Nshindamenu ya Buambi, Ngondo wa Dikumi 2019

UDI MUPANGILA TSHITUPA TSHIA MUSHINGA TSHIA BUAMBI ETSHI ANYI?

Buambi tshidi “kusanka ne aba badi basanka” bia momomue kabidi “kudila ne aba badi badila” (Lomo 12:15).

ministering

Bimfuanyi bia Augusto Zambonato

Patudi tuela meji pa buambi, bidi bipepela bua kuela meji ku diambuluisha dia aba badi nadi dijinga. Tudi tuakula dilama dia mukamba, diambuila mubêdi bua kudia, anyi kupesha aba badi mu ntatu. Tudi tuvuluka mubelu wa Polo wa “kudila ne aba badi badila” kadi tudi tuluangana ne tshitupa tshia kumpala tshia mvesa—eu “sanka ne aba badi basanka”? (Lomo 12:15). Kusanka ne aba batudi tusadila buambi—tshidi tshiumvuija kusankidila bipeta biabo bimpa anyi kubambuluisha bua bapeta disanka mu bikondo bia makenga—ke tshitupa tshiakana tshia buambi budi Musungidi musue.

Eyi di ngenyi isatu idi mua kukuambuluisha (ne lumue ndua kuepuka) bu mutudi tuluangana bua Nzambi wa buakana atutekayi mu mioyo yetu.

1. Ikala mumanya

Bonnie H. Cordon, Muimanyinyi Munene wa Bansonga Bakaji, wa katuambuluisha bua kumvua tshitudi natshi dijinga bua kumona kudi aba batudi tusadila buambi—katumonu anu majitu ne ntatu biabo kadi tumona kabidi bukola, midimu, ne ditanta biabo. Wakamba se tudi ne tshia kuikala “batshimunyi ne babutshi—eu udi mumanya ntatu yabo ne udi mua kubambuluisha mu ditekemena ne mu majinga abo.”¹

Mu lusumuinu lua mukoko ne mbuji, Musungidi udi wamba ne aba basanganyibua ku tshianza tshianyi tshia baluma ne bankonka ne: “Mukalenga, ndiba kayi dituvua bakumona ne nzala, ne tuetu kukupesha tshia kudia? anyi ne nyota, tuetu kukupesha tshia kunua?

“Diba kayi dituvua bakumona muenyi, tuetu kukuakidila?” (Matayi 25:37–38).

“Bana betu baluma ne bakaji, muaku munene udi kumona,” ke muakamba Muanetu mukaji Cordon. “Bantu bakana bavua bamona aba bavua mu dijinga bualu bavua bababutamina ne babatebelela. Tudi kabidi ne tshia bua kuikala badimuka bua kuambuluisha ne bua kukankamika, kusankidila ne nansha kulota.”²

2. Kupeta Tubingila tua kusankidila

Kusankidila tshipeta tshinena anyi tshikesa. Tshidi mua kuikala disama dia kansela anyi ditshibuka, dikeba dia mudimu mupiamupia nansha kupeta bisabata bijimina, anyi mua kupitshisha ngondo panyima pa kufuisha tshidimba tshia dîku nansha kusomba lumingu kuyi ne nsukadi.

Kubikila bua kuela kalumbandi, kufunda kalata, anyi kupatuka bua tshia kudia. Mu dilondelangana pamue bua mabenesha etu, mudisomba ne disakidila ne kusankidila mabenesha ne ditanta dia bakuabo, tudi “tusanka bua disanka dia bana betu ” (Alama 30:34).

3. Kumona tshianza tshia Mukalenga

Mikuabo misangu kusanka ne bakuabo kudi kumvuija kubambuluisha mu kumona kua tubingila tua kusanka—nansha kuikala makenga anyi masanka mu mioyo yetu. Bulelela bukesa budi se Tatu wa mu Diulu mmumanya mutudi ne udi pabuipi ne kutubandisha ne udi mua kuikala mpokolo wa disanka dia pabuadi.

Udi mua kuambuluisha bakuabo bua bamona tshianza tshia Mukalenga mu mioyo yabo mu dibalondela mushindu uudi mutshimona mu wewa. Ikala ne dikima bua kulondelangana mushindu kayi udi Tatu wa mu Diûlu mukuambuluisha mu ntatu yeba. Bujadiki ebu budi mua kuambuluisha bakuabo bua kumanya ne kujingulula Mudiyi mubambuluisha (tangila Mosiya 24:14).

4. Kushikiji Disanka Dieba To

Bidi bibi patudi mua kuimanyika misangu mikuabo mushindu wetu wa kusanka ne bakuabo, nangananga patudi katuyi bajadika tshitudi natshi tshia kufila anyi tshitudi munsombelu. Pamutu pa kupeta disanka mu diakalenga dia mukuabo, tudi tupona mu buteyi bua difuanyikija. Ne bumudibi bilongesha kudi Mukulu Quentin L. Cook wa mu Tshisumbu tshia bapostolo Dikumi ne Ibidi: “Difuanyikija mabenesha didi bushuwa dijimija disanka. Katuena mua kuikala bena kuanyisha ne bena lubaabu musangu umue.”³

“Mushindu kayi utudi mua kutamba ngikadilu udi wa momomue mu bukua bantu?” mudibu badikonka kudi Jeffrey R. Holland wa mu Tshisumbu tshia bapostolo Dikumi ne Ibidi “… Tudi mua kubala mabenesha etu ne kututa bikashi bua dikumbana dia a bakuabo. Bimpe ku bionso, tudi mua kuambuluisha bakuabo, didibidija dimpa ditu muoyo kauyi muanji kufunda.”⁴ Pamutu pa kufuanyikija, tudi mua kuela kalumbandi kudi batudi tuenzela buambi. Mu budikadidi abanyangana tshidi tshimpa kudi bakuabo nansha kudi bidimba bia mêku abo.

Bumudi Polo utuvuluija ne : tudi bonso bidimba bia mubidi wa Kilisto, ne padi “tshidimba tshimue tshinemekibua, bionso bidi bisanka natshi” (1 Kolinto 12:26). Ne diambuluisha dia Tatu wetu wa mu Diûlu, tudi mua kumanya kupitshila ku dimanya dia bakuabo, kusankidila tshipeta tshimpa tshinena nansha tshikesa, kubambuluisha bua kumanyabo tshianza tshia Mukalenga, ne kutshimuna lubâbu ne bua tuetu kusanka bushuwa pamue mu mabenesha, midimu ne diakalengela dia bakuabo.

© 2019 by Intellectual Reserve, Inc. All rights reserved. Mupatula mu USA. Dianyisha mu Angele: 6/18. Dianyisha dia dikudimuna: 6/18. Dikudimuna dia Ministering Principles, October 2019. Tshiluba. 15771 760

Bibadilu

1. Bonnie H. Cordon, “Becoming a Shepherd,” Liahona, Ngondo wa Dikumi ne Umua 2018, 76.

2. Bonnie H. Cordon, “Becoming a Shepherd,” 76.

3. Quentin L. Cook, “sankayi!” Ensign, Nov. 1996, 30.

4. Jeffrey R. Holland, “The Other Prodigal,” Liahona, Ngondo Muitanu 2002, 64.

Tshilejelu tshia Musungidi

Yesu Kilisto utu usanka mu diakalenga dia bakuabo Uvua muya mu difesto dia dibaka mu Kana, kuaka kavua anu musankidila muanda eu nkayau kadi uvua mukudimuna mâyi mu mvinyo (tangila Yone 2:1–11). Tudi mua kudienzeja bua kuya mu bibilu bisunguluka mu matuku a muoyo a aba batudi tusadila buambi.

Tudi tumona kabidi Musungidi usanka bua buakana bua bakuabo Pavuaye mu kasamba bena Nefi, wakabambila ne, “nudi Badiakalenga bua ditabuja dienu. Ne mpidieu monayi, disanka dianyi didi dikumbajibua” (3 Nefi 17:20).

Dibikila bua kuenza

Tuaku baudi usadila mushinga. Badi ne midimu ne bukola kayi? bikondo kayi nansha bipeta bivuabo bapeta? Mushindu kayi uudi mua kusanka nabo, kubela kalumbandi, anyi kubakankamika?