Ukpebnkpo Unwam, Ofiong September ke isua 2019

Usung nte Spirit Ekemede (onyung Aduakde) Ndinwam Mbufo man Enwam

Ubiong utom itie-oku man anwam, emi enode irenowo ye iban, esine unen ke ndibo eriyarare.

Mme ndise otode Getty Images

Ikoot man anwam onyung anyanga ndien ama kpante Andinyanga akanamde ke ubak-ini ekeme ndisong—akpan-akpan kini anwanade ndinyanga mbon emi nnyin mitimke idiongo. Diana yeediwak usung ke ndinwam, nnyin imekere nte nnyin idifiokde ata nti usung ke ndinyanga mbon emi enode nnyin ubiong ete ikenwam.

Inaha nte nnyin ikere ibighe koro Edisana Spirit eyeno ata eti ukeme nnyin ndausung.

Sister Bonnie H. Cordon, General President eke Young Women odoho ete, “Ndisana ubiong unwam mbufo onono mbufo edisana unen ke ndibo ifiok-spirit.” “Mbufo emekeme ndiyom ifiok-spirit oroye uko.”¹

Ini emi nnyin iyomde ndinwam nte Andinyanga akanamde, nnyin iyebo ndausung ito ukem Spirit oro akadade Enye usung. Emi edi ntre kini enamde ubiong-utom, oruk nte unwam, emi otode ke idak odudu ukpohode itie-oku eke bishop. Se emi edi mmeekikere itiokietke ndinwam ye Spirit.

Didie ke Ami Ndinyene Spirit Kini nnode Unwam?

• Ebup eyom Ndausung. Ete ke Heaven oyom nnyin ineme ye Enye ke akam. Akam inamke nnyin ikpere Enye kpot, edi akam nko ekpeme “mme edidiong emi Abasi oyomde ndino emi anade nte nnyin ibenge mbemiso ibo mmo.”² “Nte nnyin ibongde-akam inyung iyomde ndifiok esit mmo,” Sister Cordon ete, “Ami nting iko ntiense ke Ete Heaven eyeda nnyin usung ndien Spirit Esie eyesanga ye nnyin.”³

• Ekuda Ebet ndibo Ntuuk-Spirit. Enam-nkpo ke Idem mbufo. Esin-idem “enam nkpo” (Doctrine ye Covenants 58:27), ndien mbufo eyekut ete ke ukeme mbufo enyene ndausung onyung okpon. President Dallin H. Oaks, Akpa Onoitem ke First Presidency odoho ete, “Ndika iso ke utom-unwam nnyin ye utom edi akpan usung ke ndidot man ibo eriyarare.” “Nte ami nkotde nwed Abasi ami mmokut ke ediwak eriyarare emi enode ndito Abasi edi kini mmo enamde nkpo, idige kini mmo etiede ke ebiet-idung mmo ebet Abasi nditeme mmo akpa nkpo emi mmo ekpenamde.”⁴

Didie ke Ami Ndifiok Ntuuk-spirit man Nnwam?

• Eda Item eke Mormon. Inaha nte nnyin inyek-esit mme ekikere kiet edi ntuuk-spirit mme idihe. Idige kini nnyin ndinyene ndimem ukpohode Mormon man idiongo: Edieke mbufo enyenede ekikere kiet emi etemede mbufo ete enam eti nkpo enyung enim mme edinwam mbon efen ndinim Christ ke akpaniko, mbufo emekeme ndidiongo ke edi eke Abasi (se Moroni 7:16).

• Ekufina Idem ebanga Oro. Elder Jeffrey R. Holland eke Eboho mme Apostle Duopeba odoho ete, “Edaha eda enyung enam nkpo.” “Esanag ekesim mbon-owo emi edude ke unana. Ekutie otokiet ekere mme mbufo ekpesanga eka-iso mme ekpefiak-edem. Edieke nnyin itienede mkpri item emi ekekpebde, enam nkpo ke idak ukphode itie-oku, enyung eyom Edisana Spirit ada nnyin usung, nnyin ikemeke ndikpu.”⁵

Ewe edi Ata Eti Usung ke Nditiene Item-Spirit?

• Ke ndo-ndo oro. Sister Susan Bednar (nnwan Elder David A. Bednar eke Eboho mme Apostle Duopeba) edi akwa uwutnkpo ke nditiene item-spirit. Elder Bednar abuana ete, Ke obongde-akam okure “oyom ukeme man okut owo emi odude ke unana,” enye ese otuowo onyung esiwak “ndinyene ntuuk-spirit man ekese mme ndikot owo kiet ke phone.” “Ndien kini Sister Bednar esibode oruk ntuuk oro, enye esisop ndinam-nkpo nyung nkop item. Esiwak nditbe kini esinde ‘amen’ ke akam usuana, enye eyenyene nneme ye eyenowong mme ndifat eyeneka anwan, ndien ke esimde ufok, ke ndo-ndo oro ada phone onyung okot owo.”⁶

• Ke uko. Ndik edisin ye ekikere obut, unana-ukeme, mme ke ndifian-owo ekeme ndibiongo nnyin ke nditiene item-spirit man anwam. Elder Gerrit W. Gong eke Eboho mme Apostle Duopeba odoho ete, “Ke nsio-nsio ini ye usung, ofuri nnyin imekere ke imenana-ukeme, idorenyin, usukini idotke.” “Edi ke nti ukeme nnyin man ima Abasi inyung inwam mbohoidung nnyin, nnyin iyekop ima Abasi ye item-spirit emi iyomde ino uwem mmo ye eke nnyin ke mbufa ye ndisana usung.”⁷

  Eyeneka eren kiet akabuana danga nte enye ekeyik ndinwam ebe nnwan kiet emi okoyomde ndiwot-idem esie. Edi ke akpatre okot ebe oro ete edi udia uwemeyo. “Kini ami ndohode nte, ‘Nnwan fo okoyom ndiwot idem esie. Akpana oro enem fi esit. Ndi afo omoyom ndineme mbanga oro?’ enye ama atua eyet onyung abuana.” “Nnyin ima inyene inem ye ntotungo nneme inyung itongo eti ebuana ye mbuotidem ke ndo-ndo oro.”⁸

© 2019 by Intellectual Reserve, Inc. All rights reserved. Ekeming ke USA. Enyime edikabare ke Ikɔ Mbakara: 6/18. Enyime ndikabare: 6/18. Edikabare eke Ministering Principles, September 2019. Efik. 15770 553

Mkpri nwed

1. Bonnie H. Cordon, “Becoming a Shepherd,” Liahona, Nov. 2018, 76.

2. Bible Dictionary, “Prayer.”

3. Bonnie H. Cordon, “Becoming a Shepherd,” 76.

4. Dallin H. Oaks, “In His Own Time, in His Own Way,” Liahona, Aug. 2013, 24.

5. Jeffrey R. Holland, “The Ministry of Reconciliation,” Liahona, Nov. 2018, 77.

6. David A. Bednar, “Quick to Observe,” Liahona, Dec. 2006, 17.

7. Gerrit W. Gong, “Our Campfire of Faith,” Liahona, Nov. 2018, 42.

8. Bonnie H. Cordon, “Becoming a Shepherd,” 76.

Uwutnkpo eke Andinyanga

Andinyanga ama ebenge-idem ono utom Esie. “Abasi okonim Jesus eyen Nazareth ke Edisana Spirit,” ndien Christ “asanga ke ebiet ke ebiet anam ufon ono owo” (Acts 10:38). Enye “okoyoho ye Edisana Spirit” ndien awak “ndisanga ye Enye” (Luke 4:1). Ke akpaniko Christ akasanga ke ebiet ke ebiet anam ufon nkpo ono owo mbemiso ekonim Enye ke Edisana Spirit, edi ndibo Edisana Spirit ye ndinyene unen oro man obo ntuuk-spirit ekedi akpan ubak-nkpo ke utom ukworo-iko Esie—ukem nte edide akpan-nkpo ono nnyin.

Ikoot man Anam-nkpo

Nte mbufo enamde utom unwam mbufo kpukpru usen, eda akam eyom enyung enam item eke Edisana Spirit. Ti ke Ete Heaven eyediong mbufo ye mbon emi mbufo enwamde ke nte enmade!