Pedped in katak ko an Jerbal in Karejar, Jeptōm̧ba 2019

Elmen an Jetōb Maron̄ (im Naaj) Jipan̄ Eok Jerbal in Karejar

Ijjitōn̄ eo an priesthood eo n̄an jerbal in karejar, em̧ōj leļo̧k n̄an em̧m̧aan ro im kōrā ro jim̧ōr, ekūtbuuj jim̧we eo n̄an bōk revelesōn.

Pija ko jān Getty Images ko

Kūr eo n̄an jerbal in karejar im jerbal im em̧ool iakwe āinwōt an Rilo̧mo̧o̧r eo kar kōm̧m̧ane maron̄ pen jet iien—eļaptata n̄e ekoba pukōt ļo̧k ro jejjab lukkuun jeļā kajjāeir. Elōn̄ milien wāween ko n̄an jerbal in karejar, jej kōļmenļo̧kjen kōn ewi wāween ad maron̄ jeļā wāwen ko rem̧m̧antata n̄an pukōt ļo̧k ro im em̧oj jitōn̄ kōj n̄an puko̧t ļo̧k.

Jejjab aikuj in kōļmenļo̧kjen aitok kōnke kijejeto ko ad rem̧ool remaron̄ bōk tōl jān Jetōb Kwojarjar.

“Jerbal in karejar eo am̧ ekwojarjar ej lewaj n̄an eok juon ikdeleel eo eaorōk,” Sister Bonnie H. Cordon, Būreejtōn eo Eutiej an Doulul eo an Jiron̄ ro ekar ba. “Komaron̄ kappukot ikdeelel in kōn lōke.”¹

N̄e jej kappukot n̄an jerbal āinwōt an kar Riļo̧mo̧o̧r eo kōm̧m̧ane, jemaron̄ bōk tōl jān ejja Jetōb eo ekar tōl E. Menin ej m̧ool eļaptata n̄e jerbal ilo ijjitōn̄ ko, āinwōt jerbal in karejar, kar kōm̧m̧an jān ium̧win mālim eo an priesthood kii ko an bisop eo. Erkein jiljino iaan wāween ko n̄an jerbal in karejar kōn Jetōb.

Elmen Bōk Jetōb N̄e Ij Jerbal in Karejar?

• Kajjitōk kōn Tōl. Jemedwōj Ilan̄ ekōņaan bwe jen kōnono Ippān ilo jar. Jar ejjab kōm̧m̧an wōt bwe jen epaakeļo̧k wōt E, ak ej barāinwōt dāpij “kōjeraam̧m̧an ko me Anij ej m̧ōņōņō in letok bōtaab rej pedped wōt ioon ad kajjitōki.”² “Ilo ad jar im kappukot n̄an meļeļe kōn būruweer,” Sister Cordon ekar ba, “Ij kallim̧ūr bwe Jemedwōj Ilan̄ enaaj tōl kōj im Jetōb eo An enaaj etal ipped.”³

• Jab kōttar n̄an juon Im̧we. Wōnm̧aanļo̧k wōt. Kwōn “bōk koņaam̧” (Katak im Bujen ko 58:27), im kwonaaj lo ke kijejeto ko am̧ remaron̄ tōli im kōļapļo̧ki. “Wōnm̧aanļo̧k wōt ilo jerbal in karejar ko ad im jerbal eo ej juon wāween aorōk n̄an bōk revelesōn,” Būreejtōn Dallin H. Oaks ekar ba, Rikakpilōklōk eo Kein Kajuon ilo Būreejtōnji eo Kein Kajuon. “Ilo ekkatak ko aō jen jeje ko rekwojarjar iaar kile bwe elōn̄ iaan revelesōn ko n̄an ajri ro nejin Anij rej itok n̄e rej em̧akūtkūt, ejjab n̄e rej jijōt likļo̧k ilo m̧oko im̧weir im kōttar an Irooj ba n̄an er bun̄tōn eo m̧okta n̄an bōke.”⁴

Ewi wāween Aō Kile Im̧we Ko n̄an Jerbal in Karejar?

• Bōk Naan In Rōjan̄ An Mormon. Jejjab aikuj n̄an pād bajjōk elan̄n̄e juon ļōm̧ņak ekar juon im̧we ak jaab. Ejjab n̄e ej pād ippād kii eo epidodo n̄an jeļā an Mormon: N̄e ej lōn̄ juon ļōm̧ņak me ej im̧weik eok n̄an kōm̧m̧an em̧m̧an im n̄an tōmak ak n̄an jipan̄ ro jet tōmak ilo Krasit, kwojeļā ke ej jen Anij (lale Moronai 7:16).

• Jab Inepata kake. “Wōnm̧aanļo̧k wōt im keļo̧k n̄an ilowaan jikin aō eo im aō,” Elder Jeffrey R. Holland jān Doulul eo an Jon̄oulruo Rijilōk ro ekar ba. “Etal ippān ro rej aikuj. Jab ļōmņak ta jipan̄ eo kom̧ij kar aikuj in kōm̧m̧ane ak anōōņ likļo̧k m̧aantak. Eļan̄n̄e jej ļoor pedped ko m̧oktata me kar katakin kōj, pād wōt ippān kii ko an priesthood, im pukōt Jetōb Kwojarjar eo n̄an tōl kōj, jeban maron̄ likjab.”⁵

Ta Wāween eo Em̧m̧antata n̄an Ļoor juon Im̧we?

• M̧ōkaj. Sister Susan Bednar (kōrā eo pāleen Elder David A. Bednar jān Doulul eo an Jon̄oulruo Rijilōk ro) ej juon waanjon̄o̧k eo em̧m̧an ilo ļoor im̧we ko. Ālkin an kar jar “an bōk mej ko an jetōb n̄an lo armej ro elōn̄ aer aikuj,” ekar reitoreitak ilo m̧ōn jar eo im eiten aolep ien ”en̄jaake juon en̄jaake in jetōb emera n̄an loļo̧k im kōm̧m̧ane juon ko̧o̧ļ n̄an juon armej,” Elder Bednar ekar ba. “Im ke Sister Bednar ej bōk juon en̄jaake, ej m̧ōkaj kōm̧m̧ane im pokake. Ekkā an wāween eo in ilo tōre en ‘amen’ eo ej m̧ōj ba ilo jar eo, enaaj jino ekōnono ippān juon jodikdik ak atabakuj juon sister ak, ilo tore en ej topar m̧weo ej kotak taļboon eo im kōm̧m̧ane juon kūr.”⁶

• Peran. Mijak kōn kaarmejete im en̄jaake in ejoko̧o̧k, en̄jaake ko kōn jabwe in jelā, ak juon eo ebōd emaron̄ bōbraeik kōj jān ļoor im̧we eo n̄an kwaļo̧k. “Ilo im wāween ko, jej en̄jake ejjeļo̧k jeļā, jab meļeļe, im bōlen jab wānōk,” Elder Gerrit W. Gong jān Doulul eo an Jon̄oulruo Rijilōk ro ekar ba. “Kiiō ilo tiljek in kijejeto ko ad n̄an iakwe Anij im n̄an jerbal in karejar n̄an ro itūrid, jenaaj en̄jake iakwe eo an Anij im aikuj ikdeleel n̄an mour ko aer ilo wāween ko rekāāl im ekwojarjar.”⁷

  Juon brother ekar kwaļo̧k wāween an kar mijak in loļo̧k em̧m̧aan eo im kōrā eo ippān ro raar kajjjieon̄ bōk mour ko aer make. Āliktata, ekar kajjitōk ippān ļeo pāleen n̄an juon iien m̧ōn̄ā in rālep ippān. “Ke ikar ba, “Lio pāleem ekar kajjieon̄ m̧ane e make. Āinwōt ej juon inepata n̄an eok. Kwōj kōņaan ke kōnnaan kake?’ ekar kwaļo̧k an jan̄,” brother eo ekar ba. “Ekar juon bwebwenato eo epen im bwil im kar kalek juon kepaak im lōke ilo jejjo minit ko.”⁸

© 2019 by Intellectual Reserve, Inc. All rights reserved. Kar jeje ilo USA. Kōmālim ilo kajin English: 6/18. Kōmālim an ukook: 6/18. Ukook eo an Ministering Principles, September 2019. Marshallese. 15770 874

Kakeememej ko

1. Bonnie H. Cordon, “Erom̧ juon Seperd,” Liaona, Nob. 2018, 76

2. Bible Dictionary, “Jar.”

3. Bonnie H. Cordon, “Erom̧ juon Seperd,” 76.

4. Dallin H. Oaks, “Ilo Iien Eo An Make, ilo Wāwein Eo An Make,” Liaona, Okj. 2013, 24.

5. Jeffrey R. Holland, “Jerbal in Karejar in Kajim̧we,” Liaona, No̧b. 2018, 77.

6. David A.Bedner, “M̧ōkaj n̄an Jeļā,” Liaona, Tij.2006, 17.

7. Gerrit W. Gong, “AD Kijeek in Tōmak,” Liaona, No̧b. 2018, 42.

8. Lale Bonnie H. Cordon, “Erom̧ juon Seperd,” 76.

Waanjon̄ak eo an Rilo̧mo̧o̧r eo

Rilo̧mo̧o̧r eo ekar pojak n̄an jerbal in karejar eo An. “Anij ekar kapit Jisōs ri Nazaret kōn Jetōb Kwojarjar eo,” im Kraist “ej etetal im kōm̧anm̧an em̧m̧an” (Jerbal 10:38). Ekar “obrak kōn Jetōb Kwojarjar” im kar emakijkij an “bōk tōl jen Jetōb” (Luk 4:1). Em̧ool Kraist ekar kōm̧m̧ani men ko rem̧m̧an m̧okta jen an kar ekkapit kōn Jetōb Kwojarjar, bōtaab bōk Jetōb Kwojarjar eo im bōk jim̧we eo n̄an im̧we kar juon m̧ōttan eo aurōk ilo Jerbal eo An—āinwōt an aurōk n̄an ijo koņaad.

Juon Kūr n̄an Jerbal

Ilo am̧ etal ilo jerbal in karejar ko am̧ kajjojo raan, m̧ool ilo kappukot im uaak n̄an im̧we ko an Jetōb Kwojarjar. Keemejmej bwe Jemedwōj Ilan̄ enaaj kōjeram̧m̧an kwe im ro kwonaaj kōm̧m̧an jerbal in karejar n̄an er ilo am̧ kōm̧m̧ane!