Molimo o re boleletse hore re kolobetsoe

Jesu Kreste o re etselitse mohlala ka ho kolobetsoa ke motho ea nang le matla a Molimo.

Le ha re sena lintlha tse ngata ka bophelo ba Jesu Kreste, rea tseba hore o kolobelitose ha ana le lilemo tse ka bang 30.(bona Luka 3:23). Tsena ke lintho tseo re ka ithutang tsona ka kolobetso hotsoa mohlaleng oa Hae.

Bakeng sa bohle

Haeba re holile ho lekana ho tseba phapang ea botle le bobe, Ntate ea Maholimong o rata ha re kolobetsoa(bona Melao ea Thuto le Lilekane 18:42). Jesu o ne a phethahetse, empa o ile a khetha ho kolobetsoa e le ho latela melao ea Molimo.(bona Matheu 3:13–17; 2 Nephi 31:7). Le ba seng ba shoele ba ka amohela kolobetso. Re ba fa eona ka ho kolobetsoa bakeng sa bona tempeleng. (Bona Melao ea Thuto le Lilekane 76:50–70.)

E etsoa ka Matla

Jesu ha a kolobetsoa ke motho feela O ile a ea ho motsoala oa hae Johanne, ea neng a na le matla a boruti ho tsoa ho Molimo. Kamora ho shoa ha Jesu le Barutuoa ba hae ba boloaoe, matla a boruti a ile a ba sieo lefatśeng. Eaba, ka selemo sa 1829, Johanne Mokolobetsi o itlhahisa ho Joseph Smith ´me a mo fa matla a ho kolobetsa ka lebitso la Molimo. Ka lebaka la tsosoloso eo, re ka kolobetsoa ka matla a tśoanang le kajeno.

Tśepiso e habeli

Kolobetso e kenyeletsa tśepiso e habeli, kapa selekane, pakeng tsa rona le Molimo. Rea Tśepisa:

Re inkela lebitso la Kreste.
Ho Mo hopola Kamehla
Ho boloka litaelo tsa Hae.

Ka ho leleng, Molimo o tśepisa hore Moea oa hae otla lula le rona kamehla. Mantsoe a thapelo ea selallo a re hopotsa ka selekane beke e ngoe le e ngoe. (BonaMelao ea Thuto le Lilekane 76:50–70.)

Ho amohela Moea o Halalelang ke karolo ea bohlokoa ea kolobetso

Kamora hore Jesu a kolobetsoe, Moea o Halalelang o ile oa hlaha ka sebopeho sa leeba (bona 2 Nefi 31:8). Kajeno, kamora hore batho ba kolobetsoe, ba ea tiisoa. Hona ho bolela hore ba amohela hlohonolofatso e ikhethileng eo ba mengoang ho amohela mpho ea Moea o halalelang (bona2 Nefi 31:17). Moea o Halalelang o ka re lemosa ka kotsi, oa re tśelisa, oa re tataisa hore re etse liqeto tse nepahetseng, le ho utloa lerato la Molimo. (bona Melao ea Thuto Le Lilekane 39:6).

Re ka baka kamehla

Molimo o ile a tseba hore retla etsa liphoso. Ho sa natse boiteko ba rona, re etsa libe ´me re sitoe ho phela ho latela litśepiso tsa rona tsa kolobetso. Kahona O re fa monyetla oa ho baka. (Bona Melao ea Thuto le Lilekane 19:18) Letsatsi ka leng re ka etsa se matlang a rona ho kopa tśoarelo ra lokisa liphoso tsa rona. Re ka rapela ra kopa Molimo tśoarelo. Ha re ja selallo ka pelo e ikokobelitseng, re ka ba le Moea o Halalelang ho rona (bona 3 Nefi 18:11).

Mangolo a Halalelang a Reng ka Kolobetso?

Batsoali ba lokela ho thusa bana ba bona ho itokisetsa kolobetso (bonaMelao ea thuto tsa le Lilekane 68:25).

Ba ka tlaase ho lilemo tse robeli ha ba hloke ho kolobetsoa (bona Moroni 8).

Ha re kolobetsoa re tśepisa ho “lla le ba llang;°… ho tśelisa ba hlokang ho tśelisoa, le ho ema rele lipaki tsa Molimo ka nako tsohle linthong tsohle le libakeng tsohle.” (Mosiaia 18:9).