Sasing nike feek Bud Corkin ni ya’an nochi pumo’on ni yaed be toey e tent; sasing nike feek Sherie Price McFarland ni ya’an bochi bulyol nibe yarmiy e tebel; sasing nibay u tomur e Getty e ir e ke feek.

Kenginn e Pigpig, July 2020

Tin ni Yima Rrin’ u Galasia ni Ngan Murwel ngay Ngan Machib

Cha’an nike fal’eg e yoloey ni ga’ar: Biney e kan fal’eg um’on ko fare COVID-19. Boech ba’en riy e dariy rogon ko chiney ni yibe palog nigey ko gidii’ machane Baha’i fan napan ni ra tabab biyay e Mo’olung ko Galasia. Fa’anra ba tu’uf, wenig mu murwel ko tiney ni rogon ni ra fal’ ko Galasia nge motochiyel ko am.

Reb e kanawo’ ni rayog ni ngad machib gaed ko gidii’ ko ward, pi’in ni bay u to’ben daed, nge tafagar e dakean e tin ni yima rrin’ u lane Galasia. Demtrug ko kam fal’eg ni fan ko tin nib tu’uf fa n’en ni ba adag e cha’an ni gabe machib ngak fa gabe pining raed ni ngar uned ko tin ni yibe rrin’ u galasia fa yibe pigpig nga boech e gidii’, tin nin yima rrin’ u lane ward, stake, fa tin ni yibe rrin’ e rayog ni nge pi’ e kanawo’ ko chonggin e galasia ni ngar gel gaed.

Fan e Galasia e ku rayog ni nge bing e kanawo’ ni bo’or ni ngan machib riy. Boed ni, fan e Galasia e rayog ni nge pi’ e kanawo’ ni ngan un i pigpig ko gidii’ me fal’eg e thin u lane binaew. Fan e Galasia e ku rayog ni nge ayuweg e pi’in nike thay ko Galasia nge fagar ko boech e taliw nib thil fa fagar ni dariy e taliw rok.

Gidii’ ni nge yo’or u lane Galasia e ma fal’eg e kanawo’ ni fan ngak Somoel ni nge yibliy mge pi’ gelngin e ward rodaed, gin ni gadaed ma paer riy, nge binaew rodaed.

Pi tha’ ni Yibe Ngongliy ni nge Mon’og Rogon

Be yib e garbeb, ma dani nang rogon David Dickson ni nge ayuweg e tabinaew rok ngan paer ni dabin ulum.

David, nge ppin rok, nge l’agruw e ppin ni faak e kaffin ri baed nga Fredonia, Arizona, USA, bangi n’en nib liyeg e burey nib tlb tomora’, nge paan, nib yo’or mit.

Tabinaew rok Dickson ni kar rent niged e kemus ni ba ngochol ni yima ta’ l’ud ngay e ma pi’ e gowal ngoraed. Me nang Dickson nib ga’fan ni ngan kunuy e l’ud ni bachan e garbeb e ba sug ko snow nge ays.

“Dariy e l’ud fa chensaw fa gonop ko rogon ni ngan muruwliy. David e ga’ar. “Danug nang ko mang e nggu rrin’.”

Boech e ward e ri fthed David fa’anra yad ba gaman ko l’ud napan e winter. “Dani n’uw napan ni kar nanged ni dariy,” e yoeg David. “Ulung ko elder e ri pi’ed e ayuw ngog ni ngan kunuy e l’ud. Ku sug ko falfalen’, mug fana’ e ayuw roared.”

Ta’aboch riy me nang ni fare yan ni ngan kunuy e l’ud e rib fal’ rogon ni kan tanam nag, nikan yarmiy nib fal’ rogon, nge ward nib fal’ rogon. Reb e kadbul ko Sabado, me David, nge ulung ko elders, nge kuboech e gidii’ ko ward e raned ko burey u lane bukun e truck nge trailers.

“Ta’ab misiw’, kemagar talne murwel roared nge gonop roared, ma ke pi’ e ward bukun e l’ud ko tabinaew rog ni gamaed ra gaman riy u lane l’agruw e winter,” e yoeg David “N’en ni kab ga’fan, e kan fil Ngog gubin ban’en nib tu’uf ni Nggu nang ni mornga’agen i kunuy e l’ud ni go’ gag. Napan ni gu chuw u Fredonia, ma ku nang rogon i muruwliy e chensaw, ma ku un ko ayuw i kunuy e l’ud ni daku nang ko urngin yay.”

Tin ni yima rrin’ u lane ward e gathi kemus nima fal’eg thilin e gidii’ ko Galasia machane Kuma fal’eg thilin e gidii’ u lane binaew.

“Kugu manang ba ppin, ni dani bee’ ko Galasia, ni kab bi’ech ko gin ni bay riy.” David e be yoeg. “Dakuriy e l’ud u tabinaew rok ni nge ayuweg ko lulum. Napan ni gu nanged, ma gamaed ayuweg ngan pi’ e l’ud ngak nib tu’uf nge taw ko napan nike m’ay e winter. Kari falfalen’ ni dakir yag ni nge non.”

Ayuw ni yibe pi’ u Fredonia e yibe gay rogon ni gubin e gidii’ ma ba fal’ rogon ni dabi magawon ko ulum nge taw ko ngiyal’ nike m’ay e winter.

Ayuweg Boech e Gidii’

Napan ni guba’ ko mission u Romania, me Meg Yost nge cha’an ni yow e ri guyew ba tabinaew ni ke n’uw napan ni dakir bow nga galasia. “Stanicas e kab kakrom ni ri uned ko Galasia u Romania,” Meg e be yoeg,“ ma yaed ba tu’uf romaed.”

Napan ni taw ko ngiyall’ ni ngan tanam man yarmiy ban’en, me yoeg e pi toygang’ ni ngan tay e “Nep ko Pioneer.” Iraray e re balayal’ ni ngan tafney nag e pi pioneer ni kar tha’ebed yu Mariken ngar thap gaed nga Salt Lake City. Ku ir e ngiyal’ ni ngan tay fan e pi pioneer ko Galasia u Romania.

Meg e ga’ar, “Ku leam niged ni iraray e kanawo’ nib mangil ko boech e gidii’ ulane galasia ni ngar yoeged e mich roared ni kar uned ko galasia nge rogon nikar guyed e Galasia nike ga’ u Romania.” “Gamaed leam nag fare tabinaew ku Stanica ni ngan uneg raed ngay. Gu pininged raed ni ngar uned, ma kari falfalen’ gaed!”

Napan fare neap, Stanica e ku dawori taw gaed napan ni ke taw ko ngiyal’ ni ngan tabab.

“Ku magar gaed ni dabir baed.” e be yoeg Meg. “Machane ta’aboch riy mar baed u langan fare maab. Stanicas e ri yoeged e mich roared ni mornga’agen fare gospel nge Galasia. Mar noned ko boech e gidii’ u lane galasia ni dawor mada’ gaed nike n’uw napan.”

Ke bing e gidii’ ko branch pa’ raed ngak fare tabinaew ku Stanicas. Bin migid e Madnom, ma ke falfalen’ nike guy Sister Stanica u galasia.

“Napan ni waen ko fare branch ni ri in e pul, ma ku be yib!” Meg e be yoeg. “Gube leam nag nike ayuweg napan nike yag ni nge yoeg e mich rok ma ke thamiy nib mu’un nga fithik e ma’athuk ma ba tu’uf u lan fare branch.”

Aningeg e Gonop ni fan ko Machib u dakean e Tin ni Yibe Rrin’ u lane Galasia

• Fal’eg rogon e tin ni ngan rrin’ ni ra ayuwegney: PIn’en ni ngan rrin’ e rayog ni nge ayuweg e tin nib tu’uf ko gidii’. Rayog ni ngan tanam nag ni nge ayuweg bee’ fa gidii’. Ba tu’uf ni nge ayuweg e pi’in nike un, demtrug ko ngar naged raed, ma ngan nang boech mornga’agen fare gospel, fa ngan thamiy fare Kan Nthothup.

• Pining gubin e gidii’. Napan ni gara fal’eg e pin’en ni ngan rrin’, mag pining e pi’in ni ra ayuweg ngar uned. tay u wun’um e pi’in ni kafini un ko galasia, pi’in nike palog ko galasia, pi’in nib bitir, pi’in ni fal’ yangren, pi’in nib m’ar, nge gidii’ nib thil e taliw roraed. Pining raed e n’en ni ngan rrin’, ma yoeg ni ga ba adag ni ngar baed.

• Ni un ko n’en ni yibe rrin’: Pi’in ni gimed ra pining e ra yag ban’en ngak ko pin’en ni yibe rrin’ u galasia fa’anra yaed ra un ngay. Reb e kanawo’ ni ngan ma’thuk e bee’ ni nge murwel ko tawa’ath roared, tin ni yaed ba cheg riy, napan ni yibe rrin’ e tin ni fan e Galasia.

• Pining e magaer ko gidii’ ni gubin: Fa’anra ke un e fagar rom, mag athamgil ngam ayuweg raed ni dabi kirkireb gaed. Ta’aborogon, fa’anra gara guy e gidii’ ni danum nang, ma ngam gol mag non ngoraed!

© 2020 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Ministering Principles, July 2020. Yapese. 16989 905

Bing Gumircha’em

“Gubin ngiyal’ ma thingar di pired ni gadaed be non ma gadaed be yaliy boech e gidii’ nib bi’ech napan ni mo’olung nge tin ni yibe rrin’ u l;ane Galasia. … Rayog ni ngad rrin’ed e pin’en nib achig ni ngan ayuweg e pi fagar ney ni dabir kirkireb gaed … , boed ni ngan non nib munguy, man sap nib fal’ rogon ngoraed, … mag n’anggin ngar noned ko boech e gidii’ u galasia, nge kuboech. Napan ni gadaed ra bing gumircha’endaed ko fagar rodaed nib bi’ech … , ma gadaed be machib.”

Elder Ulisses Soares ko fare Ulung ko fare Ragag nge L’agruwi Apostle, “One in Christ,” Liahona, Nov. 2018, 38.

Machib ni ngan Piningey

Muguy e pin’en ni ngan rrin’ u lanw ward fa branch. Leam nag e pi’in ni gabe machib nag ma leam nag ni ngam pining nge un boech ko tin ni yibe rrin’ u lane Galasia.