Osisechakl er a Odingel, Kot el Buil 2020

Mengidb er a Israel lokiu Odingel

A odingel a techall el dotirakl a tekingel a profet el kirel omengidb er a Israel.

A President Russell M. Nelson a mla olengit er kid el mo olngeseu el mengidb er a Israel el ngii a—“kot el klou a ultutelel tekoi er a beluulechad er a chelechal sils.”¹

Tirkel tir a sorir el mo chelsechusem er tial ureor el mengidb er a Israel, e a odingel a sebechel kmal bedochel rolel. Tia ulekerael teletael el mo ngmodech a klengar er a rechad. A doldingel er a rediak el sal- mesisiich el chedal a ikelesia malechub e desiotai er tir el mo olngeseu er kid el mesiou er tirkel kuk diak el chedal a klechelid er kid, e a odingel a meskid a techall el mengidb er a Israel.

Mesebechakl er a Reluuetang el Chedal a Ikelesia

“Beltik el reng el luchul, e a ongasireng el tekoi a dubech, e kid a mo metik a teletael el mo sebeched el ngoiteterir tirkel ‘cheridang’ el odos me a rodam er kid el muut el mo mesisiich er a ebangkelio er a Jesus Kristo.” —Jean B. Bingham²

“Ngak a mla mo elolem el rak el diak ngara ikelesia er se er a kulukl ngak me a bechik el mo kiei er a beches el basio. A beches el merredelel a Relief Society a mle oldingel er ngak, e ulengit me bol sebechir a rodos el mo oldingel er ngak. Me a ko er a mle bekikl, ak kilengei. Ngika el odos a uleldingel er ngak er a bek el buil, el diak el iior er a chelitechetul a bedengel el mo er a bilis—e ngak a ulecharm er a kmal kedung el bilis! A odngelel a millemolem leru el rak, e kmal klou a lengildechii er a klengar ngak.

“Ng uaisei el odngelel a ko er a di cheldecheduch er a delongelam, eng di ng mla er ngii a taem e ngoker ngak a ker el rirelemam el mo mesaod a chedaol tekoi. Tia a rirelak el mo telkib el mekngitbesuk, eng di ng milkrolak el mo omdasou el uase a kumakes el bedul ebangkelio a lechub ak di melemolem el ngara sel kngarngii er chelchang. Tia kmal mle meringel er ngak lomdasou el kirel, eng di ak kilengei er a remisionari el me oldingel er ngak.

“A ta er a klebesei e ak mlo er a sakrament el ketengek er a chelsel elolem el rak, me ak mle medakt el mo soiseb. Sera ksiseb er a chelsel a ikelesia, e ngika lodos a mlengiil er ngak, e ulebengkek el mo soiseb er a chelsel a ikelesia. A uriul, eng mirael lobengkek el mo er a mlik, e uleker el kmo ngera sebechel ngosukak er ngii el lemuut el mo kmeed er a Osobel.

“A temel ngika lodos loldingel er ngak me a beltkil a rengul a milkrolak el muut el mei er a ikelesia, me a blakereng er ngii a tara kot el ngarbab el sengk el blak nguu. Ak mereng a saul el ngii a ulebengkek er tial omerollek el muut el mo er a Ikelesia er a Osobel.”

Diak lolecholt er a ngakl, British Columbia, Canada

Osisechakl el Dolbedebek

“Uleldingel er ngak er a bek el buil”

Ke mekera ochotii el kmo ko mekerreu er tirkel moldingel er tir er a kuk bebil er a tekoi? (mesa Doctrine me a Covenants 121:44).

“Ker”

Sel moker a bleketakl el ker eng sebechel ngosukau el mo medengelii a chelsel- a teletael. Molbedebek el kmo ngar ngii a moktek er a odngeled el diak di de ko er a chadecheduch el merekong.³

“Mengiil er ngak”

A rebek el chad a kirir lomelchesiu el doutkeu er tir (mesa 3 Nephi 18:32).

“Obengkek er a luut er ngak”

A ngelseuid a sebechel kmal klou a relii el mo er tirkel meringel er tir a lmuut el mei er a Osobel e mo omkungil (mesa Hebru 12:12–13).

Odingel me a Omengidb

“Ngii di el teletael me a omeruul el ungil er kau, e mouchais er a rechad el kmo ngera uchul me a Jesus Kristo me a Ikelesia er Ngii a klou a ultutelel mo er kau. …

“… A ngerchelem a mo ouchais aikel ngara rengum e mkiei loltirakl aikel moumerang.” —Elder Dieter F. Uchtdorf⁴

A odingel me a omerk er a ebangkelio a dmak el tekoi. Aikakid a bebil er a teletael el sebeched el mengidb er a resechelid me a retonari er kid sel doldingel— a lechub e kede olngeseu el mengidb er a resechelid me a retonari er kid

Dmak el mesiou. Mosiik a techall el mo siotai er a resechelim me a retonari er kau sel molngeseu er a ta er a chad. Molengit er tir me lengesukau kudmeklii a belsilel a dirk mlechell el chedil, a lechub a odingel el mo er a chuodel tonari, a lechub eng kedmeklel a blil a chad el smecher.
Mdak lolisechakl. Momdasou a olengit er a sechelim a lechub a tonari el diak el blechoel ngara ikelesia el mo sebechir a remisionari el mo olisechakl er a ta er a chad er a blirir. A lechub a sechelim a sebechel ngosukau er a osisechakl er a blim a lechub e ngobengkem el mo olisechakl er a blil a tara chad.
Bo molngeseu sel mesterir a rengesool. Mkengei lolngeseu er a rolel olideiuul el mo er a ikelelsia. Msiotai er a rengalek el mo er a ikel omilil er a rengasek malechub omilil er a primary. Ngera bebil er a teletael er a odingel me a omengidb?
Mousbech aikel ngesou el Ikelesia mla kudmokl. A Ikelesia ngar ngii a betok el ngesou el ngosuterir a rechad lomerk er a ebangkelio. Ng sebechem lomes er sel “Missionary” section er a Gospel Library app me a ComeUntoChrist.org er a uldasou el kirel omengidb er a Israel er a ikel basio el mngarngii.