Man Tii Bwaai Aika a Maiu Man te Iti: Kairake n Ikawai
Te Kariaria Nakon te Kabaeaki
E ngae ngke e bitaki aron ara babaire, ti rikirake ni kaan riki imarenara ao te Atua.
Tamnei a kaotaki man katotongan tamneia
E maeka te tia korokaraki i Tokyo, Tiaban.
Ngai ma au kabae ti na kabaeaki n te namakaina aei n te Sapporo Tiaban Tembora. Ma a moanna ni bitaki bwaai ni kabane ibukin te coronavirus. Inanon taian raraoma aika boou n tatabeua nako, I a ukora ana kairiiri te Atua man te tataro, warekan koroboki aika tabu, ao n ongora nakon te maungatabu ni kabuta. I kaokioka karaoan aei ngkai I karaoa au babaire ibukin taai aika a na roko. N tokina, a kainaki tembora. Ngkai ae ti bon tataninga naba ibukin kabaeakira. Ma I a tia n noria bwa e kanga te Atua ni buokiira rinanon te tai ni kangaanga aio.
Kakabwaia ibuakon Taai Aika Ko Aki Koaua Raoi Iai
Ni bon te koaua, te taneiai aei e bon rangi ni matoatoa. Ma I a tia n rinanon taian kakabwaia naba. Koroboki inanon au tieno e a tia ni buokai n atai kakabwaia akanne ao a tia n anganai te kukurei n tain te kangaanga aei.
Teuana te kakabwaia ae I a tia n noria bwa ara reitaki imarenara ngai ma au kabae e a tia n rikirake ni matoatoa. Ngaia ao Ngai ti maeka n taabo aika a kakaokoro, ma ni maiu n arora ae kaokoro, ao n aki kona ni kaitibo. Ma ti baireia bwa ti na uaia n tatataro ao ni marooro iaon bwaai ake ti reiakin man ara kamatebwai n te euangkerio. Ti uaia ni karaoi babaire. E ngae ngke ti teimatoa ni maenako n rabwatara, e rikirake reitakira, ao e taraa n ae e a rangi ni kaan nakoiu.
Waaki Nako
N tokina, ti a baireia bwa ti nang mare n te tua. I aki ataia bwa ningai ae e na reke ara tai ni kabaeaki n te tembora, ma I kariariaa te tai anne.
I kakoauaa bwa a mwaiti bwaai aika ti kona n reiakinna man te buti n aoraki ae e taona te aonaaba. I onimakina te Atua bwa iai Ana babaire ibukin maiura ae akea tokina, n aki tabe bwa teraa ae e riki n te aonaaba ae katobibiira—“bwa e tangira te aonaaba n te aro are e anga oin maiuna bwa e aonga ni kairia aomata ni kabane nakoina” (2 Nibwaai 26:24).
I kakoauaa bwa te Uea e tangiria ni buokiira bwa ti na kunea te kukurei inanon taai ni kangaanga aikai. I a tia ni kunea te rau inanon kakaean te kakabwaia are I karekea. Ngkana ko kaitaraaki ma aekakin te kakatai aei ngkai, tai bwarannano. E na kakorakora am koaua te buti n aoraki aei.