Kenginn e Pigpig, August 2019

Rayag Ngu Ayuweg Be’ nge Thil?

Arragon. Machane bay ni murwel rom ab thil ko tafney nikam tay.

Kan sunmiy dad ni woed nrayag ni ngad thil gad. I’llal i yan ko pi fal’ngindad e irraram fan e yafos rodad u faylyeng. Reb e murwel rodad ko pigpig e ngan pii’ e ayuw ngak e gidii’ ni ngar bad ngak Kristus miyad rrin’ e tin nib tu’uf ni ngar suled nga gilil’ungun. Machane bachan fare motwon rad nbay, murwel rodad ni ngad ayuweged rad e woed rogon Kristus machane bay urngin yay.

Ba’aray medlip i fanow rok fare Tathapeg ko rogon nrayag ni ngad ayuwegned e gidii’ ni ngar gayed rogon ni ngar thil gaed miyad bod Ir.

Dam Mu Rus ni Ngan Fekem ni Ngam thil

Fare Tathapeg e dan’i rus ni nge pining e gidii’ ni nge digey e tin ni kakurom e yalen nge un ko machib Rok. Ke pining Peter nge James ni ngar digeyew e murwel rorow ngar “mangew i yagnag e girdi’“ (Mark 1:17). Ke pining fare ppin nib ta denen ni nge “mman, ma dab kum denen bayay“ (John 8:11). Ke pining fare mo’on ni pire’ ban’en rok ni nge pi’ ni chuway’ urngin ban’en ni ba’ rok me yaen nge un Ngak (muggy ko Mark 10:17–22). Krayag rodad ni ngad pininged e gidii’ ni ngar thil gad miyad laek fare Tathapeg.
Mu Tay u Wun’um nib Milfan Ngorad ni Ngar Thil Gad

Tin nibe pining dad fare Tathapeg ni ngad thiliyegned e dabyag ni ngan salapnag. Fare Tathapeg e machib me pong, ma dani towasor. Ma fare mo’on ni pire’ ban’en rok e “yan nike kireban’“ (Matthew 19:22). U Kapernum, bo’or pi gachalpen nra paged “ngar suled,“ ma aram me ga’ar ngak fare Ragag nge L’agruw i gachalpen ngkum paged gag ngam marod (muguy ko John 6:66–67). Boch pi gidii’en John e ra mel’egned ni ngar laked fare Tathapeg, ma boch e danra uned (muguy ko John 1:35–37; 10:40–42). Rayag ni ngad pinnged e gidii’ ni ngar boded Ir, machane dabyag ni ngad dugliyed ni ngad thil gad ni fan ngorad. Ma fa’an ndaw ra dugliyed ni ngar thil gaed, dabin pag raed—fa ngad thamiyed ni gadaed mo’war.
Meybil Nfan Ngak e Gidii’ ni Ngayag ni Ngar Thilgad

Nap’an nibe meybil nib alamrin rogon, Yesus e fith ngak Got ni nge ayuweg pi gachalpen ni ngar pared ni yad ba ta’rebgad ko pi denen, ni ngar pared ni wod Ir nge Chitamangin, min suguy rad ko tu’ufeg rok Got (muguy ko John 17:11, 21–23, 26). Ni mnang ni ra tu’uf gelngin Peter rok ni nge rrin’ e tin ni murwel rok, ere fare Tathapeg e meybil ni fan ngak (muguy ko Luke 22:32). Meybil rodad ni fan ngak e gidii’ e rayag ni nge thilyeg boch ban’en (muguy ko James 5:16).
Mu Fil Ngorad Ni ngar Taga’gad ko fare Gelngin

Krimus nu dakan fare Tathapeg e rayag ni ngad thil gad magdad chuchgur ko tin gubin nbay ni fal’ngindad. Ni’ir “fare kanawo’, me gag e tin riyul’, me gag e yafos’ dariy be’ nrayag ni nge yan ngak e en ni Chitamangiy ya kemus ni gag e ra yan rog [Ngak]” (John 14:6 Ni fare gelngin nbay nrayag ni nge pi’ e tin nib mo’owar roraed e ra mang gelngraed“ (Ether 12:27). Michan’uy ko fare gelngin e Bayul Rok e ayuweg Alma ninge thil (muguy ko Alma 36:16–23). Rayag ni ngad filed ngak e gidii’ ni ngar taga’gad ngak fare Tathapeg ni ngayag ngorad fare gelngin nbay nib gel ulan e yafos rorad.
Mu Dag Ngorad ni woed rogon Nrayag Rorad

Tu’ufeg nge thapeg e rayag ni nge ayuweg ni ngar thil gad. Fare ppin nbay u chren fare luwed e be par rok be’ nib mo’on ni gathi figirngin. Pi gachalpen Yesus e ra fithed “mangfan ni ga be wilthin ngak e re pin nir“ (John 4:27), Yesus e be sap nga m’on ko tin nrayag rok’ fare ppin ni nge rrin’. Fil ngak me yog rogon ngak ni nge thil, ma aram ni thil. (Muguy ko John 4:4–42.)

Fa’an nran sap ko gidii’ nga rogon e pi ngonglanrad e chiney ma darn sap nga m’on ko mang e rayag rorad, ma rayag ni gadad ra talegrad ni ngar mon’og gad. Rayag, ni ngad n’igedfan magdad pagtalin e tin ni kar rrin’ed nib togon. Rayag ni nge mich u wun’dad ngay nrayag nra thil e gidii’. Rayag ni ngad sapgad ko tin fal’ngin facha’ ma dabin sap ko tin nib mo’owar rok facha’. “Bay e murwel rodad ni ngad sap gad ko gidii’ ko tin nrayag rorad ni ngar rrin’ed ma gathi tin ni darn rrin’ed.”¹
Mu Pagrad Ngar Ranod u Paynginrad

Thil e bay e ngiyal’ riy. Gadad gubin ni thingar da “ul’ul’ gad ko gumaen’ nge mada’ ko ngayal’ ni kad polo’ [gad]“ (Doctrine nge Covenants 67:13). Bay e gumaen’ rok Jesus nap’an ni be ul’ul’ nge machib nag e gidii’ nib mu’un e gidii’ ngay ni dabun dakan Yesus, nibe machib nag fapi murwel Rok ni yib rok e Chitamangin ma be fulweg e pi duwer rorad (muguy ko Matthew 12:1–13; John 7:28–29). Rayag ni ngad gumaen’ gad ngak e gidii’ magdad pi’ e athamgil nga lanyan’rad ni ngar gamaen’ gad ni fan ngorad.
Dam Pagrad ni Fa’an Kar Suled ko pi Ngongol Rorad ni Kakrom

Nap’an ni yim’ Kristus, Peter nge ku boch fapi Gachalpen Kristus ara suled nga yarman rad ni ku wod somm’on (muguy ko John 21:3). Kristus e pugoran ngak Peter ni “nge gafaliy e tin ni kab bay nib bitir e saf [Rog]“ (muguy ko John 21:15–17) Rib mom ni ngan sul ko tin kakrom e wo’en. Rayag ni ngad ul’ul’ gad ngad pi’ed e ayuw ma gadad be pi’ e thin nib mangil ni ngar ul’ul’ gad ngar laked fare Tathapeg min gay rogon ngan bod Ir.

Mpag e gidii’ ni ngar Il’al Gad

Elder Jeffrey R. Holland ko fare Ulung ko Ragag nge L’agruw i Apostles e fil e biney ko rogon ni ngan pag e gidii’ ni ngar il’al gad: “Kanog mornga’agen be’ ni pagal ni bukum e duw ni’un kakreng ulan e skul rok. Bo’or e gafgow rok, mab mom ngak e bitir u skul ni ta’areb yangren rad ngak ni yima kakreng. Boch nga m’on riy me chuw ko farngi n’em. Me un ko salthaw ma bo’or ban’en nib mangil ni buch rok nib mu’un e yan nga skul ngay me pag e tin ni’i buch rok ni kakrom ban’en. Gubin ban’en ni buch rok nib manngil, ma wod gubin e gidii’en e salthaw, pere’eg fare Galasia me un ngay nib falfalan’ ngay.

“Ere, in e duw ngay, me sul ko farngi n’en ni il’al riy. Oren e gidii’ e ke malekag nga byang machane gathi gubin e gidii’. Ere, nap’an ni sul ni aram rogon ni ke mon’og ma ke thil, fapi gidii’ ni kbay u rom e kab ta’areb rogon e tafney rorad ni wod somm’on, ni yad be son nag ni nge sul. Ngak fapi gidii’ ni kbay ulan fare binaw, yad be sap ngak ni ku wod ’somm’on’ …

“Buch’uw ni buch’uw ni tin ni kari athamgiliy ere pagal ney riy ke digey ma ke chichi’iy ir ko fare tawa’ath rok Got e m’ay nga bayang nge mada’ ko ngayal’ nike yim’ ni wod rogon somm’on nap’an ni kab pagal. … Ma’dab, ma kurban’ ni ka bayay nike yileg e…gidii’ nibe lemnag ni tin ni mornga’gen ni kab kafram e ba ga’fan ko tin nga m’on ban’en. Kari athamgil ke thap ngak e n’en nike rrin’ Kristus ni fan ngak. Make yim’ nib kirban’, ni gathi ir e kireb rok. …

“Pag e gidii’ ni ngar kalngan’ gad. Pag e gidii’ ni ngar il’al’ gad. Michan’um ngay nrayag ni nge thil e gidii’ nge mon’og.”²

© 2019 by Intellectual Reserve, Inc. All rights reserved. Kan yoloey u Meriken. Kan micheg nag ko thin nu Ngalis: 6/18. Kan micheg nag i pilyeg: 6/18. Pilyeg ko Ministering Principles, August 2019. Yapese 15769 905