Dekhrekh Ke Niyam, October 2019

Kya Aap Dekhrekh Ke I Zaroori Kaam Nahi Karta Hai?

Dekhrekh ka matlab hai “jo prasann hai unke saath prasann raho” jaise ki “jo dukhi hai unke dukh me dukhi ho” (Romans 12:15).

Chitra long Augusto Zambonato ke dwara

Jab hum long dekhrekh ke baare me sochta hai, bahut aasaan hai koi zarooratmand ke madad kare ke socho. Hum long vidhwa ke liye bagicha banawe ke baare me, beemaar ke bhojan dewe ke, ya jon mushkil me hai u long ke dewe ke baat karta. Hum Paul ke salaah ko yaad karta hai “jo dukhi hai unke dukh me dukhi ho,” par kya hum us verse ke pehle bhaag pe dhyaan dete hai—ki “jo prasann hai unke saath prasann raho”? (Romans 12:15). U long ke sange prasann ho jiske hum long dekhrekh karta—chaahe uske matlab hai u long ke safalta me manoranjan karna ya u long ke mushkil ke samay me anand paawe me madad karna—ek zaroori bhaag hai Uddhaarkarta ke rakam dekhrekh me.

Yahan pe teen tarika hai jisse madad sake mile (aur ek jisse bacho maango) jab hum long apan jiwanon me Parmeshwar jon achchaai dewe pe dhyaan deta.

1. Jaankaar Raho

Bonnie H. Cordon, Jawaan Mahilaaon ki Maha Pradhaan, hum long ke samjhe me madad kare ki hum long ke zaroori hai jiske dekhrekh karta u long ke jaano —khali u long ke bojh aur mushkilo ke nahi jaano par u long ke shaktiyon, gun, aur safaltaaon ke bhi. U bolis ki hum long ke liye zaroori hai “ek champiyan aur ek humdard bano—u jon u long ke haalaath ko jaanta hai aur unke aashaaon aur chahato me sehyog deta hai.”¹

Bhedh aur bakriyon ke kahani me, Uddhaarkarta bolis raha jo bhi Uske daahine or hoga woh puchega: “Prabhu, hum ne kab tujhe bhookha dekha aur khana khilaaya? ya pyaasa dekha aur paani pilaaya?

“Humne kab tujhe pardesi dekha, aur apne ghar me tehraaya?” (Matthew 25:37–38).

“Bhaaiyo aur bahano, yahan pe mukhye shabd hai dekha,” Bahan Cordon bolis. “Dhaarmik log zarooratmando ke dekhis kyunki u long dhyaan deta aur khojta raha. Hum long bhi sakta dhyaan se khoj ke sahayta aur sahanubhuti dewe, khushi manae aur sapna bhi dekhe.”²

2. Khushi Manawe ke Kaaran Khojo

Bada aur chota safalta me khushi manao. Chaahe cancer se mukt hona ya bichde rishto ke dukh ko paar karna, ek naya naokri ya khoya hua juta paana, kisi priyejan ke guzarne par ek mahina sambhle rehna ya ek hafta cheeni ke bagaer bitana.

Badhaai dewe ke kostin koll karo, ek card dewe jaao, ya sange khaana khaawe jaao. Apan ashirwaad long ke sange sheya kare se, abhaar ke jiwan jiye se, aur dusar ke ashirvaad aur safalta long me khushi manawe se, hum long “apan bhaai bandhuwo ke khushi me khushi hota hai” (Alma 30:34).

3. Prabhu ke Prabhaao ke Dekho

Kabhi kabhi dusar long ke sange manoranjan kare ke matlab hai u long ke khushi manawe ke kaaran dekhe me madad karna—chaahe hum long ke zindagi me dukh ya sukh rehwe. Khali i saadharan sachchaai ki Swarg ke Pita hum long ke baare me jaane hai aur mange hum long ke behtar banawe sake bahut anand dewe.

Aap sakta hai dusar long ke Prabhu ke prabhaao u long ke zindagi me dikhaawe i batae ke kaise aap apan zindagi me uske dekha hai. Swarg ke Pita kaise aapke madad karis hai aapke kathin samay me batae me nahi hichkichaao. I gawahi sake dusar long ke madad kare pehchaane aur swikaare me kaise Usne unhe madad kiya hai (dekhiye Mosiah 24:14).

4. Apan Khushi Manawe ke Chamta pe Rok Nahi Lagao

Durbhaagye se, hum long bhi kabhi kabhi dusar ke sange khushi manawe ke apan chamta pe rok lagata hai, khaas kar jab hame nahi pata hota hai hum kya de sakte hai ya zindagi me hum kahan hai. Kisi aur ke khushiyaali me anand paane ke jagah, hum long tulna kare la jaal me fas jaat hai. Aur jaise Elder Quentin L. Cook jon Barah Devduton ke Korum ke hai sikhaais: “Ashirvaad long ke tulna kare se zaroor anand chala jaai. Hum long ek hi samay pe abhaari aur laalchi rahe.”³

“Hum long kaise sakta aise laalach nahi kare jon ki sab koi me etna aam hai?” puchis Elder Jeffrey R. Holland jon Barah Devduton ke Korum ke hai. “… Hum long sakta apan dher ashirvaad long ke gine aur dusar ke safalta ke prashansa kare. Sabse zaroori yeh hai, ki hum long dusar ke sewa kare sakta hai, jon ki dil ke liye behtarin kasrat batlaya gaya hai.”⁴ Tulna kare ke jagah, jiske hum long dekhrekh karta uske sakta badhaai kare. Khule rup se u long ke ya u long ke pariwaar waalo ke baare me jonchi pasand karta u batao.

Jaise ki Paul hum long ke yaad karawe, hum long sab Masih ke shareer ke sadasye hai, aur jab “ek sadasye ke sammaan howe hai, baaki sab sadasye bhi uske sange khushi manawe hai” (1 Corinthians 12:26). Swarg ke Pita ke madad se, hum long sakta dusar long ke anubhavo ke baare me jaane, bade aur chote safaltaaon ke manawe, u long ke Prabhu ke prabhaao ke pehchaane me madad kare, aur jaran nahi kare taaki hum long sach me dusar ke ashirvaado, gunon, aur khushiyaaliyon me saath de.

© 2019 Intellectual Reserve, Inc dwara. All rights reserved. USA me chaapa gaya. Angrezi swikriti: 6/18. Anuwaad swikriti: 6/18. Ministering Principles, October 2019 ka anuwaad. Fiji Hindi. 15771 298

Not

1. Bonnie H. Cordon, “Becoming a Shepherd,” Liahona, Nov. 2018, 75.

2. Bonnie H. Cordon, “Becoming a Shepherd,” 75.

3. Quentin L. Cook, “Rejoice!” Ensign, Nov. 1996, 30.

4. Jeffrey R. Holland, “The Other Prodigal,” Liahona, May 2002, 64.

Uddhaarkarta ka Uddhaaran

Ishu Masih aksar dusar ke khushi me anandit hota tha. Woh Cana me shaadi pe gaya, jahan Usne na sirf us khushi ke maoka pe anand manaya par paani ko waain me bhi badla (dekhiye John 2:1–11). Hum long bhi sakta koshish kare jiske hum long dekhrekh karta u long ke jiwan me jon khaas avsar aaye usme shaamil howe ke.

Hum long Uddhaarkarta ke bhi khushi manate dekhta jab koi dhaarmikta dikhaawe. Jab Woh Nephite logon se milne gaya, Usne unhe bataya, “Apne biswaas ke kaaran tumhe ashish mila hai. Aur ab dekho, mera anand sampurn hai” (3 Nephi 17:20).

Kaarye Kare ke Nimantran

U long ke baare me socho jiske aap dekhrekh karta hai. U long ke paas kon gun aur shaktiyaan hai? U long kon mauka ya safaltaon se parichit hai? Aap kaise sakta u long ke sange khushi manaye, u long ke taareef kare, ya u long ke protsaahan dewe?