मासिक लियाहोना सन्देश, फेब्रुवरी २०२१

परमेश्वरले हामीलाई बप्तिस्मा लिन भन्नुभयो

येशू ख्रीष्टले परमेश्वरको अधिकार भएको कुनै व्यक्तिमार्फत बप्तिस्मा लिने एउटा उदाहरण कायम गर्नुभएको थियो।

हुन त हामीसँग येशू ख्रीष्टको व्यक्तिगत जीवनको बारेमा विस्तृत जानकारी छैन, तैपनि हामी उहाँले ३० वर्षको उमेरमा बप्तिस्मा लिनुभएको थियो भन्ने कुरा अवश्य जान्दछौँ (लुका ३:२३ हेर्नुहोस्) । उहाँको उदाहरणबाट हामीले बप्तिस्माका बारेमा सिक्ने केही कुराहरू यहाँ दिइएका छन् ।

हरेक व्यक्तिका लागि

यदि हामी पर्याप्त पाको छौं र सही र गलतका बीचमा फरक छुट्याउन पर्याप्त परिपक्व छौं भने, स्वर्गमा रहनुहुने पिताले हामीले बप्तिस्मा लिएको देख्न चाहनुहुन्छ (सिद्धान्त र करार १८:४२ हेर्नुहोस्) । येशू परिपूर्ण हुनुहुन्थ्यो, तैपनि उहाँले परमेश्वरको आज्ञा पालन गर्न बप्तिस्मा लिने छनौट गर्नुभयो (मात्ति ३:१३–१७; २ नफी ३१:७ हेर्नुहोस्) । पहिले नै मृत्यु भइसकेका मानिसहरूले पनि बप्तिस्मा स्वीकार गर्न मिल्छ । हामी मन्दिरहरूमा तिनीहरूका लागि बप्तिस्मा लिएर यो कुरा अर्पण गर्दछौँ । (सिद्धान्त र करार १२८:१५–१८ हेर्नुहोस् ।)

बप्तिस्मा

अधिकारद्वारा गरिएको

येशूलाई कुनै आम व्यक्तिद्वारा बप्तिस्मा दिइएको होइन । उहाँ विशेष रूपमा आफ्नो भतिजा युहन्नाकहाँ जानुभएको थियो जोसँग परमेश्वरको पादरित्वको अधिकार थियो । येशू र उहाँका चेलाहरूको मृत्यु पछि त्यो पादरित्वको अधिकार पृथ्वीबाट हरायो । त्यसपछि, १८२९ मा बप्तिस्मा दिने युहन्ना जोसेफ स्मिथका सामु देखापर्नुभयो र उहाँलाई परमेश्वरको नाममा बप्तिस्मा दिने अधिकार दिनुभयो । त्यस पुनर्स्थापनाकै कारण, आज पनि त्यही अधिकारमार्फत बप्तिस्मा लिन सक्छौँ ।

हारूनको पादरित्वको पुनर्स्थापना

दुईतर्फी प्रतिज्ञा

बप्तिस्मामा हामी र परमेश्वरबीचको दुईतर्फी प्रतिज्ञा वा करार समावेश छ । हामी प्रतिज्ञा गर्दछौँ :

1. आफैले ख्रीष्टको नाम लिने ।

2. सधैँ उहाँलाई सम्झिने ।

3. उहाँका आज्ञाहरूको पालना गर्ने ।

यसको बदलामा, परमेश्वरले आफ्नो आत्मा सधैँ हामीसँग रहने वचन दिनुहुन्छ । प्रभुभोजका प्रार्थनाका शब्दहरूले हामीलाई हरेक हप्ता यो करार स्मरण गराउँछन् । (सिद्धान्त र करार २०:७७, ७९ ।)

प्रभुभोज सभामा परिवार

पवित्र आत्मालाई ग्रहण गर्नु बप्तिस्माको महत्त्वपूर्ण अंश हो

येशूले बप्तिस्मा लिएपछि, पवित्र आत्मा ढुकुरको रूपमा देखा पर्यो (२ नफी ३१:८ हेर्नुहोस्) । आज मानिसहरूले बप्तिस्मा लिएपछि ती कुराहरू प्रमाणित हुन जान्छन् । अर्थात् उनीहरूले एउटा यस्तो विशेष आशीर्वाद पाउँछन् जसमा उनीहरूलाई पवित्र आत्माको आत्मिक सरसफाइ गर्ने उपहार लिन आमन्त्रित गरिन्छ (२ नफी ३१:१७ हेर्नुहोस्) । पवित्र आत्माले हामीलाई खतराको बारेमा सचेत गर्न, सान्त्वना दिन, राम्रो निर्णय लिनका लागि मार्गदर्शन गर्न र हामीलाई परमेश्वरको प्रेम महसुस गर्नमा सघाउन सक्छ (सिद्धान्त र करार ३९:६ हेर्नुहोस्) ।

महिलालाई प्रमाणित गरिँदै

हामी सधैँ प्रायश्चित्त गर्न सक्छौँ

परमेश्वरलाई हामीले गल्ती गर्दछौँ भन्ने कुरा थाहा छ । उत्तम प्रयासका बावजुद, हामी पाप गर्न पुग्छौँ र हाम्रो बप्तिस्माका संकल्पहरूको पालना गर्न गर्न छोड्नेछौँ । यस प्रकार उहाँले हामीमध्ये हरेकलाई प्रायश्चित्त गर्ने अवसर दिनुहुन्छ । (सिद्धान्त र करार १८:१३ हेर्नुहोस् ।) हरेक दिन हामी माफी माग्ने सक्दो प्रयास गर्न र कुनै पनि गल्ती सच्याउन सक्छौँ । हामी प्रार्थना गर्न र परमेश्वरसँग क्षमा याचना गर्न सक्छौँ । त्यसपछि हामीले नम्र हृदयले प्रभुभोज ग्रहण गर्दा हामीसँग पवित्र आत्मा हुन सक्छ (३ नफी १८:११ हेर्नुहोस्) ।

ओछ्यानमा प्रार्थना गर्दै महिला

बप्तिस्माका बारेमा धर्मशास्त्रहरूले के भन्छन् ?

अभिभावकहरूले आफ्ना बालबालिकाहरूलाई बप्तिस्माको तयारीमा सघाउनुपर्छ (सिद्धान्त र करार ६८:२५ हेर्नुहोस्) ।

आठ वर्षभन्दा कम उमेरकाले बप्तिस्मा लिनु आवश्यक छैन (मोरोनी ८ हेर्नुहोस्) ।

बप्तिस्मा लिँदा हामी “शोक गर्ने मानिसहरूसँग शोक मनाउने; … सान्त्वनाको खाँचो परेकाहरूलाई सान्त्वना दिने र सधैँ, सबै कुराहरूमा र सबै स्थानहरूमा परमेश्वरको साक्षीका रूपमा उभिने” (मोसीयाह १८:९) संकल्प लिन्छौँ ।

© 2021 by Intellectual Reserve, Inc. All rights reserved. संयुक्त राज्य अमेरिकामा मुद्रित अङ्ग्रेजी अनुमोदन: ६/१९। अनुवाद अनुमोदन: ६/१९। मासिक लीयाहोना सन्देश, फेब्रुवरी २०२१ को अनुवाद ।भाषा । 17464 000