Metheo ea Kaloso, Pulungoana 2019

Seo Moea o ka se etsang ho u thusa ho alosa

Mosebetsi oa boruti oa ho alosa, o neoa banna le basali, ‘me o kenyeletsa tokelo ea ho fumana ts’enolo.

Lipontso tsa litsoantso ka Getty.

Pitso ea ho alosa, ho sebeletsa le ho rata joalo ka Kreste e ka ba qholotso- haholo ha e kenyeletsa le ho khahlametsa le bao re sa ba tsebeng hantle. Ka mekhoa e milone ea ho alosa, rea ipotsa hore na re tla tseba mekhoa e betere joang eo re ka khahlametsang bao re ba behetsoeng hore re ba alose.

Ha rea lokela ho ipotsa ha lelele hoba boiteko ba rona boka tataisoa ke Moea o Halalelang.

Mosebetsi oa hau o halalelang oa kaloso o u fa tokelo ea bo-Molimo ea ho khothatsa, ho cho ‘Me’ Bonnie H. Cordon, Mookameli oa Baroetsana. U ka batla khothatso eo ka boits’epo¹

Ha re batla ho sebeletsa joalo ka ha Mopholosi a ne a etsa, re ka tataisoa ke oona Moea o neng o mo tataisa. Sena ke nnete ha re etsa mesebetsi e kenyeletsang kaloso, e tlasa bolisa le matla a boetapele. Ena ke mekhoa e tseletseng ea ho alosa ka Moea.

Nka ba le Moea o halalelang joang ha ke alosa?

• Kopa tataiso Ntate oa rona ea Maholimong o rata ha re bua le Eena ka thapelo. Thapelo ha e re lumelle feela ho ba haufi le Eena, empa hape e re beha monyetleng oa ho fumana li tlhohonolofatso tseo Molimo a seng a ntse a lakatsa ho re fa tsona empa a batla re li kope.² Ha re rapela re batla kutloisiso ea lipelo tsa bona, ho boletse ‘Me’ Cordon, ke tiisa hore Ntate oa rona ea Maholimong otla re tataisa ‘me Moea oa hae o tla ba le rona.³

• Se ke oa emela ts’usumetso. E ba mafolofolo. Ithukhubetse (Melao ea Thuto le Lilekane 58:27), u tla bona boiteko ba hau bo tataisoa le ho tlotlisoa. Ho tsoelapele ka bosebeletsi ba rona ke tsela e bohlokoa ea ho fumana tsenolo, ho boletse Mookameli Dallin H. Oaks, Moeletsi oa Pele Boetapeleng ba Pele. Boithutong baka ba mangolo a halalelang ke fumane hore tsenolo ho bana ba Molimo e tla ha re le leetong, eseng ha re lutse re lebeletse feela ho utloa seo Morena a re joetsang sona.⁴

Ke utloa joang ts’usumetso ea ho alosa?

• Nka keletso ea Mormone. Ha rea lokela ho lula re ts’oenyehile re ipotsa hore na ho tlang kelellong tsa rona ke monahano feela kapa efela ele ts’usumetso. Eseng hare na le tsela e bonolo ea Mormone ea ho tseba: Ha u nahana ho etsa hantle u bile o lumela kapa ho thusa ba bang ho lumela ho Kreste, u tla tseba hore ke ea Molimo. (bona Moroni 7:16).

• Se ke ua ts’oenyeha ka eona. Itahlele mosebetsing o sebetse, ho beletse Moholo Jeffrey R. Holland oa Lekhotla la ba-Apostola ba Leshome le metso e ‘meli. Sheba ba hlokang. Se ke oa sitisoa ke ho ipotsa hore na u tlameha ho etsa joang. Ha re latela metheo eo re e rutiloeng, re ipapisa le litaba le tsamaiso tsa boruti, re bile re batla ho tataisoa ke Moea o Halalelang, ha re na ho fosa.⁵

Ke efe tsela e lokileng ea ho latela ts’usumetso?

• Hang-hang ‘Me’ Susan Bednar (Mofumahali oa Moholo David A Bednar oa Lekhotla la ba-Apostola ba Leshome le metso e ‘meli) ke mohlala o motle oa ho latela ts’usumetso. Kamora ho rapella mahlo a se-moea ho bona ba hlokang, o sheba phutheho ‘me o mamela Moea hore na O u khannela ho hloela mang kapa ho mo teela mohala, ho boletse Moholo Bednar. ‘Me ha ‘me’ Bednar a fumana ts’usumetso, o etsa ka moo a nahanang. E se ele tloaelo hore hang ha hothoe amen, o bua le mocha kapa a ake emong oa bo ‘me’. Hang ha a fihla hae, o nka mohala ho letsa.⁶

• Ka ho khothala Ts’abo ea ho nyelisoa le ho ba lihlong, kapa ho ikutloa o fokola kapa ho ba ts’itiso, ho ka ema tseleng ea rona ea ho latela ts’usumetso ea ho alosa. Ka litsela tse ngata le ka mekhoa e fapaneng, re ikutloa re sa phethahala, re sena bonnete ‘me re sena tokelo, ho beletse Moholo Gerrit W. Gong oa lekhotla la ba-Apostola ba Leshome le metso e ‘meli. Empa boitekong bo tsepahalang ba ho rata Molimo le ho alosa bana ba bo rona, re ka utloa lerato la Molimo le khothalo e hlokahalang bakeng sa maphelo a rona le a bona ka tsela tse ncha tse halalelang.⁷

  E mong oa bo ntate o kile a bolela ka moo aneng a le lesisitheho ho khahlametsa monna oa mosali e mong ea neng a leke ho ipolaea. Empa qetellong a memela monna eo lijong tsa motsehare. Ha ke re ho eena, mosali oa hao o lekile ho ipolaea. Ke lumela e bile taba e ts’osang haholo ho uena. “Na u ka rata ho bua ka taba eo? o ile a lla”, o oa qotsa. Re bile le puisano e monate e tletseng lerato ‘me ra etsa setsoalle ka nako e khutsoanyane haholo.⁸

© 2019 by Intellectual Reserve, Inc. All rights reserved. E ngotsoe USA. Tumello ea Sekhooa: 6/18. Tumello ea Phetolelo: 6/18. Phetolelo ea Metheo ea Kaloso, Ministering Principles, September 2019. South Sotho. 15770 739.

Lintlha

1. Bonnie H. Cordon, Ho ba Molisa, Liahona, Mphalane. 2018, 76.

2. Mantsoe a Bebele, Thapelo.

3. Bonnie H. Cordon, Ho ba Molisa 76.

4. Dallin H. Oaks, Ka Nako ea Hae, ka Tsela ea Hae, Liahona, Phato. 2013,24.

5. Jeffrey R. Holland, “Kaloso ea Poelano,” Liahona, Mphalane. 2018, 77.

6. Sheba David A. Bednar, Lemoha Kapele, Liahona, Tsitoe. 2006, 17.

7. Gerrit W. Gong, Sebupi sa Rona sa Tumelo, Liahona, Mphalane. 2018, 42.

8. Bonnie H. Cordon, Ho ba Molisa 76.

Mohlala oa Mopholosi

Mopholosi o ne a itokiselitse Mosebetsi. Molimo o tlotsitse Jesu oa Nazaretha ka Moea o Halalelang ‘me Kreste a tsoelapele ho etsa hantle. (Liketso 10:38). O ne a tlese ka Moea o Halalelang a bile a eteletsoe pele ke Moea (Luka 4:1). Kreste ehlile o tsoetse pele ho etsa hantle pele a tlotsoa ka Moea o Halalelang, empa ho amohela Moea o Halalelang le tokelo ea ho khothala ene e le taba ea bohlokoa Mosebetsing oa Hae oa ho ruta le ho alosa joalo kaha o le bohlokoa ho rona.

Memo ea ho nka khato

Ha u tsoela pele ka litaba tsa kaloso tsa kamehla, ka thapeli batla ‘me o lumele ho susumetsoa ke Moea o Halalelang. Hopola hore Ntate ea Maholimong otla u hlohonolofatsa le bao o ba alosang.