Dagiti Pagbatayan iti Ministering, Pebrero 2020

Ministering babaen iti Family History

Panangiladawan ni Joshua Dennis; background a ladawan ken ladawan manipud iti Getty Images

Ti panangtulong iti maysa a tao iti family history ket nabileg a wagas a panagminister. No tulongam nga ikonekta dagiti kapuonan dagiti dadduma kadakuada babaen iti estoria ken detalye maipapan iti pamilya, tultulongam isuda a makarikna iti naindaklan a ragsak ken as-asideg a koneksion kadagiti pamiliada a dida ninamnama a maaramidda. (kitaen iti Malakias 4:5–6).

Urayman no nabayag a miembron iti Simbaan wenno maysa a tao a saan a nakangngeg iti naisubli nga ebanghelio ni Jesucristo, amin nga annak ti Dios ket agkalikagum a maammuanna maipapan iti naggapuanna.

Masansan a saan nga agbayag tapno makaibati iti nabileg ken nabayag a panangipamatmat, kas makita kadagiti sumaganad nga estoria.

Panangsarak ti Pamilia iti 30,000 Kadapan

Iti kallabes a panagbiahek a nagawid, nakaabayko ni Steve, a nangibinglay kaniak ti dadduma a paset ti pakasaritaan ti biagna. Nagturpos isuna iti high school, simrek iti U.S. Army a kas communications specialist idi agtawen ti 18, ket iti saan a nabayag nangrugi a nagtrabaho iti White House, mangit-ited iti communications support iti Presidente ti Estados Unidos. Manipud iti tawenna nga 18 agingga ti 26, nagserbi isuna iti dua a Presidente ti U.S. Makaliwliwa dagiti estoriana!

“Steve,” kinunak, “isuratmo dagitoy nga estoria para iti an-annabom! Masapulda dagitoy nga estoria a naggapu mismo iti pannirigam.” Immanamong isuna.

Ket inparikna ti Espiritu kaniak a damagen no ania ti ammona maipanggep kadagiti kapuonanna. Adu ti ammo ni Steve maipapan iti pamilia ni nanangna, karaman ti estoria no kasano a ti pamiliana ket naminsan a nakipangmalem ken ni Abraham Lincoln idi madama ti kampaniana iti away idi eleksion ti para presidente ti U.S. idi 1860.

Nupay kasta, bassit laeng ti ammona maipapan iti pamilia ni tatangna. Kayatna a talaga a maammuan iti ad-adu pay. Nilukatak ti teleponok ket kinitak ti FamilySearch app. “Steve, masarakanta ti pamiliam itan!”

Naki-konektarnak iti in-flight Wi-fi. Inpanko ti sango ti tray ti lamisaan iti sangomi tapno makitami nga agpadpada. Sinapulmi ti FamilyTree. Iti uneg ti sumagmamano a minuto agpadakami a nangmingming iti sertipiko ti panagkallaysa ti apona a lakay ken apona a baket.

“Isuda dagita!” kinunana. “Malagipko ti apeliedona itan!”

Nariknami ti napalaus a ragsak nga agpada. Nangaramidkami iti profile para kadagiti saanna unay nga am-ammo a kapuonanna iti simmaruno a 45 a minuto. Indawatna nga agkariak kenkuana nga itultuloymi ti agsarak nga dua idiay Colorado. Nagsinnukatkami iti impormasion iti kontak bayat ti panagbaba ti eroplano.

Ket addakami ditoy, nagtayab iti 30,000 kadapan (9,145 m) iti tangatang, nga addaan iti aramaten a kas kabassit iti imak, nangsarak iti maysa a lalaki ken maysa a babai a nagkasar 100 a tawen ti naglabas a napukaw kaniana ken iti pamiliana. Kasla saan a nakappapati! Ngem nasarakanmi ida. Dagiti pamilia ket napagtitipon. Nalagip dagiti estoria. Panagyaman ti narikna para iti teknolohia ken ti ramramit. Maysa daytoy a milagro.

Jonathan Petty, Colorado, USA

Napalwlawan iti Baro a Pamilia

Nagbalin a saan unay nga aktibo ni Maria ti nabaybayag ngem 20 a tawen. Ti naglabas a sumagmamano a bulan, nagbuboskami iti dua nga oras kaniana iti pagtaenganmi, a nagsukisok iti pamiliana babaen iti census ken dadduma pay a kasuratan. Iti maysa a punto nagsangit isuna a nangibaga “Adu ti naadalko maipapan iti pamiliak iti dua nga oras ngem ti pannakaamok iti unos ti panagbiagko!”

Ti panagleppas ti oras a panagkakaduami, insuromi kaniana ti Relatives Around Me a paset ti FamilyTree app. Nagresulta a ti asawak ken siak ket adayo a kabagian ni Maria. Nagsangit man isunan, ket nasaona a ti ammona agmaymaysa lang isuna. Dina pulos ammo nga adda gayam pamiliana iti aglawlaw. Kalpasan iti sumagmamano a lawas, nakipagkita ni Maria iti bishopmi. Iyob-obranan ti panagsaganana para iti templo, ken adu ti naam-ammona a “baro” a kakabagian iti wardmi!

Carol Riner Everett, North Carolina, USA

Recipe para iti Ministering

Ni Ashley, maysa a kabsat a babai a pagministerak, ken siak ket agpadakami nga adda cookbookna a naggapu kadagiti lelangmi. Tay kukuana ket naggapu ken ni lelangna iti tumeng, ken tay kukuak ket libro a pinagtitiponko idi naipatawid kaniak ti bagi ni Lelangko a Greenwood recipe box kalpasan ti ipupusayna.

Nangpilikami nga agpada ken ni Ashley iti kita ti panagluto (recipe) a naggapu kadagiti cookbookmi, ket nagkaduakami iti maysa a rabii kalpasan ti trabaho tapno padasenmi dagitoy. Nangpili isuna iti maysa a pagsinam-it a kita ti panagluto (recipe), isu ti immuna nga inubrami ken naipan iti oven. Pinilik ti chip dip—maysa a kangrunaan a makan nga adda iti kada padaya ti pamilia Greenwood. Tinulongannakami ni Alice, ti inaudi nga anak ni Ashley a nangraman kadagiti makan. Kalpasanna, gapu ta saan a kayat ni Ashley a kanen amin dagiti annakna dagiti pagsinam-it, intedna dagiti dadduma kadagiti kakabsat a babbai a pagministeranna.

Ti kangruanan a nagustuak maipapan iti recipe night ket bayat ti panagluto ken panaglutomi iti urno, napagsaritaanmi amin dagiti maipanggep ti kanayon a topiko ti ministering—dagiti rigrigatna ken kasta met kaniak. Ngem napagsaritaanmi met maipapan kadagiti lelangmi ken nanangmi, nga asideg iti pusomi.

Jenifer Greenwood, Utah, USA

Dagiti Naipangruna a Wagas a Panagtulong

Ti family history ket makaited iti gundaway para iti panagminister no kasla awanen ti mangaramid. Dagitoy dagiti sumagmamano a kapanunotan a mabalinmo nga aramiden.

Tulongam ida nga agsurat ken ag-upload kadagiti audio recording dagiti estoria iti family history, aglalo dagitay maiparis iti ladawan.
Mangaramid iti maysa a fan chart wenno dagitay maiprenta a dokumento ti family history a mabalin a maitedmo a kas sagut.
Isurom dagiti wagas no kasano a mataginayonda ti bukodda a pakasaritaan babaen iti panagisurat iti diurnal iti wagas a magustuanda Audio journal? Photo journal? Video logs? Adda dagiti adu a pagpilian para kadagiti saan a mangpili a mangusar dagiti pagrukodan a kita ti diurnal.
Aggigiddankayo a mapan iti templo tapno aramiden dagiti ordinansa para kadagiti kapuonan. Wenno idiaya nga aramidem dagiti ordinansa para kadagit nagan ti pamiliada a saanda a maobra para iti bagbagida.
Agtitipon a sangkamaysa tapno agbibinningglay kadagiti tradision ti pamilia.
Aggigiddan a dumar-ay iti klase ti family history.

© 2020 Intellectual Reserve, Inc. Agtagikua iti karbengan. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Ministering Principles, February 2020. Ilokano. 16995 864