“केटाकेटी र युवाहरूका कार्यक्रम मार्फत सेवा गर्ने” लियोहोना अक्टोवर २०२०
टम गार्नर, आइज्याक डार्को-अचेम्पोङ, अलेक्ज्याण्डर के। बोटेङ्ग, र जोनास रेबीकीद्वारा फोटोहरू
सेवाका सिद्धान्तहरू, अक्टोवर २०२०
केटाकेटी र युवाहरूका कार्यक्रम मार्फत सेवा गर्ने
अरूलाई उन्नति गर्न आमन्त्रण गर्नु र उनीहरूलाई सहयोग गर्नु भनेको सेवाको कार्यको सार हो।
केटाकेटी र युवाहरूका कार्यक्रम मार्फत सेवाका लागि अवसरहरू प्रशस्त छन्। हुनसक्छ तपाईको आफ्नै घरमा केटाकेटी वा युवाहरू हुन सक्छन्। हुनसक्छ तपाईं कार्यक्रमका अगुवा वा केटाकेटी र युवाहरू सहितका परिवारहरूका सेवक हुनुहुन्छ। अथवा हुनसक्छ तपाईं केही केटाकेटी र युवाहरूलाई चिन्नुहुन्छ (जसले हामी सबैलाई समेट्नु पर्दछ)। तपाईंको परिस्थिति जस्तोसुकै भए पनि, कार्यक्रम वा यसका सिद्धान्तहरू अरूहरूको जीवनलाई आशीषित गर्न प्रयोग गर्ने धेरै तरिकाहरू छन्।
हामीस्वयंलाई सँगै विकास गर्ने
उत्तम रुपमा सेवा गर्नेले केटाकेटी र युवाहरूको हृदयमा हरेक दिन उद्धारकर्ता जस्तो बन्नका लागि केन्द्रित हुन जोड दिन्छन्। कार्यक्रममा सहभागीहरू मध्ये धेरैले यो सिकेका छन् कि तपाईको जीवनका विभिन्न क्षेत्रहरूमा तपाईले जति बढी प्रगति गर्नुहुन्छ, अरूलाई सहयोग पुर्याउन वा सेवा गर्न तपाईको क्षमता त्यति नै बढी सुदृढ हुन्छ।
तर केटाकेटी र युवाहरूको कार्यक्रमका साथ, अरूलाई आशीषित गर्दा तपाईंले केही कुरा नसिक्दासम्म पर्खनु पर्दैन। आफैले सिक्ने कार्यले सेवाका अवसर प्रदान गर्दछ।
घानामा बस्ने पैगम्बर नामक युवाका लागि, केटाकेटी र युवामा पियानो कसरी बजाउने भनेर लक्ष्य निर्धारण गर्नु शुरुआत मात्र थियो। “यो मेरो लक्ष्य म के सिक्दैछु भनेर अरूलाई जान्न मद्दत गर्नु हो,” पैगम्बर भन्छन्।
यद्यपि उनी अझै प्रशिक्षक होइनन्, उनको लक्ष्य उनले सोचेभन्दा धेरै ठुलो कुरामा परिणत भएको छ। पैगम्बरका साथमा सभा घरमा अहिले ५० जना विद्यार्थीहरू पियानो कक्षा लिइरहेका छन्। अनि हाल कसले पैगम्बर र ती ५० विद्यार्थीहरूलाई सिकाइरहेको छ? अलेक्ज्याण्डर एम र केल्विन एम, दुबैको उमेर १३ थियो। “हामी अरू मानिसहरूलाई दयालु कार्य देखाउन चाहन्छौं,” केल्भिन भन्छिन्।
हप्तामा तीन दिन दुई युवाहरूले सिक्न आउने सबैलाई नि:शुल्क आधारभूत पियानो पाठ सिकाउँछन्। पियानो पाठका लागि त्यहाँ एक थप फाइदा भएको छ। पियानो पाठ मार्फत चर्चमा परिचित भएका धेरै विद्यार्थीहरूले पछि सुसमाचारको अध्ययन गरेर बप्तिस्मा लिने निर्णय गरे।
जब हामी आफैंलाई सुधार्न कोसिस गर्छौं, हामी अरूलाई हामीसँग सामेल हुन आमन्त्रण गरेर सेवा गर्न सक्दछौं।
सेवाका लागि एक पाक विधि
एक किला प्राथमिक अध्यक्षका रुपमा, ब्राजिलको कुरिटिबाकी सब्रिना सिमेस ड्यूस अगस्टोले कार्यक्रमको व्यक्तिगत विकासको पक्षले केटाकेटी र युवाहरूलाई उनको किलामा कसरी आशीषित गर्छ भनेर देखिन्। तर उनले सेवा गर्ने बहिनीको हैसियतमा आफ्नो कार्यभारमा व्यक्तिगत विकासबारे सिकेका कुराहरू प्रयोग गर्न थुप्रै तरिकाहरू पनि देखिन।
“जब म एक सीप विकास गर्छु, बहिनी अगस्टो भन्छिन्, यसलाई म आफुले सेवा गर्ने कसैका लागि आशीषित गर्न प्रयोग गर्न सक्छु।”
चकलेट ट्रफल्स कसरी बनाउने भनेर खटाइएकी एउटी बहिनीलाई बहिनी अगस्टोले चकलेट ट्रफल्स बनाउन सिकाइन्। उनको परिवारका लागि थप आय आर्जन गर्न ती बहिनीले अहिले ट्रफल्स बनाएर बेच्छिन् । बहिनी अगस्टोले भनिन्, “महिनौंपछि, अर्को बहिनीले मलाई मैले बेच्न सक्ने महको रोटी कसरी बनाउने भनेर सिकाउँनु भयो जसले मलाई आशीषित गरायो। “हाम्रो प्रतिभाको विकास र साझेदारीले सेवा गर्ने दिदीबहिनीहरूका रुपमा हाम्रो सम्बन्धलाई अझै प्रगाढ पार्न र एक अर्काको जीवनलाई आशीषित गर्न सक्दछ।”
© 2020 by Intellectual Reserve, Inc. All rights reserved. संयुक्त राज्य अमेरिकामा मुद्रित। अङ्ग्रेजी अनुमोदन: ६/१९। अनुवाद अनुमोदन: ६/१९। Ministering Principles, October 2020 को अनुवाद। Nepali. 16725 372