Padahk en Sounpwong kan Ong Kakehlepen me Pwulopwul kan, Padahk, Pepuweri 2021

Ia mwomwen ahi pahn ese me I rong kepitien Kauno nan ahi mour?

Presiden Russell M. Nelson luke kitail en “medemedewe laud oh ahnsou koaros” duwen mwomwen atail kin rong Sises Krais oh en “nantiheng kalaudehla atail rongorong Ih oh ni ahnsou kan koaros” (“‘Ia Mwomwen Amwail kin #RongIh?‘ Luhk Kesempwal Ehu,” Pepuweri 26, 2020, blog.ChurchofJesusChrist.org).

Kitail kak rong Ih sang ni iren pwuhk sarawi kan oh mahsen en soukohp akan. Ahpw kaidehnte rongorong de wadawadek mahsen ko me wia kih. Sang ni Soukohp Joseph Smith, Kauno ketin kawehwe:

“Iei sang ni pein ngilei me I patohwan [mahsen pwukat] ong kumwail; me sang ni Palingeni ong kumwail … ;

“Kahrehda, kumwail kak kadehde me kumwail rongehr ngilei“ (Doctrine and Covenants 18:35–36).

Pil patehng, nantiheng en rong Ih sohte wia mehkot me kitail in keriwa pwehn mwadangete nek. Preseden Nelson mahsanih, “E anahne en kekehn wasa oh loaloapwoat” (“Rong Ih,” Epreil 2020 kapokon lap [Ensign de Liahona, Mei 2020, 89]).

Ni amwail onopiki, kapakapki, pwongih, papah, oh kapwaiada Sapwellimen Koht kosonned akan, E pahn ketin kapaikumwailkihda Sapwellime Ngehn oh, sang ni Tomwpen Sises Krais, e pahn kawik kumwailla. Eri kumwail ahpw pahn ese me kumwail rongehr kepitien Koht.

© 2021 sang Intellectual Reserve, Inc. Kolokol pwuhng koaros. Ntingda nan USA. Kamanaman ong ni lokaiahn Wai: 6/19. Kamanaman ong kawehwe: 6/19. Kawehwepen Padahk en Sounpwong kan Ong Kakehlepen me Pwulopwul, Pepuweri 2021. Lokaia. 17464 000