Ukpebnkpo Unwam, Ofiong Duop ke isua 2019

Nte Mbufo Emenana Ke Akpan Utom eke Unwam Emi?

Unwam edi “ndidara ye mmo emi edarade” ukem nte “nditua ye mmo emi etuade” (Romans 12:15).

Mmen-nwut otode Augusto Zambonato

Kini nnyin ikerede ibanga unwam, emem ndikere mbanga ndinwam mbon emi edude ke unana. Nnyin iting ibanga ndito-inwang nno ebekpa, ndida udia-mbubreyo nsok owo udongo, mme ndino ubuene nkpo. Nnyin imeti item Paul ke “nditua ye mmo emi etuade” edi nte nnyin imekere ofon kabanga akpa ubak ufang oro—ke “ndidara ye mmo emi edarade”? (Romans 12:15). Ndidara ye mbon emi nnyin inwamde—mme oro oworo ndikop-inem ke edikut-unen mmo mme ndinwam mmo man enyene idara ke mkposong ini—edi akpan nkpo kiet eke unwam nte Andinyanga ekpenamde.

Se emi edi ekikere ita emi edinwamde (ye kiet emi ikpetrede) ke nte nnyin isede nti nkpo emi Abasi esinde ke uwem nnyin.

1. Efiok Ebanga

Bonnie H. Cordon, General President eke Nkaiferi Iban, anwam nnyin ndifiok ke ana nnyin ikut mbon emi nnyin inwamde—ikutke mbiomo ye ndutuho mmo kpot edi ikut nko osongo, mme eno, ye edikut-unen mmo. Enye odoho ete ke nnyin inyene ndi-di “andikan ye owo-nneme—owo emi ofiokde ndaha mmo onyung anwam mmo ke idorenyin ye uduak mmo.”¹

Ke nke-mbuk eke erong ye ebot, Andinyanga odoho ete mbon emi edidude ke ubok nnasia Esie eyebup ete: “Obong, ini ewe ke ikokut Fi etiede biong, ndien ino Fi udia; me nte itong asatde Fi, ndien ino Fi mmong?

“Ini ewe ke ikonyung ikut Fi edide esen, ndien ida Fi ika ufok?” (Matthew 25:37–38).

Sister Cordon ete, “Ndito-eka irenowo ye iban, ata-okpo iko edi ikokut.” “Ndinen-owo ekut mbon emi edude ke unana koro mmo ema ese enyung efiok. Nnyin nko imekeme ndi-di eting-enyin man inwam inyung idong esit, idara inyung idapa-ndap.”²

2. Eyom Ntak man Edara

Edara akamba ye mkpri edikut-unen. Nkpo oro ekeme ndi-di ndikan udongo cancer mme ndikan nsuana-ebuana, ndinyene obufa utom mme ndikut ikpa-ukot emi okosopde, ndiyo ke owo ima kiet ebede efep mme ndiyo udua kiet ke munyeneke inem-udia.

Ekot mmo man edara, eno mmo card, mme ndika udia uwemeyo otokiet. Ke ndibuana ke edidiong nnyin otokiet, ndidu ye esit-ekom, ye ndidara mme edidiong ye edikut-unen eke mbon efen, nnyin “imenyene idaresit ke idara eke ndito-ete nnyin” (Alma 30:34).

3. Ekut Ubok-unwam eke Abasi

Ndusuk-ini ndidara ye mbon efen oworo ndinwam mmo ndikut ntak emi mmo ekpedarake—ke suto mkposong-nkpo mme inemesit eke ekpesimde uwem nnyin. Ata akpaniko ke Ete ke Heaven ofiok nnyin onyung ebenge-idem ndinwam nnyin ekeme ndi-di akpan ntak ndidara.

Mbufo emekeme ndinwam mbon efen ndikut ubok-unwam eke Abasi ke uwem mmo ke ndibuana danga nte mbufo ekekutde ubok-unwam Abasi ke idem mbufo. Enehede ebuana danga Ete ke Heaven akanwam mbufo osio ke ubiongo mbufo. Iko ntiense emi ekeme ndinwam mbon efen ekut enyung efiok danga nte Enye akanwamde mmo (se Mosiah 24:14).

4. Ekusuhore Ukeme Mbufo ke Ndidara

Ke ndiokiso, usukini nnyin imesisuhore ukeme nnyin ke ndidara ye mbon efen, akpan-akpan kini nnyin mifiokke se nnyin ikpenode mme ebiet emi nnyin idade ke ndaha-uwem. Utu ke nnyin ikpedara ke inemesit owo efen, nnyin iduo iduk idomo eke ndomo-idem. Nte Elder Quentin L. Cook eke Eboho mme Apostle Duopeba ekekpebde: Ndidomo edidiong eyenehede ebin idara osio. Nnyin ikemeke ndinyene esit-ekom inyung ifipe-ufip ke ini kiet.”³

Elder Jeffrey R. Holland eke Eboho mme Apostle Duopeba obup ete “Didie ke nnyin idikan oruk udong ntem emi awakde ndidu ke uwem kpukpru owo?” “… Nnyin imekeme ndibat ediwak edidiong nnyin inyung ikeme nditoro nworo-nda eke mbon efen. Andifon nkan, edide ata akpan utom emi esit akpanamde, edi ke nnyin imekeme ndinwam mbon efen.”⁴ Utu ke ndida idem ndomo, nnyin imekeme nditoro mbon emi nnyin inwamde. Enehede ebuana se mbufo emade ebanga mmo ye mbon ufokemana mmo.

Nte Paul etide nnyin, kpukpru nnyin idi ikpokidem Christ, ndien edieke enyung enode “ndido kiet ubong, kpukpru ndido eken etiene enye edara” (1 Corinthians 12:26). Diana ye unwam eke Ete ke Heaven, nnyin imekeme ndifiok ifiok-ukpeb eke mbon efen, idara akamba ye mkpri edikut-unen, inwam mmo ke ndifok ubok-unwam eke Abasi, inyung ikan ufip man nnyin ikeme ndinehede ndara otokiet ke mme edidiong, eno, ye inemesit eke mbon efen.

© 2019 by Intellectual Reserve, Inc. All rights reserved. Ekeming ke USA. Enyime edikabare ke Ikɔ Mbakara: 6/18. Enyime ndikabare: 6/18. Edikabare eke Ministering Principles, October 2019. Efik. 15771 553

Mkpri nwed

1. Bonnie H. Cordon, “Ndikabare ndi Ekpeme-erong,” Liahona, Nov. 2018, 75.

2. Bonnie H. Cordon, “Ndikabare ndi Ekpeme-erong,” 75.

3. Quentin L. Cook, “Edara!” Ensign, Nov. 1996, 30.

4. Jeffrey R. Holland, “Idiok-eyen Enye-eken,” Liahona, May 2002, 64.

Uwutnkpo eke Andinyanga

Jesus Christ ama esiwak ndidara ke inemesit eke mbon efen. Enye ama aka ndo ke Cana, ebiet emi Enye mikedarake ke inem usoro kpot edi anam mmong akabare edi wine (se John 2:1–11). Nnyin nko imekeme ndinam ukeme ke ndika mme akpan usoro ke uwem eke mbon emi nnyin inwamde.

Nnyin nko imekut Andinyanga adarake kabanga ndinen-ido eke mbon efen. Ini emi Enye akakade ekese mbon Nephi, Enye okodoho mmo ete, “Ofofon ono mbufo ke ntak mbuotidem mbufo. Sese, idara mi oyoho” (3 Nephi 17:20).

Ikoot man Anam-nkpo

Kere-banga mbon emi mbufo enwamde. Ewe eno ye osongo ke mmo enyene? Ewe ufang ye edikut-unen ke mmo ekenyene? Didie ke mbufo ekedara ye mmo, etoro mmo, mme esongo mmo idem?