“Tlohong, le ntatele”

Ka Mookameli Russel M. Nelson

Jesu Kreste o re mema ho nka tsela ea selekane ho khutlela morao ho Batsoali ba rona ba Maholimong ʻme re be le bao re ba ratang

Bana beso ba ratehang, molekane oa ka Wendy le nna re thabela ho ba le lona hoseng hona hoa Sabata. Tse ngata li se li etsahetse ho tloha sebokeng sa rona se akaretsang se fetileng. Litempele tse ncha li khakotsoe Concepción, Chile; Barranquilla, Colombia; le Rome, Italy. Re fihletse tsʻollo e tlotlehang ea Moea ketsahalong ena e halalelang.

Ke thoholetsa basali (le banna) ba bangata ba balileng Buka ea Mormone ʻme ba fumana thabo le matlotlo a patiloeng. Ke khothatsoa ke mehlolo e fumanoeng

ke tsota bahlankana ba lilelmo li 11, bao ha joale e seng e le bahlanka ba kereke, ka ho loka ba fetisa selallo Sontaha se seng le se seng. Ba ea tempeleng le baroetsana ba rona ba lilelmo li 11, bao ha joale ba ntseng ba ithuta ka mafolofolo ʻme ba sebeletsa e le li Beehive. Bobebeli bashanyana le bananyana ba ruta li ʻnete tsa evangeli ka ho hlaka le ka tumelo.

Ke thaba le bana le bacha ba thusang ho ruta evangeli ka malapeng a bona ha ba ntse ba sebetsa le batsoali ba bona ho latela lithuto tse tsepameselitsoeng hae li tsʼehelitsoe kerekeng.

Re amohetse foto ea Blake ea lilemo li ʻne, eo ka moqebelo o mong hoseng, a ileng a nka buka ea kereke a khotsa a re, “ke hloka ho fepa moea oaka!”

Blake, re hlolletsoe ke oena le ba bang ba khethang ho fepa meea ea bona ka ho keteka ka li ʻnete tsa evangeli e tsosolositsoeng ea Jesu Kreste. ʻMe re thabaela ho tseba hore ba bangata ba ntse ba fumana matla a Molimo maphelong a bona ha ba ntse ba rapela le ho sebeletsa ka tempeleng.

Joalo ka ha ba bangata ba lona ba tseba , lelapa la rona le fihletse karohano e thetsang maikutlo likhoeli tse tharo tse fetileng ha morali oa rona Wendy a falla bophelong bona ba ba shoang. Matsatsing a ho qetela a ntoa ea hae le mofetsʼe, ke ile ka hlohonolofatsoa ka monyetla oa ho ba le tumeliso ea ho qetela ea puisano ea ntate le morali.

Ke ile ka tsʼoara matsoho a hae ʻme ka mo bolella ka moo ke moratang ka teng le ka moo ke itebohelang ka teng ho ba ntate oa hae. Ke ile ka re: “U nyetsoe tempeleng ʻme oa hlompha lilekane tsa hau ka ho tsʼepahala. Uena le molekane oa hau le amohetse bana ba supileng ʻme la ba holisetsa ho ba barutuoa ba itetseng ba Jesu Kreste, litho tsa kereke tse se nang tsʼabo, le ho ba baahi ba kenyang letsoho. ʻMe ba khethile balekane ba boemo bo tsʼoanang Ntate oa hau o motlotlo haholo holo ka oena. U ntliselitse thabo e ngata!”

O ile a araba ka ho khutsa a re,“kea leboha ntate.”

E ne e le nako e bonolo e tletseng likhapha ho rona. Nakong ea lilemo tsa hae tse 67, re sebelitse mmoho, ra bina mmoho ʻme hangata ra ithapolla lehloeng le eena. Empa mantsiboeeng ao, re buile ka ntho tseo e leng tsa bohlokoa haholo, joalo ka lilekane, litsʼebeletso, tlhompho, tumelo, lelapa, botsʼepehi ho molekane, lerato, le bophelo bo sa feleng.

Re hlolohetsoe morali oa rona haholo. Le ha ho le joalo, ka lebaka la evangeli e tsosolositsoeng ea Jesu Kreste, ha re tsʼoenyehe ka eena. Ha re ntse re tsoelapele ho hlompha lilekane tsa rona le Molimo, re phela ka tebello ea ho ba ha rona le eena hape. Hajoale, re ntse re sebeletsa Morena mona ʻme eena o ntse a mo sebeletsa moo—paradeising¹

Hantle-ntle, molekane oa ka le ʻna re etetse Paradeise qalong ea selemo sena—ke bolela Paradeise, Californea. Ka mokhoa oo ho etsahetseng, ketelo ea rona e tlile lihora tse ka tlaase ho 40 kamora hore morali oa rona a falle lefasʼeng lena. Rona, hammoho le Moholo Kevin W. Pearson le molekane oa hae June, re tsʼehelitsoe ke Bahalaleli ba Setereke se seholo sa Chico California. Re ithutile ka tumelo ea bona e kholo, bosebeletsi ba bona, le mehlolo e hlahileng le hara tahlehelo e timetsang ho tsoa nalaneng ea mollo o hlaha o senyang oa California.

Ha re ntse re le moo, re buile nako e telele le ofisiri ea sepolesa e mo nyane , John, eo e neng e le e mong oa ba sebete ba ileng ba phothoma pele. O ile a re fa khopolo ea lefifi le teteaneng le ileng la theohela holima Paradeisi ka la 8 Pulungoana 2018, ha malakabe le mashala a titima harʼa motse, a senya thepa le ling tsa beng ba tsona joalo ka seoa ʻme a siea letho ntle le lithotobolo tsa molora le korosetene tsa makote tse se nang letho.

Bakeng sa lihora tse 15, John o ne a tsamea harʼa lefifi leo ho sa keneheng ka hare ho lona le neng le takuoe ka metsu e melele e tsʼosang ea mashala ha a ntse a thusa motho e mong kamora e mong, lelapa kamora lelapa ho phonyohela polokehong—tsena kaofela a beile bophelo ba hae tlokotsing ea ho timela. Le ha ho le joalo nakong eo ea tlokotsi, se neng se tʼsosa John ka ho fetisisa e ne e le boipotso bo tebileng hore :“Lelapalakale hokae?” Kamora lihora tse telele, tse tsʼosang tsa mahlomola, o ile a ithuta ka hotlosoa hoa bona ho bolokehileng.

Thlaloso ea ngongoreho ea John ka lelapa la hae e ntsʼusumelitse hore ke bue kajeno le bao ho lona ba ka ipotsang ha ba atamela qetelo ea bophelo ba lona, “Lelapala kalekae?” Ka letsatsi leo le tlang ha o phethela teko ea hau e isang ho shoeng ʻme o kena lefatsʼeng la meea, o tla tlisoa le ho tobana le potso eno e sisimolosang pelo: “Lelapala kale kae?”

Jesu Kreste o ruta ka tsela e khutlelang morao ho isa lehaeng la bo rona la bosafeleng. O utloisisa morero oa Ntatʼa rona ea Maholimong oa khatelopele ea bosafeleng betere ho feta e mong le emong oa rona. Kamora tsohle, ke Eena lejoe la motheo la rona kaofela. Ke molopolli oa rona, Mofolisi oa rona, le Mopholosi oa rona.

Ho tloha mohlang Adama le Eva ba neng ba lelekoa tsʼimomg ea Edene, Jesu Kreste o fane ka letsoho la hae le matla ho thusa bao ba khethang ho mo latela. Ka makhetlo khetlo, mangolo a boletse hore ho sa natsehe mefuta eohle ea libe ho tsoa mefuteng eohle ea batho, matsoho a hae a ntse a otlolohetse kantle le ha ho le joalo.²

Moea o ka hare ho e mong le emong oa rona ka tlholeho u labalabella lelapa ho ba le lerato le ho ba teng ka ho sa felelng. Lipina tsa lerato li ntsʼetsa pele tsʼepo e seng ea ʻnete hore lerato ke lona feela leo le le hokang ha le batla ho ba ʻmoho ka ho sa feleng. ʻMe ba bang ba lumela mafosisa a hore tsoho ea Jesu Kreste e fana ka tsʼepiso ea hore batho bohle ba tla ba le baratua ba bona kamora lefu.

Ka ʻnete, Mopholosi ka bo Eena o e ntse hore ho hlake ho lekana hore le ha tsoho ea Hae e netefaletsa hore motho e mong le e mong ea kileng a phela kannete o tla fela a phele ka ho sa feleng, ³ ho na le se sengata ho feta se lebeletsoeng haeba re ba tla ho ba le monyetla o phahameng oa ho phahamisetsoa ho Molimo. Pholoho ke taba e motho ka o mong, empa ho phahamisetsoa ho Molimo ke taba ea lelapa.

Mamela mantsoe a na a builoeng ke Morena Jesu Kreste ho moporofeta oa hae: “Lilekane tsohle, litumelano, litlamo, litsʼoanelo, ho hlapanya, likano, liketsahalo, likhokahanyo, likopano, kapa litebello, tse sa etsoang le ho kena ho tsona le ho tiisa ke Moea o halalelng oa tsʼepo … ha li na bokhoni, bokhabane, kapa matla kamorao ho tsoho ea bafu; hobane litumellano tsohle tse sa etsetsong tlasa pheletso ena li le qetello ha batho ba shoele.”⁴

Joale, ho hlokahalang hore lelapa le phahamisetsoe ho Molimo ka ho sa feleng? Re itokisetsa bakeng saono monyetla ka ho etsa lilekane le Molimo, ho boloka lilekane tseno, leho fumana litsʼebeletso tsa bohlokoa.

Sena e sa le e le ʻnete ho tloha tsʼimolohong. Adama le Eva, Noe le molekane oa hae, Abrahama le Sara, Lehi le Saria, le baleteli ba bang bohle ba ineetseng ba Jesu Kreste—ho tloha ha lefatsʼe le thehoa—ba entse tsetsʼoananglilekane le Molimo. Ba amohetse tse tsʼoanang litsʼebeletso tseo rona re le litho tsa kereke ea Morena e tsosolositsoeng kajeno re li entseng: lilekane tseo re li amohetseng ka kolobetso le ka tempeleng.

Mopholosi o mema bohle ho mo latela ho kena metsing a koloetso ʻme, ka nako, ho etsa lilekane tse ling le Molimo tempeleng le ho amohela le ho tsʼepahalla tseo litsʼebeletso tse ling ts bohlokoa. Tsena tsohle lia hlokahala haeba re batla ho phahamisetsoa ho Molimo le malapa a rona ʻme re be le Molimo ka ho sa feleng.

Bohloko ba pelo eaka ke hore boholo ba batho beo ke ba ratang, bao ke ba babatsang, ʻme bao ke bahlomphang ba hana memo ea Hae. Ba iphapanyetsa thapeli ea Jesu Kreste ha ha a ba hoehla, “ Tlohong, le ntatele.”⁵

Kea utloisisa na hobaneng Molimo a lla⁶ Hape Ke llela metsoalle e joalo le baamani. Ke banna le basali ba khabane, ba ratang malapa a bona le boikarabello sechabeng. Ba fana ka maikemisetso, nako, matla, le maruo a bona. ʻMe lefatsʼe le betere ka lebaka la matla a bona. Empa ba khethile ho se etse lilekane le Molimo. Ha ba amohela litsʼebeletso tse tla ba phahamisetsa ho Molimo le malapa a bona ʻme ba tlangoe ʻmoho ka ho sa feleng.⁷

Ka mokhoa oo ke lakatsang ho ba etela ʻme ke ba memele ho ela hloko ka tieo melao e matlafatsang ea Morena. Ke se ke ile ka ipotsa hore na e be ke eng seo nka khonang ho se bua hore ba tle ba utloe hore na ke ha kakang Mopholosi a ba ratang le ka moo ke ba ratang ka teng ʻme ba fihlele ho elelloa kamoo banna le basali ba bolokang lilekane ba ka amohelang “thabo e felletseng.”⁸

Ba hloka ho utloisisa hore honale sebaka bakeng sa bona kamorao ho mona—ka banna le basali ba khabane ba khethang ho seetse lilekane le Molimo—ke hore e seng sebaka seo malapa a tlang ho boelana ʻme a fuoe monyetla oa ho phela le ho tsoelapele ka ho sa feleng. Ke horee sengʻmusong oo ba tlang ho fihlela thabo e felletseng—ea tsoelopele e sa feleng le nyakallo.⁹ Lithlohonolofatso tseno tse phethehileng li ka tla feela ka ho phela sebakeng se phahameng se khanyang le Molimo, Ntatʼa rona ka ho sa feleng; Mora oa Hae Jesu Kreste; le ba khabane, ba loketseng, le ba itokiselitseng ba malapa a rona.

Ke ikutloa hore ke re ho metsoalle eaka e sa ikemisetsang ho bua ka maikutlo le menahano ea bona:

“Bophelong bona, ha le so ka le amohela tse maemong a bobeli ka boleng linthong tsohle. Le ha ho le joalo, ha le hana ka ho tlala ho ananela evangeli e tsosolositsoeng ea Jesu Kreste, le khetha ho amohela boleng ba maemo a bobeli.

“Mopholosi o itse, ʻMeaho e mengata ka tlung ea Ntate.ʼ¹⁰ Le ha ho le joalo, ha le khetha ho se etse lilekane le Molimo, le amohela marulelo a manyane ka ho fetisa holima lihlooho tsa lona ka hohle ho sa feleng.

Ke tla tsoelapele ka ho kopa ka matla metsoalle eaka e sa ikemisetsang ho bua ka maikutlo le menahano ea bona ka hore:

“Tsʼollelang lipelo tsa lona ka ntle ho Molimo. Le Mo botse hore na ntho tsena ke ʻnete. Etsang nako ea ho ithuta mantsoe a Hae. Ithuteng ka tieo! Haeba o rata lelapa la hau e le ka ʻnete ʻme haeba o lakatsa ho phahamisetsoa ho Molimo le bona ka hohle ho sa feleng, lefa moputso honajoale—ka boithuto bo tiileng le thapelo e matla e ikokobelitseng—ho tseba li ʻnete tsena tsa ka hosafeleng ʻme o tsamae ho latela tsona.

“Haeba ha o na le bo ʻnete ba hore o lumela ho Molimo, qala mono. Utloisisa hore bosieong ba boiphihlelo le Molimo, mong a ka belaella bo teng ba Molimo. Joale, ipehe boemong ba ho qala ho ba le boiphihlelo le Eena. Ikokobetse. Rapella ho bona letsoho la Molimo bophelong ba hau le lefatsʼeng le o patapotileng. Mo kope hore a o joetse hore O fela a le teng—hore na O oa o tseba. Mo botse hore na O ikutloa joang ka oena. E be o oa mamela.”

E mong motsoalle a joalo o ne a na le boiphihlelo bo fokolang le Molimo. empa o ne a labalabela ho ba le molekane oa hae ea falletseng. Eaba o nkopa hore ke mo thuse. Ka mo khothaletsa ho kopana le baruti harʼa lichaba hore a tle a utloisise melao ea thuto ea Kreste ʻme a ithute ka lilekane tsa evangeli, litsʼebeletso, le litlhohonolofatso.

Tseo a li etsa. Empa a utloa tsela eo ba mo elelitseng ho e tsamea e mo hloka ho etsa liphetoho tse ngata haholo bophelong ba hae. O ile a re, “Litaelo tseno le lilekane li thata haholo ho ʻna. Hape, ha ke na monyetla oa ho patala boshome, ʻme ha ke na nako ea ho sebeletsa ka kerekeng.” Eaba o nkopa a re “Hang ha ke shoa ke kopa o nketsetse litsʼebeletso tse hlokahalang bakeng sa molekane oa ka le ʻna e le hore re tle re be ʻmoho hape.”

Kea leboha hore ha se ʻna moahloli oa monna enoa. Empa ke ipotsa ka matla a tsʼebeletso ea boemeli ea tempele bakeng sa monna a bileng le monyetla oaho kolobetsoa bophelong bona—hore a behoe matsoho ho fuoa boruti ʻme a fumane litlhohonolofatso tsa tempele ha a sa le bophelong ba ho shoa—empa e be o etsa khetho ka maikemisetso ho hana tsela eo.

Bana beso ba ratehang, Jesu Kreste O re memela ho nka tsela ea selekane ho isa morao ho Batsoali ba rona ba Maholimong ʻme re lo ba le bao re ba ratang. O oa re mema hore “tlohong, le ntatele.”

Joale, ke le Mookameli oa kereke ea Hae, Ke etsa thapeli ho lona ba emeletseng thoko le kereke ʻme le lona ba so kang le batla ho tseba hore kereke ea Mopholosi e tsosolositsoe. Etsang mosebetsi oa se moea ho iphumanela ka bo lona, ʻme ke lo kopa ho etsa honajoale. Nako e ea fela

Kea paka hore Molimo oa phela! Jesu ke Kreste Kereke ea Hae le evangeli ea Hae ka ho fella e tsosoloselitsoe ho hlohonolofatsa maphelo a rona ka thabo, mona le kamorao ho mona. Ke paka tsena ka lebitso la Jesu Kreste, amen.