God El Sapkihn Nuh Sesr in Pacptaislac

Jisus Kraist el fihliyac srihkasrak ke pacptaislac sin sie mwet ma asr kuh luhn God se.

Ke tena oasr sesr nohfohn ma kuht enenuh nuh ke moul lal Jisus Kraist, kuht etuh moul lal Jisus Kraist, kuht etuh lah El pacptaislac ke el yac 30 ah (liye Luke 3:23). Pa inge kuhtuh ma kuht lotwelah ke pacptais ke srihkasrak Lal.

Nuhsin Mwet Nuhkwewa

Fin kuht mahtuh ac kahlwem kac in fahkack wo liki koluk, Pahpah Tuhmasr Inkosrao el ke kuht in pacptailac (liye Doctrine and Covenants 18:42). Jisus el wo na pacye, tuhsruhk El sulaclah pacna in pacptaislac in ukwe masap luhn God (liye Matthew 3:13–17; 2 Nephi 31:7). Finne mwet ma misac tari uh kuh pac in pacptaislac. Kuht sang nuh selos ke pacptais lalos lun tempuhl. Liye Doctrine and Covenants 27:15–18

Oreklac ke Kuh

Jisus el tiacna pacptais iyuhklac sin oacna sie mwet. El som nuh yurin sucu se lal John, suc asr pristut se suc kuh se inge ma sin God me. Tukun Jisus el misac ah ac mwet tuhma lutlut Lal acnwucki ah, kuh luhn pristut se ingacn tuhlac liki facluh se inge. Na pa, ke 1829, John Pacptis el sikyang nuh sel Joseph Smith ac sang nuh sel kuh in pacptais ke inen God. Ke srihpen fohlohkyak se ingacn, kuht kuh in pacptaislac ke kuh se ngwacn pacna misenge.

Olwelah luo se

Asr olwelah luo se ke Pacptais uh, olwelah muhtahl inmasrlosr ac Pahpah luhng. Kuht olwelah:

Eis nuh facsr inen Jisus Kraist.
Esamuhl pacl nuh kwewa.
Na ahkos masap Lal.

In fohlohkihn, God el olwelah muh Nguhn lal e wi kuht pacl nuhkwewa. Kahs ke pruhe in kuhfa luhn Leum ahkacsmakihnye kuht ke olwelah se inge ke wik nuhkwewa. (Liye Doctrine and Covenants 20:77, 79.)

Eis Nguhn Muhtahl el ip yohk se ke Pacptais

Tukun Jisus el pactaislac ah, Nguhn Muhtahl el sikyang nuh sel el atacn won sohksohk soko (liye 2 Nephi 31:8). Misenge, tukun mwet uh pactaislah uh, elos ahkkweyeyuhklac. Kalmac pa elos eis mwe insewowo suc pa suliyuhk eltahl in eis ahknwacsnwacs ke mwe sang luhn Nguhn Muhtahl (liye 2 Nephi 31:17). Nguhn Muhtahl el kuh in sensenkackihn nuh sesr ke ma sensen, ahkkweye kuht, kol kuht in oruh sulaclah wo, ac kahsrwe kuht in puhla luhngse luhn God (liye Doctrine and Covenants 39:6).

Kuht kuh in Auliyak Pacl Nuhkwewa

God el etuh lah kuht e oraclah tahfonglac. Sahyacn orekma upac lasr, kuht e oruh ma koluk ac tiacna fahsr fal nuhke olwelah lasr kuht orwaclah ke kuht pacptaislac ah. Pwacnwacng El use nuh sesr kais sie pacl in auliyak. (Liye Doctrine and Covenants 19:23.) Lwen nuhkwewa kuht kuh in oruh kuhiyacsr in taltal ac orwaclah in wolac ma koluk lasr uh. Kuht kuh in pruhe ac siyuhk ke nuhnak muhnahs luhn God. Tohkoh, ke kuht eis kuhfa luhn Leum ke inse muhlahlah, kuht kuh in eis Nguhn Muhtahl in wi kuht. (liye 3 Nephi 18:11).

Meac ma suhmuhslah uh fahk ke Pacptais?

Pahpah ac Ninac uh enenuh in kahsruh tuhlihk nahtuhlos in ahkolah nuhke pacptais (liye Doctrine and Covenants 68:25).

Tuhlihk ma srihk liki yac alkosr uh tiacna enenuh in pacptais (liye Moroni 8).

Ke kuht pacptaislac uh, kuht olwelah in “ahsor wi mwet ma ahsor uh; … ahkkweye mwet ma enenuh ahkkweyeyuhk, ac in ekihn mwet loh luhn God ke pacl nuhkwewa ke ma nuhkwewa, ac ke acn nuhkwewa” (Mosiah 18:9).

© 2020 sin Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lweng nuh ke Monthly Liahona Message, February 2021. Kosraean. 17464 868