“Kokola na Libongi ya Emoniseli,” Liahona, Sanza ya yambo 2021
Etinda ya Sanza ya Liahona Sanza ya 2021
Kokola na Libongi ya Emoniseli
Nalendisi bino bosala manso esengeli mpo na koyoka Nkolo malamu mingi mpe mbala mingi koleka mpo ete bokoka kozwa pole Ye alingi kopesa bino.
Foto uta na Getty Images
Na sanza ya motoba 30, 2017, kolandaka liyangani ya nsima ya nzanga ya likita linene, natelemaki mpembeni na lopitalo mpo na koyeba nsango ya molingami na ngai moko ya lisanga likoki Mpaka Robert D. Hales. Bakotisaka ye na lopitalo mpo azalaki kobela motema mwa mikolo milekaki.
Tozalaki na bokutani ya kitoko ntango tokendeki kotala ye, mpe emonanaki ete azalaki koyoka malamu. Azalaki kutu kopema ye moko, oyo ezalaki elembo ya malamu.
Nzokande, mpokwa wana Molimo alobaki na motema mpe mayele na ngai ete nasengelaki kozonga na lopitalo mokolo ya eyenga. Na liyangani ya poso na ntongo ya likita linene, liyoki wana ya makasi ezongaki. Nayokaki ete nasengelaki kotika bilei ya midi mpe kokende mbangu mpembeni ya Mpaka Hales kaka ntango liyangani ya ntongo esilaki, yango nde nasalaki.
Ntango nakomaki, nakokaki komona ete Mpaka Hales akomaki na mpasi mingi mpenza. Na mawa, akufaki miniti 10 nsima ya kokoma na ngai, kasi nazali na botondi ete nazalaki mpembeni na ye elongo na mwasi na ye ya boboto, Mary, mpe bana mibali na bango mibale ntango alongwaki na bomoi oyo.
Botondi kani nazali na yango mpo na mamemisa ya Molimo Mosantu oyo etindaki ngai nasala likambo moko nakokaki te kosala na lolenge mosusu. Botondi kani nazali na yango mpo na solo ya emoniseli mpe mpo ete lola ezali lisusu ya kofungwana.
Mobu oyo mokano na biso ya boyekoli ya moto ye moko mpe ya ndako ya kelasi ekozala Malongi mpe Mayokani. “Bimoniseli mpe masakoli ya bonzambe” oyo ekoki kopambola banso baye bazali koyekola yango mpe kosalela malakisi na bango ya bonzambe. Yango ebengisi “bato banso bipai binso mpo na koyoka mongongo ya Nkolo Yesu Klisto,”1 mpo ya solo “mongongo ya Nkolo ezali mpo na bato banso” (Malongi mpe Mayokani 1:2).
Likama, Molili, Bokosi
Bikumbaki ya nzoto mpe ya molimo ezali eteni moko ya bomoi na mabele, lokola Bokono bobe ya COVID-19 ekundolisi biso. Na ntango yambo ya Boyei na Ye ya Mibale, Mobikisi asakolaki mikolo ya mikakatano minene. Ye alobaki, “Ekozala banzala, mpe bokono bobe, mpe boningani ya mabele, na bisika kilikili” (Joseph Smith—Matthew 1:29).
Na kati ya mikakatano ya boye ezali namolili mpe bokosi mingi oyo ezaLI kozinga biso. Lokola Yesu alobelaki bayekoli ba Ye, “mabe ekotonda” yambo ya bozongi na Ye (Joseph Smith—Matthew 1:30).
Satana atandi makasi na ye mpe azali kongalela mosala ya Nkolo mpe baye ya biso bamipesi na yango. Na ntina ya makama mingi tozali kokutana na yango, mposa na biso ya kokambama ya bonzambe etikala kozala naino monene koleka boye te, mpe makasi na biso mpo na koyoka mongongo ya Yesu Klisto—Moyokanisi, Mobikisi, mpe Mosikoli na biso—etikala kozala naino makasi mingi koleka te.
Lokola nalobaki kala te nsima ya kobiangema lokola Mokambi ya Eklezia, Nkolo abongami mpo na kobimisa mayele na Ye epai na biso. Wana ezali moko ya mapamboli na Ye eleki monene epai na biso.2
Na mikolo na biso, Ye alakaki, “Soki bokosenga, bokozwa emoniseli likolo ya emoniseli, boyebi likolo ya boyebi” (Malongi mpe Mayokani 42:61).
Nayebi Ye akoyanola na mabondeli na biso.
Toyokaka Ye lolenge Nini
Koyebaka lolenge nini Molimo alobaka ezali na ntina monene mpenza lelo oyo. Mpo na kozwa bimoniseli ya moto yo moko, mpo na kozwa biyano, mpe mpo na kozwa bobateli mpe bokambami, tomikundola ndakisa Profeta Joseph Smith alakisaki biso.
Yambo, tomizindisa na makomi Kosalaka bongo ekofungola mayele mpe mitema na biso na mateya mpe bosolo ya Mobikisi. Maloba ya Klisto “elobelaka [biso] makambo manso [biso] tosengeli kosala” (2 Nefi 32:3), mingimingi na mikolo miye wapi bato bazangi elikyae mpe bakomi na botomboki.
Nsima tokosambela. Losambo esengi mposa ya kobanda, boye tokomikitisa liboso ya nzambe, kokuta esika moko ya kimia wapi tokoki mbala na mbala kokende, kosopa mitema na biso epai na Ye.
Nkolo alobaki, “Bopusana penepene na ngai, mpe Nakopusana penepene na bino; boluka ngai na etingia mpe bokomona ngai; bosenga mpe bokozwa, bobeta, mpe ekofungwama mpo na bino” (Malongi mpe Mayokani 88:63).
Kopusana penepene na Nkolo ememaka libondisi mpe bokembisi, elikia mpe libiki. Boye, tosambelaka na nkombo na Ye etali mitungisi mpe botau na biso, bamposa na biso mpe balingami na biso, mabiangi na biso mpe mituna na biso.
Nsima toyoka.
Soki totikali na mabolongo na biso mpo na mwa ngonga nsima ya kosilisa losambo na biso, makanisi, mayoki, mpe bokambami ekoya na mayele na biso. Kokoma mayoki oyo ekosunga biso komikundola misala kani Nkolo alingi biso tosala
Ntango tobandeli kosala oyo, biso, na maloba ya Profeta Joseph Smith, “tokokola na libongi ya emoniseli.’”3
Kolongobana mpo na Kozwa Emoniseli
Kolendisa makoki na biso mpo na koyeba banungunungu ya Molimo Mosantu mpe kokolisa makoki na biso mpo na kozwa emoniseli ekosenga bolongobani. Bolongobani esengi bobongi mpenza te, kasi esenge ete tobunda mpo na kobakisa bopeto.
Nkolo azali kozela bokasi ya mokolo na mokolo, bobongisi ya mokolo na mokolo, boyamboli ya mokolo na mokolo. Bolongobani ekomema bopeto, mpe bopeto ekolongisa biso mpo na Molimo Mosantu. Ntango tokamati Molimo Mosantu lokola mokambi [na biso]” (Malongi mpe Mayokani 45:57), tokolongobana mpo na emoniseli ya moto yo moko.
Soki eloko moko ezali kopekisa biso kofungola ekuke ya bokambami ya lola, tokoki kozala na mposa ya koyambola. Koyanbola epesaka biso ndingisa ya kofungola ekuke mpo ete tokoka koyoka mongongo ya Nkolo mbala mingi koleka mpe na polele.
“Bendele ezali polele,” eteyamaki na Mpaka David A. Bednar ya Lisanga likoki ya Bapostolo Zomi na Mibale. “Soki eloko moko tokanisi, tomoni, toyoki, to tosali etindiki biso mosika na Molimo Mosantu, nde tosengeli kotika kokanisa, komona, koyoka, to kosala likambo wana. Soki oyo esalemi mpo na kosakanisa biso, ndakisa, elongoli biso Molimo Mosantu, nde na ntembe te lolenge ya kosakana wana ezali mpo na biso te. Mpamba te Molimo akoki kofanda na oyo ezali ya mpamba, ya nsoni, to ya mbindo, nde na polele makambo ya bongo ezali te mpo na biso.”4
Ntango tosangisi bopeto mingi mpe botosi na kokila, koluka ya molende, boyekoli ya makomi mpe maloba ya baprofeta ya bomoi, mosala ya tempelo mpe mambi ya libota, lola ekofungwama. Nkolo, na ntango wana, akokokisa elaka na Ye: “nakopesa bino Molimo na ngai, oyo akongengisa mayele na bino” (Malongi mpe Mayokani 11:13).
Tokoki kozala na bompikilisi, kasi Nkolo akoloba na biso na lolenge na Yemei mpe na ngonga na Yemei.
Molimo ya Bososoli
Yobo alobaki, “ezali na molimo ya moto: mpe bofuli ya Oyo Akeleki Likolo akopesa bango bososoli” (Yobo 32:8). Na mobu moye ya sika, nalendisi bino bosala nyonso esengeli mpo na koyoka Nkolo malamu mingi mpe mbala mingi koleka mpo ete bokoka kozwa bopeli Ye alingi kopesa bino.
Yambo ya liwa ya Mpaka Hales mokolo wana ya sanza ya zomi na 2017, alengelaki mwa lisolo moko mpo na likita linene oyo akokaki kopesa te. Na lisolo wana, akomaki, “Bondimi na biso ekolengela biso mpo na kozala liboso ya Nkolo.”5
Ntango tozwi emoniseli, tokolekisa ngonga na biso liboso ya Nzambe lokola Ye abimisaki mayele, bolingi mpe mongongo na Ye epai na biso (tala Malongi mpe Mayokani 68:4). Ekoka biso kotia bondimi na bino na mosala, kobelelaka Ye, kozala ya kolongobana ya bofuli na Ye alakaki, mpe kosalaka na bokambemi tozwi.
© 2020 by Intellectual Reserve, Inc. All rights reserved. Ebetami na USA. Bondimami na lokota ya Angele: 6/19. Bondimami ya bobongoli: 6/19. Bobongoli ya Monthly Liahona Message, January 2021. Lingala. 17463 000