“Sèvis pastoral atravè aktivite nan Legliz la,” Lyawona, Jiyè 2020

Foto jènjan ki ap monte tant, tablo Bud Corkin; foto tifi ki ap ranje kouvè, tablo Sherie Price McFarland; fon an sòti nan Getty Images

Prensip Sèvis Pastoral, Jiyè 2019

Sèvis pastoral atravè aktivite nan Legliz la

Nòt editè a: Atik sa a te kreye anvan pandemi COVID-19 la. Kèk nan sigjesyon anba yo pa aplikab pandan peryòd kote nou dwe kenbe distans sosyal la men y ap retounen aplikab lè reyinyon Legliz yo ak aktivite yo reprann. Si nesesè, tanpri adapte sigjesyon sa yo daprè prensip aktyèl Legliz la ak gouvènman an.

Yon fason nou kapab sèvi manm pawas nou yo, vwazen nou yo, ak zanmi nou yo se atravè aktivite Legliz yo. Keseswa w planifye yon aktivite daprè bezwen oubyen enterè yon moun w ap sèvi oubyen ou envite l vin patisipe nan aktivite oubyen nan opòtinite pou sèvi lòt moun, aktivite nan pawas, pieu,oubyen menm nan nivo miltip yo kapab yon mwayen siyifikatif ak divètisan pou favorize inite ak fòtifye manm yo.

Aktivite yo nan legliz la kapab ouvè pòt pou anpil opòtinite pou sèvi tou. Pa egzanp, aktivite Legliz yo kapab bay opòtinite pou patisipe nan pwojè sèvis ki ap beni lòt moun, epi bati relasyon pozitif nan kominote a. Aktivite Legliz la kapab yon chans pou rive jwenn manm ki inaktif nan Legliz la ak zanmi ki gen lòt kwayans oubyen zanmi ki pa gen okenn afilyasyon relijye tou.

Lè nou enkli anpil moun nan aktivite Legliz yo, sa kreye yon opòtinite pou Senyè a beni ak fòtifye pawas ak branch nou yo, vwazinaj nou, ak kominote nou yo.

Bati Relasyon Pozitif

Ivè a t ap rive, epi David Dickson pa t gen okenn ide sou kòman li t apral kenbe fanmi li cho.

David, madanm ni, ak de pitit fi li te fèk demenaje al abite nan vil riral Fredonia,a, nan Arizona, Etazini, yon gwo peyizaj dezè ki antoure pa gwo falèz wouj, amwaz ak konifè.

Kay Dicksons yo te lwe a a te gen yon fou pou boule bwa kòm premye sous chalè kay la. David te byen vit aprann ke ranmase bwa pou chofaj sete yon talan ki t ap nesesè paske ivè nan Fredonia gen anpil nèj ak glas.

“Mwen pa t gen okenn bwa pou chofaj ni yon si e mwen pa t menm gen konesans sou kòman yo itilize youn!’’ David di. “Mwen pa t konnen sa m ta pral fè.”

Kèk manb nan pawas la te mande David si fanmi li te gen ase bwa pou pase ivè a. “Yo pa t pran anpil tan pou yo te reyalize mwen pa t genyen,”’ David di. Anvan lontan kowòm ansyen an te pwopoze m pou yo te ede m ranmase bwa. Ranpli ak gratitid, mwen te aksepte pwopozisyon yo a.”

David te vit dekouvri ke vwayaj sa a pou ranmase bwa a te tipik nan plizyè aktivite byen planifye, byen òganize ak byen frekante nan pawas la. Yon samedi maten, kowòm ansyen an, ak lòt manm nan pawas la te monte sou montay la nan yon karavan kamyon ak trelè.

David di: “Nan yon sèl aprèmidi, gras avèk zouti yo ak savwa-fè yo, manm pawas yo te bay fanmi m yon pakèt bwa ki te dire nou yon gwo pati nan de ivè.”’ “Sa ki pi enpòtan, mwen te aprann tout sa m te bezwen konnen sou ranmase bwa poukòm. Lè m te kite Fredonia, mwen te konn kòman pou m te itilize yon si, epi mwen te patisipe nan plizyè aktivite ranmase bwa mwen ka konte”

Kalite aktivite sa yo nan yon pawas non sèlman bati relasyon pozitif ant manm Legliz yo men li bati relasyon pozitif avèk tout moun nan kominote a tou.

David di: “’Mwen sonje yon dam, li pa t manm Legliz la, ki te fèk vini nan zòn nan.” “’Li te oblije boule panno bwa nan kay li a pou l te ka jwenn chalè. Lè nou te vin aprann sitiyasyon li, nou te asire nou ke l te gen ase bwa chofaj pou l te pase ivè a. Li te sitèlman rekonesan ke l te prèske pa t ka pale.”’

Efò sèvis pastoral nan Fredonia yo te pèmèt tout moun te an sekirite e te gen chalè pandan tout ivè a.

Lonje lamen bay lòt

Pandan m t ap sèvi yon misyon nan Roumani, Meg Yost ak konpanyon li te regilyèman vizite yon fanmi ki pa t vin Legliz depi lontan. “’Stanicas yo te pami premye manm Legliz la nan Roumani,”’ Meg di,“’e nou te renmen yo.”’

Lè moman an te rive pou nou te planifye ak òganize yon aktivite pou branch la, lidè yo te deside branch la t ap pral gen yon “Nuit Pyone” Se ta pral yon aprèmidi pou selebre kouraj pyone ki te travèse Etazini pou rive nan Vale Salt Lake yo. Se t ap yon opòtinite tou pou onore pyone Legliz yo nan Roumani.

Meg di: “Nou te panse se t ap yon bon fason pou kèk manm pataje temwanyaj sou konvèsyon yo ak fason yo wè Legliz la grandi nan Roumani.” “Nou te imedyatman panse fanmi Stanica ta dwe patisipe. Nou te envite yo, e yo te kontan!”

Jou swa aktivite a, Stanicas yo te toujou pa t rive lè moman an te rive pou n te kòmanse.

Meg sonje: “’Nou te enkyè pou yo pa t vini”. “Men nan menm moman an, yo te mache rantre nan pòt la. Stanicas yo te rann yon bèl temwanyaj sou levanjil la ak sou Legliz la. Yo te sosyalize yo avèk lòt manm yo pa t wè depi lontan tou.”

Manm yo nan branch la te louvri bra yo epi yo te akeyi Stanicas yo. Dimanch aprè a, Meg te gen yon bèl sipriz lè l te wè Sè Stanica Legliz la.

“Lè m te vizite branch la kèk mwa aprè, li te toujou vini!” Meg di. ”Mwen panse chans pou l te rann temwanyaj li a ak pou l te santi li enplike ak nesesè pou branch la te reyèlman ede l.”

4 ide pou Sèvis pastoral atravè aktivite Legliz

Planifye aktivite ki reponn ak bezwen yo: Aktivite se yon bon fason pou reponn ak plizyè bezwen diferan. Nou kapab planifye yo pou yo reponn bezwen spesifik yon moun oubyen yon gwoup moun. Epitou, yo kapab reponn bezwen moun ki ap patisipe yo, keseswa bezwen an se pou youn konn lòt pi byen, aprann plis sou levanjil la, oubyen santi Lespri a.
Envite tout moun: Lè n ap planifye aktivite yo, fè yon efò spesyal pou envite moun ki ap benefisye nan patisipe ladan yo. Kenbe nan lespri nouvo manm yo, manm ki inaktif yo, jèn yo, jèn adilt sèl yo, moun ki gen yon andikap ak moun ki gen lòt kwayans nan lespri nou. Voye envitasyon an pandan n ap panse avèk enterè yo, epi fè yo konnen jan nou ta renmen yo vini.
Ankouraje patisipasyon: Moun nou envite yo ap vin aprann anpil nan aktivite yo si yo gen opòtinite pou yo patisipe. Youn nan fason pou ankouraje patisipasyon se fè moun yo itilize don yo, konpetans ak talan yo pandan aktivite a.
Akeyi tout moun: Si zanmi w yo vini nan aktivite a, fè tout sa w kapab pou fè yo santi yo byenveni. Menmjan tou, si w wè moun ou pa konnen, rete amikal epi akeyi yo tou!

© 2020 pa Intellectual Reserve, Inc. Tout dwa rezève. Enprime nan Etazini Damerik. Apwobasyon Anglè: 6/19. Apwobasyon tradiksyon: 6/19. Tradiksyon Ministering Principles, July 2020. Haitian Creole. 16989 036