Shindamenu ya Buambi, Ngondo wa Muanda Mukulu 2019

Ndi mua kuambuluisha muntu bua ashintuluka anyi?

Eyowa. Kadi mudimu weba ikala mushilangana ne meji awudi wela.

Bonso buetu tuakadi bafukibua ne dikima dia kushintulula. Ditanta batangila ku buwudi bua bunzambi buetu tshidi tshikala kipatshila ka buikadianganyi buetu panu apa. Tshimua tshia ku tuipatshila tuetu tua buambi tshidi bua kuambuluisha bakuabu bua balue kudi Kilisto ne bua benza mashintuluka a mushinga bua kualukila ku mesu kuende. Kadi anu bua budîkadidi bua kudisunguila buabu, mudimu wetu wa kubambuluisha bua balue bena Kilisto udi ushikila.

Munayi malesona muandamuteketa a bujitu a kudi Musungidi pa mushindu utudi mua kuambuluisha bakuabu mu didienzeja diabu bua kushintuluka ne kufuanangana nende menemene.

Kanumvu Bowa bua Kubikila ku Dishintuluka to

Musungidi kavua ne bowa bua kubikila bakuabu bua balekela njila mibi kule ne bitaba malongesha ende to. Wakabikila Petelo ne Yakobo bua balekela midimu yabu ne “balue balobi ba bantu” (Mâko 1:17). Wakambila mukaji uvuabu bakuata bua masandi ne “ndaku, ne kuenji bubi kabidi to” (Yona 8:11). Wakabikila nsongalume mubanji bua alekela lulamatu luenda ku bintu bia pa buloba ne amulonda (tangila Mâko 10:17–22). Tuetu petu tudi mua kuikala ba dikima ne dinanga patudi tubikila bakuabu bua bashintuluka ne balonda Musungidi.
Vulukayi bua se tshidi Disua Diabu bua Kushintuluka

Ngikadilu wa dishintuluka udi Musungidi ubikila kena wa dienzejangana to. Musungidi wakalongesha ne kubikila, kadi Yeye kakenzeja to. Nsongalume mubanji “wakaya wenda unyingalala” (Matayi 19:22). Mu Kapênuma, babungi ba ku bayidi bende bakasungula bua “kualukila,” ne Wakakonka Bayidi benda Dikumi ne Babidi pikabu pabu basua kuya (tangila Yona 6:66–67). Bamua ba ku balondi ba Yona Mubatiji bakasungula bua kulonda Musungidi, bakuabu kabakasua to (tangila Yona 1:35–37; 10:40–42). Tudi mua kubikila bakuabu bua balue bafuanangane nende menemene, kadi katuena mua kuangata dipangadika dia kushintuluka buabu to. Ne pikalabu kabayi banji kusua bua kushintuluka, katuena bua kutshioka to—ne katuena mua kudiumvua bu bapangila nansha.
Sambilayi bua Dikumbana dia Kushintuluka kua Bakuabu

Mu Tshikondo tshiende tshia Disambila dia Kutendelela, Yesu wakalomba Nzambi bua bayidi bende bikala balamibua kule ne bubi, bua bamufuane menemene Yeye ne Tatu, ne bûjibua ne dinanga dia Nzambi (tangila John 17:11, 21–23, 26). Ne bumuvuaye mumanya se Petelo neikala dijinga ne makanda mu kudienzeja kuenda bua kutanta mu mudimu wende, Musungidi wakasambila buende (tangila Luka 22:32). Masambila etu bua bakuabu adi mua kufila dishilangana (tangila Yakobo 5:16).
Balongeshayi bua Beyemena Bukola Buende

Nkupitshila anu kudi Musungidi kutudi mua kushintuluka bushuwa ne kutanta batangila ku buwudi bua bunzambi buetu butudi bonso nabu. Yeye udi “njila, bulelela, ne muoyo: muntu kena mua kulua kudi Tatu kayi mupitshile [kudiye]” (Yona 14:6). Mbukola buende budi mua “kuvuija malu mateketa alua a makanda” (Etê 12:27). Tshivua kupitshila ku ditabuja mu bukola bua bupikudi buende bua kakumbana Alama Muana bua kushintuluka (tangila Alama 36:16–23). Tudi mua kulongesha bakuabu bua beyemena Musungidi bua bobu pabu bapeta bukola bukezuka buende mu mioyo yabu.
Bamonayi mu Muenenu Udibu mua Kulua

Dinanga ne ditaba bidi mua kuikala bifidi binena bia dishintuluka. Mukaji wakadi ku tshina uvua musomba kuende ne muntu uvua kayi muluma wende to. Bayidi ba Yesu “bakakema bualu uvua uyukila ne mukaji”(Yona 4:27), kadi Yesu wakadiabakena bikola bua tshivuaye mua kulua. Wakamulongesha ne kumupeshaye mushindu wa kushintuluka, ne yeye wakenza nanku. (Tangila Yona 4:4–42).

Patudi tumona bakuabu bu muakadibu pamutu pa muikalanganabu, tudi mua kubaluja panyima. Pamutu pa nanku, tudi mua kubuikidila ne kupua muoyo bilema bia kala. Tudi mua kuitaba se bakuabu badi mua kushintuluka. Tudi mua kulengulula mateketa ne kuimanyina bidi bikankamana bidibu kabayi mua kumona bobu nkayabu. “Katuena ne bua kumona bantu mu mushindu udibu to kadi mu mushindu udibu ne bua kulua.”¹
Balekelayi Baya mu Dikasa dia Luendu Luabu

Dishintuluka didi diangata mutantshi. Tuetu bonso tudi ne bua “kutungunuka mu lutulu too ne [mutudi] tulua bakane (Doctrine et Alliances 67:13). Yesu uvua ne lutulu bua bakuabu ne wakatungunuka kuyisha too ne aba bavua bamupampakaja, ujadika bua mudimu mumupesha kudi Tatu’ende ne wandamuna nkonko yabu (tangila Matayi 12:1–13; Yona 7:28–29). Tudi mua kuikala ne lutulu bua bakuabu ne kubakankamika bua bikala ne lutulu buabu nkayabu.
Kanulekedi Pikalabu Balukila mu Njila Yabu Ivuabu Kumpala to

Panyima pa lufu lua Kilisto, nansha Petelo ne bamua ba ku Bapostolu bakaya ku malu abu avuabu benza pa tshibidilu (tangila Yona 21:3). Kilisto wakavuluija Petelo bua se yeye uvua ne bua “kudisha mikoko [Yende] (tangila John 21:15–17), ne Petelo wakalukila ku mudimu. Bidi mua kuikala bipepela bikola bua kualukila mu njila ya kala. Tudi mua kutungunuka kutua mpanda mu dikankamika dimpa ne mabikila mapeta bua kutungunuka mu kulonda Musungidi ne kudienzeja bua kulua bamufuane menemene.

Kuatshishayi bakuabu bua batanta

Mukulu Jeffrey R. Holland wa mu Tshisumbu tshia Bapostolu Dikumi ne Ibidi udi ulonda muyuki pa dianyishila bakuabu bua batanta. “Bakangambila musangu mukuabu bua nsongaluma uvua usekibua bidimu biabungi mu Tshilongedi tshiende. Wakapeta ditatshishibua diabungi, ne bivua biteketa bua bena dienda kumuyobola. Panyima mu kuikalangana kuende wakaya kumpala. Wakashala musalayi ne kupetaye mamanya a ntungunukilu koku aku mu kulonga ne dilubuluka dinena ditamba kala wenda. Tshia mushinga, bu mutu basalayi bonso, wakapeta buimpa ne bulenga bua Ekelezia ne wakashalamu tshishiki ne disanka.

“Nunku, panyima pa bidimu biabungi, wakapingana ku tshimenga tshivuaye mukolela. Babungi ba tshikondo tshienda bavua bumuka kadi bakesa bavua bashala. Bumuvuabi bimueka, pakalukilaye mulubuluka ne mushintuluka, diela dienda dia meji dia momumua diakadiye nadi kumpala divua anu dishala, dindila dialukila dienda. Bua kudi bantu ba mu tshimenga tshienda, uvua muakadiye ‘tshintuntu.’ …

“Ndambu ndambu kudienzeja kua Paulo kua muntu ewu bua kulopoka mu biakala ne kukuata mushinga uvua Nzambi mumupesha wa kakepa too ne mua kafuaye mu mushindu wakadiye udimuna mukola mu bunsonga. … Diakabi, ne dibungama diabungi muakadiye kabidi munyunguluka kudi … aba bavua bamona kala wende muikale ukuma ku mesu pamutu pa maloba wende. Bakakumbana bua kumunyenga tshivua Kilisto muikala mumukuatshila. Ne wakafua mubungama, nansha muvuabi tshilema tshiende. …

“Kuatshishayi bantu bakudimuna mitshima. Kuatshishayi bantu batanta. Manyayi se bantu badi mua kushintuluka ne kulengeja.”²

© 2019 kudi Intellectual Reserve, Inc. All rights reserved. Mupatula mu USA. Dianyisha mu Angele: 6/18. Dianyisha dia dikudimuna: 6/18. Dikudimuna dia Ministering Principles, Ngondo wa Muanda Mukulu 2019. Tshiluba.. 15769 760