Tamnein moan bungiakin Iesu iroun Niltza Beatriz Santillan Castillo; tamnein bwai n tangira man Getty Images

Reirein te Mwakuri n Ibuobuoki, Ritembwa 2020

Tibwaakin Otan te Tia Kamaiu n te Kiritimati

Iangoia naake ko karaoa te ibuobuoki nakoia. Ko na kanga ni buokia bwa a na kaan ma Kristo n te Kiritimati aei?

Ngkai ti tabe n uringa te Tia Kamaiu Iesu Kristo ni katoa ririki, te Kiritimati bon te tai are ti kauringa iai te bwai n tangira ae korakora are e moan kanakoaki:”Ba e tangiria aomata te Atua n te aro are e anga Natina ae te Rikitemanna iai” (Ioane 3:16). Ngkai ti karaoa te mwakuri n ibuobuoki n te Kiritimati, ti kona naba n anga bwai n tangira ae e na buokiia aomata bwa a na kaan ma te Tia Kamaiu. E kakateke iangoana bwa ngaira ti kaota te bwai n tangira are e anga Tamara are i Karawa.

I Teimatoa ni Kawakina raoi te Bwai n Tangira

Susan Hardy, California, USA

Ngke 11 au ririki ni maiu, e tuangai au tia reirei n te Reirei n Tabati, te Tari Deets, bwa ngkana ti kona ni kamatenanoa Taekan te Onimaki ao ni kabwarabwarai nanoia nakoina, e na kabooi oin ara boki ae booki aika tabu.

Te Tari ao Titita Deets bon taanga n ataei, aika a tibwa mareaki. I aki koaua bwa te Tari Deets e na kona ni kabooa te bwai n tangira nakon temanna. Ma I a tia ni iangoia ngkana e taku bwa e rangi ni kakawaki kamatenanoan Taekan te Onimaki, N a butimwaea te kakaewenako.

Imwiin are I a tia ni kamatenanoi ake 13 ni kabane, e waaki nako te tai ao I a mwaninga taekan ana berita.

Ma, ni bongin te Kiritimati, e roko te baoki ae e koreaki arau iaona. I kaukia ao I noori booki aika tabu ti ibukiu, ma te kaati are e kaungaai bwa N na wawareki. Anne n 1972 ao ni karokoa ngkai a bon mena naba irou booki aika tabu akanne. A rangi ni kakawaki irou.

Ti aki boon te bwai n tangira ma te akoi are e kaotia nakoiu ao nanona are e tauraoi n anga ibukiu ngaia are e a anganai te motinanno bwa n a kamatebwaia ana taeka te Atua. I kataia n tou mwiin katoto ake e karaoi te Tari Deets n te mwakuri ni ibuobuoki n anganako bwai n tangira aika manena nakoia ake irarikiu, ma te kantaninga bwa I kona ni kakabwaiai maiua aomata tabeman ngkai e a tia ni kakabwaiai.

Te Kakao ni Karaoa te Tibwanga

Richard M. Romney, Utah, USA

Ngke a tuangai naake a baronga ara botaki ni Kiritimati bwa N na kawara te membwa ae aki rangi ni bati ni kakaonimaki ao ni kaoia bwa e na ira buakon te waaki, I kan kaotia bwa e bon nako nanou. I a tia ni kaitibo ma Darren ti tetaina mai imwaaina, ngke e a tia n ira ana waaki ni kakukurei te uoote. E bwaina kabaean te atuu irouia taan rebwerebwe i moan atuna. E kabaeaki irana ae marairai man mainaina n te kabaea niira, e onrake n te buai ae e mainaina, ao e buta baina n te taitai.

Ngkai, I tei imatan ana mataroa Darren n raonaki iroun temanna te komete, ni mitaraia bwa tera ae e na taekinna Darren. E tuangira bwa ti na rin, ao ti tuangnga bukin rokora ikekei. E taku” O, I nang kan karaoa anne”

E karaoa te mwakuri ae e kamimi, e ibuobuoki ni karika te waaki bwa e na nakoraoi ibukiia aika a mwaiti. N te tai ae e aki maan, raou ni ibuobuoki ao ngai ti tuangaki bwa ti na kakawara Darren. N taainako e kaota te mata ni kukurei n norakira, ao e reke ara tai ae kakukurei ni maroro. I nangi ni kukurei n ana kairi te tamnei ae N na kaoa bwa e na ira kanoan ana waaki te uoote e a karokoira nakon te reitaki ni koaua.

Buokia Tabeman n te Kiritimati

Aikai bwaai tabeua aika kam kona ni karaoi bwa a na ataia naake kam buokiia bwa kam iangoia, riki n te tai aio n te ririki.

1. N tabetai te tareboon ke kanakoan te rongrongo n te tekiti e karaoi kamimi. Moanakin te maroro ma aika a uarereke “mauri, ko uara?” e kona ni karaoa te bitaki.

2. Ira buakon kukureiai ngkana e riai. E kona n riki te Kiritimati bwa tain ataan koaua aika ti bane n reitaki iai. Ngkana ko tibwauai koaua ao man ongora irouia tabeman ko kauka mataroan te atatai ae e nano.

3. Tataro ibukiia ni manewei araia. Butia Tamara are i Karawa bwa e na buokiko ni karekei kawai ake ko na buokiia bwa a na kaan ma Natina.

4. A nangi ni ururirngaki riki bwai n tangira aika a mangori. Aki riai bwain tangira n rianako aroia bwa a na tangiraki. Bwai n tangira n te tai, bwai n tangira n te ongora, tibwaan tamnei ke kanoan te ururing—a kona ni bane n riki bwa bwai n tangira man te nano.

5. Anga bwai n tangira n te kakoaua. Tuangiia bwa a na tibwa aia tangira ibukin te Tia Kamaiu ma ngkoe, ao tauraoi n tibwa am tangira ibukina ma ngaiia.

6. Kaoia tabeman bwa a na ira te nebonebo n te Kiritimati. Tabeman aomata a kan nebonebo ma aki ataa te tabo ae a na nako iai. Kaoia bwa a na nebonebo ma ngkoe.

7. Kaona mwengaia ma te rau. Tuangiia bwa a na ataia bwa mitinare iai aia rongorongo ae e onoti n te Kiritimati ae a kona n tibwaia, ae e na karokoa te kantaninga ao te tangira nako nanoia.

Buokia Aomata ni kabane n te Bootaki n Taromauri

Ni kabane bootaki n taromauri a tannako ma kainnanoia aika a onoti. Tabeman a mabiao man barongaan waaki ni kakukurei aika a bubura. Tabeua bootaki n taromauri a mabiao man bwaai aika a uarereke man mangori. Taan bairei waaki ni kakukurei a bwaina te tataro mwaaka bwa a na kanga ni kaaitarai kangaanga aika a bon riki.

• Kaain titeiki aika tenua mai Paris, Buranti, a anga te boutoka ni Kaotaan te Aonaaba ae karaoaki n te tairiki are inanona aron kaotan tarena ao kunnikai n aron teia ma taraakiia. A katauraoi bwaai ake anganaki taan kitani abaia ao aomata ake akea mwengaia.

• Te Charlotte North Carolina Central Titeiki e booa te botaki ni kukurei ibukin te “Kiritimati ni Kabuta te Aonaaba” ibukin te komiuniti ni kauringa Kristo rinanon te amwarake, aroaron katein te Kakiritimati n te aonaaba, katangitang, mwakuri ni ibuobuoki ao aia waaki ni kamataku ataei ibukin bungiakin Iesu.

• Kaain te Vero Beach Florida titeiki a iriia kaain te komiuniti n te kauring bukin bukamaruan te Kiritimati. A kanakoaki bwaai n anganano aika bwaai n takakro nakon te komiuniti. A karaoa aia kamataku ataein te Moanrinan, ao a rawata ekaretia aika a katei aia tabo ni kaoti aia rongorongo.

• Te Jacksonville Florida South Titeiki e karaoa ana kamataku ibukin Te Tia Kamaiu ibukin te Aonaaba ae te kaongora ibukin te komiuniti.

© 2020 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/19. Kariaiakaki rairana: 6/19. Raran te Ministering Principles, December 2020. Language. 16727 859

Kaan ma te Tia Kamaiu

“Ngkana ti iangoa ae aongkoa ti nakon aia tabo maan i Betereem, ‘ike e a kaman wene iai rabwatan te Atua n te tairiki iaon te uteute,’ ti kona ni kina iai raoi te Tia Kamaiu bwa te bwaintituaraoi mairoun te Tama are i Karawa ae tangira.”

Unimwaane Dale G. Renlund man te Kooram n Abotoro ake Tengaun ma Uoman, “That I Might Draw All Men unto Me,” Liahona, May 2016, 40.