Abasi Okodoho Nnyin ete yak Ina Baptism

Jesus Christ ama ono uwutnkpo ke ndina baptism nto owo emi enyenede unen oto Abasi.

Sia nnyin minyeneke ediwak mbuk kabanga ata uwem Jesus Christ, nnyin imediongo ete ke ema enim Enye baptism kini Enye ekekperede ndisim isua Edip-ye-duop (se ke Luke 3:23). Se mi mme ubak nkpo emi nnyin ikpebde kabanga baptism otode ke uwutnkpo Esie.

Eke Ofuri Owo

Edieke nnyin ikponde ikem inyung idiongo-idem ikem nditing se idide ukpuhode ke ufot eti ye idiok, Ete ke Heaven oyom nnyinnina baptism (se ke Doctrine ye Covenants 18:42). Jesus ama ofon-ama, edi Enye osuk emek ndina baptism man etiene mbet Abasi (se ke Matthew 3:13–17; 2 Nephi 31:7). Kpa mbon emi ema ekekpa ekeme ndibo baptism. Nnyin inam oro ino mmo ke ndina baptism nno mmo ke temple. (Se ke Doctrine ye Covenants 128:15–18.)

Enam ke Unen

Jesus ikenaha baptism ito owo ekededi. Enye ama enengere ebine eyen eyeneka eka Esie John, emi ekenyeneke odudu itie-oku oto Abasi. Ke Jesus ama akakpa,ndien ediwot mme mbet Esie, odudu itie-oku ama osop ke isong. Ekem, ke isua 1829, John the Bpatist ama obiongore ono Joseph Smith onyung ono enye odudu ndinam baptism ke enying Abasi. Ke ntak edifiak-mmen-ndi oro, nnyin imekeme ndina baptism ke ukem odudu oro mfin emi.

Enwongo ke Usung-Iba

Baptism esine enwongo ke usung-iba, mme ediomi, ke ufot nnyin ye Abasi. Nnyin inwongo:

Ndida enying Christ ndori ke idem nnyin.
Nditi Enye kpukpru ini.
Ndinim mbet Esie.

Ekem, Abasi onwongo ete ke Spirit Esie eyedu kpukpru ini ye nnyin. Mme iko eke akam udia-Obong eti nnyin abanga ediomi emi ke ofuri udua. (Se ke Doctrine ye Covenants 20:77, 79.)

Edibo Edisana Spirit edi Ubak Akpan-nkpo kiet ke Baptism

Ke Jesus ama akana baptism okure, Edisana Spirit ama obiongore nte ibiom (se ke 2 Nephi 31:8). Mfin emi, ke mme owo ema ekena bpatism ekure, mmo ebo ndori-ubok. Emi oworo ke mmo ebo asanga-asanga edidiong emi ekotde mmo ete edibo spirit ediyet eno eke Edisana Spirit (se ke 2 Nephi 31:17). Edisana Spirit ekeme edisian nnyin mbanga afanikong, odong nnyin esit, ada nnyin usung ke ndinam nti ubiere, onyung anwam nnyin man idiongo ima Abasi (se ke Doctrine ye Covenants 39:6).

Nnyin Imekeme Ndikabare-esit Kpukpru Ini

Abasi ama odiongo ete ke nnyin iyenam ndudue. Kesioho ata nti ukeme nnyin, nnyin iyenam idioknkpo inyung iduo ikpong edidu uwem man ekekem ke mme enwongo baptism nnyin. Ntre Enye ono nnyin owo kiet-kiet ifet man ikabare esit. (Se ke Doctrine ye Covenants 18:13.) Kpukpru usen nnyin imekeme edinam ata ukeme nnyin man ikpe-ubok inyung inengere ndudue ekededi. Nnyin imekeme ndibong-akam nyung mbange Abasi nyom edifen-nno. Ekem, ini emi nnyin idiade udia-Obong ye nsuhore-esit, nnyin imekeme edinyene Edisana Spirit ye nnyin (se ke 3 Nephi 18:11).

nnwan nte obongde-akam ke nkang-bed esie

Nso Ke Nwed Abasi Eting abanga Baptism?

Mme ete ye eka enyene ndinwam ndito mmo ebenge-idem eno baptism (se ke Doctrine ye Covenants 68:25).

Mbon emi ekpride ekan isua Itiaita iyomke baptism (se ke Moroni 8).

Ini emi enimde nnyin baptism, nnyin inwongo “nditua ye mmo emi etuangade; … ndidong mmo emi efuhode esit, ye ndidi mme ntiense Abasi ke kpukpru ini ye ke kpukpru nkpo, ye ke kpukpru ebiet” (Mosiah 18:9).

© 2021 otode Intellectual Reserve, Inc. Ekpan kpukpru unen ndiming. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Etop eke Liahona ke ofuri Ofiong, February 2021. Efik 17464 553