Ukpebnkpo Unwam, Ofiong July ke isua 2019

Didie ke Nnyin Ikeme Nditongo Ido Edidu-kiet ke Ufok Abasi?

Ke ini isede ke mme wards ye branches nnyin, imekut mme owo emi enehede edu ke otu. Se nnyin mifiokke edi sia kpa kotu mbon emi enehede edu do, odu ediwak owo emi ekerede ke mmimo iduhe ke esit eboho oro. Nte uwutnkpo, ukpeb kiet, owut ke mmi-mmi emi ete ke ekpere ubak ikpo owo ke United States ekop ndobo-ikpong, inyeneke-ufan, enyung enana-ebuana ye mbon efen.¹

Edi inem nkpo ndidu ke otu. Edi akpan unana eke uwem, ndien ke ini ikereke ke nnyin inyeneke ufon, oro esibiak owo. Ndinana ebuana ekeme ndisin ekikere mfuho mme eke iyatesit.² Ke ini etiede nte nnyin iduhe ke otu, nnyin ndien idiyom ebiet kiet emi nnyin ikpekopde inemesit. Ana nnyin inwam ofuri owo ekop inem ke mmimo imenyene ebuana ke ufok Abasi.

Ndinyene-ebuana Nte Andinyanga

Andinyanga ekedi ata eti uwutnkpo ke ndikut-ufon nyung nam mbon efen enyene ebuana. Ini emi Enye ekemekde mme Mbet Esie, Enye ikesehe ndaha, inyene, mme ata-akpan ubok-utom mmo. Enye amam okut-ufon eke nnwan Samaria emi okodude ke itie obube-mmong, eting iko ntiense ono enye abanga edisana ikoot Esie isehe danga nte mme Jew ekesibat mbon Samaria nte mbio (se John 4). Enye ekesise esit inyung itengeke owo ndomo kiet enyin (se 1 Samuel 16:7; Doctrine ye Covenants 38:16, 26).

Andinyanga odoho ete:

“Mmono mbufo obufa ibet nte, Mbufo ema kiet eken; nte mbufo nde ema kiet eken kpa nte nkamade mbufo.

“Mbufo ema ema kiet eken, kpukpru owo eyeda oro efiok ete mbufo edi mbet Mi” (John 13:34–35).

Nso ke Nnyin Ikpenam?

Ndusuk ini esisong ndifiok mme nte owo ekere ke mmimo iduhe ke otu. Ediwak owo isitingke oro—nte ededi isitingke anwa-anwa. Edi ke esit ima, ndausung Edisana Spirit, ye ukeme ke ndifiok, nnyin iyefiok ini emi etiede nte owo kiet ikopke-inem ke Ufok Abasi ye ke edinam ufok Abasi.

Mkpri Idiongo Owutde ke Owo Ikopke Inem:

• Ndinehede mbem idem, oruk nte ndinwang ubok mme ndisuhore enyin k’isong.

• Nditie edem ke ubet-ufok mme nditie ikpong.

• Nditre edi-di ufok Abasi mme ndi-di nte amade.

• Ndibak nworo ke esop mme edinam ufok Abasi nyong.

• Nditre ndibuana ke nneme mme ke ukpebnkpo.

Emi ekeme ndidi idiongo eke ekikere efen, oruk nte ndikop-buut, ndik, mme unana ndikop-inem. Members ekeme ndinyene “isio-isio” ekikere kini mmo edide mbufa owow ke Ufok Abasi, etode idut mme edu-uwem efen, mme ke enyenede ukpuhore mfina ke uwem, oruk nte uworo-ndo, mkpa eke owo ufokemana, mme ndinyong mission kini mikemke.

Ke ewe ntak ekededi, inaha nte nnyin itre ndinwam ke ima. Se nnyin iting ye se nnyin inam ekeme ndiwut ekikere ke edara enyung enyime kpukpru owo.

Mme Usung ke Ndibuana nyung Ndara ofuri owo:

• Ekutie ye owo kiet ofuri usen kpukpru ini ke Ufok Abasi.

• Ese ebe ndaha odoro-idem owo man ekut se ata owo edide. (For more on this topic, see “Ministering Is Seeing Others as the Savior Does,” Liahona, June 2019, 8–11.)

• Ebuana mbon efen ke nneme mbufo.

• Ekot mbon efen esin ke uwem mbufo. Mbufo emekeme ndisin mmo ke edinam ufok Abasi emi ekerede ndinam idahaemi.

• Eyom enyung esongo ido emi emade.

• Ekutre ndinam ufan koro oro inamke se mbufo emade.

• Ini emi mbufo ekutde asanga-sanga nkpo ebanga owo, ekop inemesit ke nkpo oro akan ndifeb enyin mme ke ndibiat nkpo oro.

• Ewut ima enyung eno ata eti ekom.

• Eda ini ekere ebanga se enehede oworo kini nnyin itingde ke Ufok Abasi edi eke ofuri owo, isehe ukpuhore emi mmo enyenede. Didie ke nnyin idinam emi edi akpaniko?

Isimemke ndikop inem kotu mbon emi nnyin mimeheke ye mmo. Edi ye edinam, nnyin iyetongo ndikut ufon ke ukpuhore inyung ima isio-isio nti-nkpo emi owo kiet-kiet adade edi. Nte Elder Dieter F. Uchtdorf eke Eboho mme Apostle Duopeba ekekpebde ete ke, ukpuhore emi nnyin inyenende ekeme ndinam nnyin idi nti, mbon emi ekopde inemesit: “Edi, enwam nnyin ndinyene nyung nsongo edu-uwem eke edikok, mfonido, ye mbom nno ofuri ndito Abasi.”³

Edidiong otode ke Ndidu-ke-otu

Christl Fechter ama oworo aka idut efen ke ekong akabiat obio emana esie. Enye iketingke usem idut oro ofon inyung idiongoke owo ndomokiet ke obufa mbohoidung esie, ntre ke akpa ekebiet nte esesin enye ndien kedi ikpong.

Nte member Ufok Abasi nnyin, enye ama osongo idem onyung otongo ndiduk obufa ward esie. Enye ekere ke ndodobi usem esie eyenam mme etre ndineme-nneme ye enye mme ke eyebat ete ke enye inyeneke ebe.

Edi enye edikut mbon efen emi misehe ukpuhore esie enyung edara enye esin ke eboho ufan mmo. Mmo enwam enye ke ima, ndien ikebighike enye akabare anwam ke ndikpeb class Primary kiet. Ndito-nwong oro ekedi akwa uwutnkpo eke edinyime, ndien ekikere ke ema enyung eyom imo ama osongo mbuotidem esie onyung anwam ndidemere ata eti nsin-ifik esie nno utom Abasi.

© 2019 otode Intellectual Reserve, Inc. All rights reserved. Ekeming ke USA. Enyime edikabare ke Ikɔ Mbakara: 6/18. Enyime ndikabare: 6/18. Edikabare eke Ministering Principles, July 2019. Efik. 15768 553

Mkpri nwed

1. See Alexa Lardieri, “Study: Many Americans Report Feeling Lonely, Younger Generations More So,” U.S. News, May 1, 2018, usnews.com.

2. See Carly K. Peterson, Laura C. Gravens, and Eddie Harmon-Jones, “Asymmetric Frontal Cortical Activity and Negative Affective Responses to Ostracism,” Social Cognitive and Affective Neuroscience, vol. 6, no. 3 (June 2011), 277–85.

3. Dieter F. Uchtdorf, “Enim ke Akpaniko, Ema, Enam,” Liahona, Nov. 2018, 48.

Edungore Awak

For more ideas, read “We Can Do Better: Welcoming Others into the Fold,” Liahona, Sept. 2017.

Ebuana Ifiok-ukpeb Mbufo.

Nno ifiok-ukpeb mbufo esok nnyin ke nte mbufo enwamde mbon efen mme nte ekenwamde mbufo. Ka ke liahona.lds.org ndien fik “Submit an Article or Feedback.”

Ndida Nkpo-oro nsin ke Edinam

Sister Linda K. Burton, akani Relief Society General President, ekpeb ete, “Sese ke akpa, ekem nwam” (Liahona, Nov. 2012, 78). Nditiene item emi ekeme ndinwam nnyin inyene mme wards ye branches emi ofuri owo edude-ke-otu enyung eyomde. Ese mme ubak ekikere se ekpekere ebanga mi:

• Ini emi idukde ebiet Ufok Abasi nnyin, nnyin imekeme ndikanare enyin nse nyung mfiok owo emi Abasi oyomde ete nnyin ida isin ke eboho ufan nnyin ke usen oro.

• Ndusuk ini nnyin isisehe mbon emi enyenede ukpuhore ye nnyin mme mbon emi ekutde ukut koro nnyin iyomde nditing se mifonke. Emi ekeme ndinam mmo ekere ke owo iyomke mmimo, ekere ntak emi owo ndomokiet minemeke-nneme ye mmo…Stie kpere mmo, ewut ima, enyung ebup eti mbume. Ebup mmo ebanga ifiok-ukpem mmo ye mfina mmo ye nte mbufo ekpenwamde.

• Ke etop nnyin ye ke ukpebnkpo usen Ederi nntyin, nnyin imekeme ndimek man ida mme uwutnkpo emi owutde ete ke mme owo kiet-kiet ye ufokemana ke nsio-nsio ndaha ekeme ndinam iko Abasi enuyng enyene mme edidiong oro.

• Class members ekeme ndibo akwa ufon kini mme andikpeb esinde members emi etode nsio-nsio ndaha isua emana, idut, ye ufokemana. Nnyin imenyene ata ediwak nkpo ndikpeb nto ediwak nti mbon Ufok Abasi emi enyenede ifiok emi okpuhore okpong eke nnyin.

• Mme andikpeb ekeme ndinam eti ebiet eno kpukpru owo man ebuana ifiok-ukpeb mmo ke nte enamde iko Abasi. Ini ekededi emi etingde iko kiet, andikpeb ekeme ndino eti iboro kabanga iko emi eketingde. Mbon class oro ndien eyewara ndikop inem ye osongo ke ndibuana mme ekikere mmo.