Go Direla ka Boipelego

Go thusa ba bangwe go ipelega ke go tlamela le go direla ka tsela ya Morena.

Bontsi jwa maloko a malwapa a rona, ditsala, baagisanyi ba kgatlhegela go ipelega thata. Go dirisa methale ya boipelego ya Kereke, maloko a Kereke a bona ditshono tsa go dira, tlhokomela, le go direla jaaka ba segofatsa ba bangwe ka melawana e e tlisang “tsholofelo e kgolo, kagiso le tswelelopele.”¹

“Ke ne ke le mo Gae”

Ka Chissy Kepler, Arizona, USA

Ke ne ke sokola ka madi morago ga tlhalo, ke leka go boela gape mo tirong morago ga go nna mme yo nneng a nna mo gae dingwaga di le boferabobedi. Le gone ke ne ke sokola mo semoweng, ke batla boammaruri le tumelo, le fa ke ne ke ise ke gate mo teng ga chapele e sale ke le monana.

Ka Sontaga mongwe ke ne ke tlhwatswa diaparo mo lapeng la ga nkgonne, Priscilla, leloko le le tlhaga la Kereke. Fa ke le gone koo, Priscilla a ntaletsa go ya kerekeng le lelwapa la gagwe—taletso ya me ya ntlha mo dingwageng tse 15.

Kwa ntlheng ke ne ke sena keletso, mme fela bosigo bo bo fetileng, ke ne ka lopa mo Modimong go ntshupegetsa ka fa nka nnang gaufi le Ene. Morago ga ke sena go utlwa go gwetlha mo teng, ka swetsa gore, “Ke eng ke sa ye go utlwa le go iponela jaaka mogolo ka pelo ya me le matlho?”

Fa re ne re le mo bokopanong jwa Sakaramente, ka lemoga pampitshana ya ipapatso mo kgasong e khutshwane ya dikgang tsa Sontaga e itsise ka thuto ya boipelego mo go tsa madi. Ke ne ke sa ipaakanyetsa go boela mo kerekeng, mme ke ne ka nna le kgatlhego mo ithutontshong ya dibeke tse 12. Ka thotloetso go tswa mo go nkgonne le monna wa gagwe, ka ikwadisa, ke solofela go ithuta fela ka fa ke ka dirang thulaganyo ya go dirisa madi le go duela dikoloto. Dithuto, le fa gontse jalo tsa mphetola semowa.

Ke ne ka gakgamadiwa ke melaetsa ya semowa mo dibekeng di se kae tsa ntlha tsa tlelase, mme ka nako ya tlelase ya boraro, ke ne ka fekeediwa ke maikutlo a tlhomamiso gore ke mogae le go utlwa boammaruri jo bosha mme bo itlwaelesegile. Ka tswa mo tlelaseng mme ka kgweeletsa ka tlhamalalo go ya go bona Priscilla. Ka dikeledi, ka mmotsa, “Ke ka amogela jang maikutlo a mo botshelong jwa me?” A rulaganya le baanamisa efangele go simolola go nthuta.

Maloko a tlelase ya me ya boipelego ba tla mo dithutong tsa me tsa boanamisa efangele mme ba nthotloetsa. Ba dira maikutlo a se nnela ruri mo semoweng sa me mme ba nthusa go tlhabolola bopaki jwa efangele le baperofeti ba malatsi a segompieno.

Mo nakong e ntsereng go fetsa ithutontsho, ke dirile diphetogo di le mmalwa tsa lobaka lono fela le tsa semowa. Ka simolola tiro e ntšha le kompone e siameng, mme ka duela dikoloto tse di mmalwa.

Mme ditshegofatso, tse di boteng e bile di le monate tse di duleng mo ithutontshong di akaretsa go dira botsalano jo bontle, go simolola go tlhabolola kgolagano ya motia ka thotloetso ya ga bishopo, go bona bopaki jwa tsa bolesome, go amogela teseletso ya tempele, le go endaoiwa, le go bona banake ba batona ba babedi ba kolobediwa.

Tsela ya me ya go isa kwa boipelegong e santse e apoga, mme mo leetong lotlhe la me, ke tla nna ke gopola dithuto tse ke di ithutileng le botsalano jo ke bo dirileng.

Laletsa, Tsenelela, Nonotsha

Go thusa Baitshepi Ba Malatsi a bofelo go fitlhelela boipelego—gotlhe ka tsa madi le tsa semowa—Kereke e simolotse maiteko a yone a boipelego ka 2014. Morago ga tshimoloso ya dithuto tsa semowa, batseneledi ba itshenkela go tswa mo diithutontshong tse nne tse di farologanyeng tsa beke tse 12.

Ka ntlha ya gore ditlhopa tsa boipelego di dira jaaka lekgotla, di neela sebaka se se siameng go direla ba bangwe ka tsa madi, tsa dithuto, tsa pereko le matlhoko a tsa semowa. Maloko a setlhopa a ithuta mo go, gakololaneng le go rotloetsana. Le gone ba abelana megopolo mme e bile ba na le maikarabelo go mongwe ka yo mongwe.

Rapela ka ga gore ke afeng maloko a lelwapa, ditsala, kgotsa baagisanyi ba o ka ba laletsang ko ithutontshong ya boipelego, mme o e tsenelele le bone. Gakologelwa gore melawana ya boipelego e ka segofatsa bana botlhe ba Modimo, go sa re sepe gore a ke maloko a Kereke kgotsa nnyaa.

“Ke Dule mo Tlelaseng Nngwe le nngwe ke Ikutlwa ke Ratiwa”

Fa a etetse Temple Square mo Salt Lake City, Utah, le morwae yo o dingwaga tse 10, Vincent, ka Sedimonthole 2016, Katie Funk o ne a itsaya jaaka “motlhokatumelo o o phuthologileng.” O tlogetse Kereke a le dingwaga di le 16, a nna motsadi yo o sa nyalwang a le dingwaga di le 17, a simolola go dira dithatuu, mme a simolola go nna le keletso ya kofi. Mme ka nako ya loeto la Temple Square, Vincent a utlwa Mowa o o Boitshepo mme a botsa mmaagwe go re a o ka tsaya dithuto tsa baanamisa efangele.

Le fa ditiro tsa gagwe tse pedi, dioura tse 80 tsa go dira tsa dibeke, Katie a ithutontsha efangele le Vincent, a sekaseka dikarabo tsa dipotso tsa gagwe fa gare ga maeto a baanamisa efangele. Ka selemo sa 2017, a simolola go tsenelela dikopano tsa Kereke, kwa a ithutileng ka ga diithutontsho tsa Kereke tsa boipelego.

“Ke lemogile ke sengwe se se ka nthusang,” a rialo. “Gongwe nka se tlhoke go dira ditiro tse pedi kgotsa go ikaega ka batsadi ba me botshelo jwa me jotlhe.”

Katie a bitsa ithutontsho ya gagwe “e e nonotshang thaya lobaka lono le semowa,” e seng fela ka ntlha ya se a se ithutileng mme le gone ka ntlha ya ka fa setlhopa sa gagwe sa boipelego se mo amogetseng ka teng le go mo direla.

Ka fa O Ka Thusang ka teng

Fa ke megopolo mengwe go tswa mo go Katie ya ka fa re ka dira go tsaya kgato ga Kereke go simolodisa boipelego e le lobaka la go direla gotlhe semowa le ka lobaka lono fela.

“Neela thuso le kgothatso. Setlhopa sa me se nthusitse ka tsela e ke neng ke tlogela tlelase nngwe le nngwe ke ikutlwa ke ratiwa.”
“Abelana maitemogelo a gago Botshepegi le bonnete jo re nnileng le bone mongwe go yo mongwe jwa dira dipelo tsa rona go ikutlwa botoka. Ga o kake wa itse gore ke mang yo o ka thusegang ka se o se abelanang.”
“Bua. Ke bua ka fa botshelo jwa me bo leng botoka ka teng ka ntlha ya gore ke ntsha tsabolesome le go ya kwa kerekeng. Ke tsaya buka ya me Personal Finance for Self-Reliance kwa tirong ya me jaaka moalafamatlhoko a boitshwaro. Fa go tshwanela ke abelana mengwe ya melawana ya yone le ba bangwe.”
“Ikele kwa ithutontshong ya boipelego ka bo wena, mme lebelela bao ba ba ka tswang ba tlhoka thuso ya gago. Ke ne ka palelwa ke go tsenelela sephatlo sa ditlelase ka ntlha ya diphetogo mo lenaneong la me la tiro, fela maloko a setlhopa sa me a nna a ikgolagantse le nna mme ba nthotloetsa. Go ne go gakgamatsa go ikutlwa gore ke santse ke le karolo le fa ke retelelwa ke go nna teng.”