Porous ren Liaona Iteiten maram, March 2021

Jises Kraist A Tingorei Kich Sipwe Angei ewe Sakramen

Kich sia nimenimoch me chikar ach sia chechemeni ach Chon Amanau iteiten wiik.

Ewe Saingon Faf, seni Carl Heinrich Bloch

Me mwen An mano, Jises Kraist a saingoni mwongo ananewe a iteni ewe Saingon Faf. Nesopwonon ei mwongo, A esinei ngeni kewe chon tapweno mwirin usun ewe sakramen. A kini ewe pinewa me a efeiechu. “Oupwe fori ei pwe achechemeniei,” He said (Luke 22:19). Iwe A efeiechu me aea fengen ewe kapen wain.

Kinikinin fen Iteiten Wiik

Nupwen ewe Mwichefenin Jises Kraist a niwin safan won fonufan, ewe sakramen a winiti kinikinin fen iteiten wiik. Fansoun fan, kewe ra kamwoch ewe pristut ra efeiechu me passini ewe sakramen. Ra iotek me aea kapas seni ekkewe pukefel (nengeni Moronai 4; 5). Iwe emon me emon aramas non ewe mwich ra mwongo pinewa me uun konik ren achechemen Jises Kraist me An asorun fangeno fan itach, usun An tingor ngeni kich.

Sasing seni Angela Suitter

Amonota kopwe Angei

Ren ach sipwe monota me angei ewe sakramen, sipwe ennetin ekieki usun manawach me ach kewe finata. Sipwe aier ren ach foffor mi mwan me tipis non ewe wiik a no, pachonong ach tungorei Kot ren omwusomwus. Kich sisap unusoch ren ach sipwe tongeni angei ewe sakramen, nge netipach epwe tipetekison.

Iotek non Gethsemane, seni Del Parson

Nap seni Pinewa me Konik

Angei ewe sakramen mi mwonomwon, fansoun mi pin. Ekkewe iotekin sakramen ra achema ngeni kich pwe nupwen ach sia angei ewe pinewa me konik, sia chechemeni ewe inis me cha Jises Kraist a ngeni kich. Sia pwon pwe sipwe tapweno mwirin I me manaweni manawen Souneng. Sia pwon pwe sipwe achocho me aneasochisi an Kot kewe annuk. Niwinin, ewe Ngun mi Fel epwe aururu, emweni, me echikara kich.

For sefani Pwon mi pin

Nupwen kich kewe sia fen papatais sia angei ewe sakramen fiti nimenimochun netip, sia for sefani ach kewe pwon mi pin sia fori nupwen ach papatais. Ei a pachenong ach angei ewe Ngun mi Fel me sia nimenimoch seni tipis usun nge sia pwan papatais safan. Iei ewe epinukunuk me umoumouch Jises a ngeni emon me emon kich. Ese mwo ser nupwen om kopwe aier me komwusono.

Pwe Kopwe Chechemeniei fansoun meinisin, seni Gary L. Kapp, esapw tongeni kapini

Met Kewe Pukefel ra Apasa usun Sakramen?

Sipwe nengeniochu manawen ach souneng, ennetin nenongei netipach, me mwen sipwe angei ewe sakramen (nengeni 1 Corinth 11:28).

Mwirin A Manausefan, Jises a pwari ngeni Noun kewe aramas non Merika usun ar repwe angei ewe sakramen (nengeni 3 Nifai 18).

Ekkewe soufosun ikenai ra fen ureni kich pwe sipwe aea pinewa me konik ren ewe sakramen, nge ren met sia ani me unumi esap pwan nifinifin (nengeni Doctrine and Covenants 27:2). Fan ekkoch ren ekkewe mei wor mwongo mei ngaw ngenir repwe mwongo ekkoch pwan sokkun pinewa.

© 2021 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun Monthly Liahona Message, March 2021. Chuukese. 17464 901

Ewe Saingon Faf, seni Carl Heinrich Bloch; sasingin emon sarafo fefin a iotek seni Angela Suitter; Iotek non Gethsemane, seni Del Parson; Kopwe chechemeniei fansoun meinisin, seni Gary L. Kapp, ese tongeni kapini