“A Dios a Dillu er Kid el mo Metecholb,” Liahona, Ongeru el buil 2021
Bek el Buil LiahonaKlumech, Ongeru el buil 2021
A Dios a Dilu er Kid el mo Metecholb
A Jesus Kristo a ulechotii okesiu er a techolbechelid lokiu a chad loba ngerachel er a Dios.
Ng uaisei el diak desal mui el medengelii a klengar er a Jesus Kristo, eng di kede medengei el kmo Ngii a miltecholb er a lekeed lokedei a rekil (mesa Lukas 3:23). Aikakid a bebil er a tekoi el sebeched el suub el kirel a techolbechelid lokiu Okesiul.
Mo er a Rebek el Chad
Omko kede kmal mui el sebeched el mesa klekakerous er a ungil me a mekngit, e a Chedam er a Babeluades a soal kid a bo demetecholb (mesa Doctrine and Covenants 18:42). A Jesus a dimlak a kngtil, eng di Ngii a millilt el mo metecholb el mo oltirakl a llechul a Dios (mesa Mateus 3:13–17; 2 Nephi 31:7). Uldimukl er tirkel mla mad a dirrek el sebechir el kongei er a techolbechelid. Kede mesterir a techall sel denguu a techolbechelid el kirir er a chelsel a templo. (Mesa Doctrine and Covenants 128:15–18.)
Mengedmokl lokiu a Ngerachel
A Jesus a dimlak el metecholb er a ngii di el chad. Ng mlo er a cousin er ngii er a Johanes, el ngii a uleba ngerachel er a priesthood er a Dios. Uriul er a kodellel a Jesus me a kodellir a rultirakl er Ngii, e tiaikid el ngerachel er a priesthood a mlo dibus er a beluulechad. E sola, sera 1829, e a Johanes el techolb a mlo duum er a Joseph Smith e milsa ngerachel er a techolb el ngara ngklel a Dios. Ngokiu tiaikid loluut, e kid a sebeched el mo nguu a techolbechelid lokiu osisiu el ngerachel er a chelechal sils.
Eru el Medal a Yaksok
A techolbechelid a uldimukl er ngii a eru-el medal a yaksok, a lechub eng telbiil, er kid me a Dios. Kede yaksok:
-
El mo oungakl er a ngklel a Kristo.
-
Blechoel melbedebek er Ngii.
-
Mo oltirakl a Llechul.
E seikid, e a Dios a yaksok el kmo a Reng er Ngii a mo blechoel lobengked. A tekoi er sel nglunguuch er a sakrament a mekletkid er a ikal telbiil er a bek el sandei. (Mesa Doctrine and Covenants 20:77, 79.)
A Ngeiul Chedaol Reng a Klou a Ultutelel Telengetengil a Techolbechelid
Uriul er a techolbechelid er a Jesus, e a Chedaol Reng a dilum el uaia teletelel a suebek el charm (mesa 2 Nephi 31:8). Chelechal sils, e sel uriul er a lemetecholb er a rechad, e te moterekokl. Tia belkul a kmo te nguu a tokubets el klengeltengat el mo sebechir el mo nguu sel mengikiid el sengk er a Chedaol Reng (mesa 2 Nephi 31:17). A Chedaol Reng a sebechel mekletkid er a kengaol, chemolodid, e mekrolid el mo melilt er a ungil, e ngosukid el melchesuar a beltikereng er a Dios (mesa Doctrine and Covenants 39:6).
Ng Sebeched el Blechoel Louchel a Rengud
A Dios a mle medengei el kmo kede mo meruul a mekngit. Ng uaisei el desal melasm, eng di kede di ruebet er a klengit e mo diak dotirakl a telbiled er a techolbechelid. Me Ngii a msa dersta er kid a techall el mo ouchel a rengud. (Mesa Doctrine and Covenants 18:13.) Bek el sils eng sebeched el kmal mo meruul a ungil e sumechokl a mengit el mo ungil. Ng sebeched el meluluuch e olengit a klausubes er a Dios. Seikid, e sel dolai er a sacrament loba ngariou el reng, e a Chedaol Reng a sebechel mo obengked (mesa 3 Nephi 18:11).
Ngerang Dmu Chedaol llechukl kirel a Techolbechelid?
A roungalk a kirir el kudmekelterir a rengelekir el kirel a techolbechelid (mesa Doctrine and Covenants 68:25).
Tirkel ngariou er a eai a rekrir a diak lousbech er a techolbechelid (mesa Moroni 8).
Sel demetecholb, e kede yaksok el mo “ngara klengitelreng lobengterir a rengara klengitelreng; … e mengelim er a chelmongel, e dechor el sioning er a Dios er a rokui el taem me a rokui el tekoi, me a rokui el basio” (Mosiah 18:9).
© 2021 by Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Bek el Buil Liahona Message, Ongeru el buil 2021.Palauan.17464 881