Nshindamenu ya Buambi, Ngondo wa Tshitema 2019

Mushindu udi (ne walua) Nyuma mua kukuambuluisha bua kuenza buambi

Dibikila dia buakuidi bua kuenza buambi, dipeshibua kudi baluma ne bakaji, ndikumbaja kabidi ne bunema bua kupeta dibuluibua.

ministering

Dileja ne mifundu ya dizola dia Bimfuanyi bia Getty

Dibikila dia kuanza kuambi ne kusadila ne kunanga bu muvua Musungidi muenza didi mua kuikala misangu mikuabu dikola—nangananga patudi bikala tutantshila aba batudi katuyi nansha bamanya bimpa. Ne mishindu mipita ya kuenza buambi, tudi tudikonka mutudi mua kumanya mishindu idi mimpa bua kukuatshisha aba batudi babikidile.

Katuena ne bua kudiabakena bikola bualu kudienzeja kuetu kua tshishiki kudi mua kulombodibua kudi Nyuma Muimpa.

“Mudimu weba wa buambi wa tshijila udi ukupesha bunema bua kudi Nzambi ku munungênu,” mua kamba Mamu Bonnie H. Cordon, Muimanyinyi Munena wa Bansonga Bakaji. “Udi mua kukeba munungênu ewu ne tshisumi.”¹

Patudi bikala tukeba kusadila bu muvua Musungidi, tudi mua kulombodibua kudi Nyuma umuepela wakamulombola. Etshi tshidi tshikala bulelela patudi tusadila mu mabikila, bumudi buambi, buenza ku bukokeshi bua nsapi ya buakuidi bua muepiskopo. Eyi idi ngenyi isambombo bua kuenza buambi pamua ne Nyuma.

Mushindu kayi undi mua kuikala ne Nyuma mu Buambi?

• Keba Buludiki. Tatu wa mu Diûlu mmusua bua tuyukila nende kupitshila ku disambila. Disambila kadiena anu ditusemeja pabuipi nenda to, kadi didi kabidi ditupesha “mabenesha adi Nzambi mumana kutulongoluela kadi matekibua bua kufidibua anu patudi tu’alomba.”² “Patudi tusambila ne tudienzeja bua kumvua mioyo yabu,” mua kamba Mamu Cordon, “Ndi njadika se Tatu wa mu Diûlu neatulombole ne Nyuma Wende neikale netu.”³

• Kuindidi Tshikemu to. Ikala mukazamuka. Ikala “mudifila ne tshisumi” (Malongesha ne Bipungidi 50:27), ne neumone se kudienzeja kueba kudi mua kulombodibua ne kutanta. “Ditungunuka kumpala mu kusadila ne mu mudimu didi njila wa mushinga bua kupeta dibuluibua,” mua kamba Muimanyinyi Dallin H. Oaks, Mubedi wa Kumpala mu Buimanyinyi bua Kumpala. “Mu kulonga kuanyi kua mifundu ngakajandula se dibuluibua kudi bana ba Nzambi didi ditamba kulua padibu mu kunyungakana, kadiena dilua mu kusomba mu nzubu yabu bindila bua Mukalenga abambila dikasa dia kumpala dia kuangata to.”⁴

Munyi Mundi mua Kumanya Bikemu bidi binsaka bua kuenza Buambi?

• Angata mibelu ya Molomo. Katuena dijinga ne kudiabakena bua kumanya pikala meji etu avua tshikemu anyi to. Bualu tudi ne nsapi mipepela ya Molomo bua kumanya se: paûdi ne meji adi akusaka bua kuenza buimpa ne kuitaba anyi kuambuluisha bakuabu bua bitaba Kilisto, udi mua kumanya se adi a kudi Nzambi (tangila Moloni 7:16).

• Kutambi kudiabakena buabi to. “Tumpika mu tshiowelu ne owela,” mua kamba Mukulu Jeffrey R. Holland wa mu Tshisumbu tshia Bapostolu Dikumi ne Ibidi. “Teka diambuluisha kumpala kua badi mu majinga. Kuikadi muimanakana udikonka bua se neudi mua kupingana anyi kutungunuka to. Tuetu balonda tunungu tua ntuadijilu kuakadibu balongesha, kushala mululamangana ne nsapi ya buakuidi, ne kukeba kua Nyuma Munsantu bua atulombola, katuena mua kupangila to.”⁵

Mushindu Kayi Muimpa wa Kulonda tshikemu?

• Mu mpindieu. Mamu Susan Bednar (mukaji wa Mukulu David A. Bednar wa mu Tshisumbu tshia Bapostolu Dikumi ne Ibidi) udi tshilejilu tshinena tshia kulonda kua bikemu. Panyima pa kusambila “bua kupeta mesu a nyuma ne kumona aba badi mu dijinga,” udi utangila nyungulukilu wa nsangilu ne wakadi nangananga “umvua mukuma wa nyuma bua kusamba anyi kubikila ku telefone muntu umua,” biamba kudi Mukulu Bednar. “Ne padi Mamu Bednar upeta munungenu ewu, udi uya lukasa ku dienza ne unemeka. Bitu nangananga mu musangu udibu bamba “amen” mu dibenesha, udi uya kakula ne nsonga anyi wakidila mamu anyi, padiye walukila kumbelu, udi wangata telefone musangu umua ne ubikila.”⁶

• Ne muoyo mukola. Bowa bua kuipatshibua ne kumvua kua bundu, kupanga kuibidila, anyi bualu kampanda bidi mua kutupangisha bua kulonda tshikemu tshia kuenza buambi. “Ku misangu ne njila mivula, tudi bonsu tudiumvua katuyi bibidila to, ne mpata, pamuapa tudiumvua katuyi bakana to,” biamba kudi Mukulu Gerrit W. Gong wa mu Tshisumbu tshia Bapostolu Dikumi ne Ibidi. “Kabidi mu kudienzeja kua lulamatu bua kunanga Nzambi ne kusamba muena mutumba wetu, tudi ne bua kumvua dinanga dia Nzambi ne dijinga dia lungenyi buabu ne mioyo yetu mu njila mimpe ne minsatu.”⁷

  Muanetu Muluma mukuabu wakaleja mushindu uvuaye welakana bua kukumbula mulume wa mukaji uvua muteta kudishipa. Kadi wakafika ku dibikila muluma ku tshiadidia tshia dilolu. “Pangakamba se, ‘Mukaji’ebe mmuteta kudishipa. Atshi tshidi tshikala tshikutatshisha. Udi musua kuakula buatshi anyi?’ yeya wakadila,” ke mua kambaye. “Tuakadi ne muyuki muimpa wa ku muoyo ne tuakenza bulunda bukola ne tshieyemenu mu tususa tukesa.”⁸

© 2019 by Intellectual Reserve, Inc. All rights reserved. Mupatula mu USA. Dianyisha mu Angele: 6/18. Dianyisha dia dikudimuna: 6/18. Dikudimuna dia Ministering Principles, September 2019. Tshiluba. 15770 760

Bibadilu

1. Bonnie H. Cordon, “Becoming a Shepherd,” Liahona, Ngondo wa Dikumi ne Umua 2018, 76.

2. Bible Dictionary, “Prayer.”

3. Bonnie H. Cordon, “Becoming a Shepherd,” 76.

4. Dallin H. Oaks, “In His Own Time, in His Own Way,” Liahona, Ngondo wa Muanda Mukulu 2013, 24.

5. Jeffrey R. Holland, “The Ministry of Reconciliation,” Liahona, Ngondo wa Dikumi ne Umua 2018, 77.

6. David A. Bednar, “Quick to Observe,” Liahona, Ngondo wa Dikumi ne Ibidi 2006, 17.

7. Gerrit W. Gong, “Our Campfire of Faith,” Liahona, Ngondo wa Dikumi ne Umua 2018, 42.

8. Tangila Bonnie H. Cordon, “Becoming a Shepherd,” 76.

Tshilejelu tshia Musungidi

Musungidi wakadi mulongolola bua mudimu Wende. “Nzambi wakadi muela Yesu wa mu Nazaleta manyi a Nyuma Muimpe,” ne pananku Kilisto “wakaya wenza malu mimpa” (Bienzedi 10:38). Wakadi “muujibua ne Nyuma Muimpa” ne uvua nangananga “mulombola kudi Nyuma” (Luka 4:1). Kilisto wakaya mu kuenza kua bimpa kumpala kua muedibua manyi a Nyuma Muimpa, kadi kupeta kua Nyuma Munsantu ne kupeta dianyisha ku munungenu awu tshivua tshitupa tshia mushinga tshia mudimu wende—bumudibi kabidi bia mushinga buetu.

Dibikila bua kuenza

Pawudi uya mu buambi bueba bua ku dituku, keba ne londa mu kusambila bikemu bia Nyuma Muimpa. Vuluka se Tatu wa mu Diûlu neakubenesha pamua ne aba bawudi ukumbula!