Etop Liahona eke ofuri Ofiong, March 2021

Jesus Christ Ekedɔhɔ Nnyin idia Udia Ɔbɔŋ

Eyet nnyin isana, enyuŋ ekɔk nnyin udɔŋɔ nte nnyin itide ibaŋa Andinyaŋa nnyin ke urua ke urua.

Akpatre udia mbubreyo, oto Carl Heinrich Bloch

Jesus Christ, mbem iso Enye akpa, ama adia akpatre udia emi ekotde Akpatre Udia Mbubreyo. Ke utit udia oro, enye ama anam mmon oro etienede Enye efiɔk ebaŋa Udia Ɔbɔŋ. Enye ama obuŋ uyo onyuŋ ɔdiɔŋ enye. “Enam emi ke nditi mi,” Enye ama ɔdɔhɔ ke (Luke 22:19). Ndien Enye ama ɔdiɔŋ onyuŋ edeme cup wine.

Kiet ke otu ntuak ibuot eke urua kiet kiet

Ke ini ekefiakde eda Ufɔk Abasi eke Jesus Christ edi isɔŋ, Udia Ɔbɔŋ ama akabade edi kiet ke otu ntuakibuot eke urua kiet kiet. Edɔdiɔŋ Udia Ɔbɔŋ ke ini mbono Ufɔk Abasi, mme oku enyuŋ eda enɔ otu owo. Mmɔ eda mme ikɔ Ŋwed Abasi ebɔŋ akam (se Moroni 4; 5). Ndien owo kiet kiet ke mbono eta uyo, enyuŋ eŋwɔŋ mmɔŋ man eti Jesus Christ ye uwa emi Enye akawade ɔnɔ nnyin, kpa nte ɔdɔhɔde nnyin inam.

Ndise emi oto Angela Suitter

Ndibeŋidem ndibuana

Ke ndibeŋ idem ndidia Udia Ɔbɔŋ, nnyin inyene nditim ŋkere mbaŋa uwem nnyin ye mme mbumek nnyin. Ana nte nnyin ikabade esit ibaŋa mme ndudue ye ndiɔi ŋkpɔ eke urua emi ebede, ɔkɔrɔ ye ndibeŋe Abasi efen ɔnɔ nnyin. Nnyin inyeneke ndifɔn mma man ikeme ndidia Udia Ɔbɔŋ, edi esit nnyin enyene ndidu ke nsuhɔdeidem.

Akam ke Gethsemane, oto Del Parson

Akan Uyo ye Mmɔŋ

Ndidia Udia Ɔbɔŋ edi ini ukpono ye edisana. Akam Udia Ɔbɔŋ eti nnyin ete, nte nnyin itade uyo inyuŋ iŋwɔŋde mmɔŋ oro, nnyin iti ikpɔkidem ye iyip emi Jesus Christ ekenɔde abaŋa nnyin. Nnyin iwɔwɔŋɔ nditiene Enye nnyuŋ ndu uwem andinim ke akpanikɔ. Nnyin iwɔwɔŋɔ ndidomo ndinim ibet Abasi. Edisana Spirit eyenɔ nnyin ndɔŋesit, ndausuŋ ye edikɔk ke usiene.

Ndifiak nnam ediomi edi obufa

Ke ini ndusuk nnyin emi ema ekena uduok-mmong idiade Udia Ɔbɔŋ ye edisana esit, nnyin inam ediomi oro nnyin ikanamde ini ikanade edi obufa. Emi ɔkɔrɔ ye ndibɔ Edisana Spirit ye ndinam nnyin isana ibɔhɔ idiɔkŋkpɔ nte ŋkpɔ emi edɔhɔde ke nnyin ifafiak ina uduok-mmong. Emi edi idorienyin ye mbɔm emi Jesus ɔnɔde nnyin kiet kiet. Ini ibeghe ndikabade esit nnyuŋ mbɔ mfennnɔ.

Man Mbufo Esuk Eti Mi Kpukpru Ini, oto Gary L. Kapp, ekeme nditre nditiene ŋwed

Nso Ke Ŋwed Abasi Etiŋ abaŋa Udia Ɔbɔŋ?

Akpana nnyin iduŋɔde idem nnyin ke ŋkpɔ spirit, ke ndida esit akpanikɔ nse esitidem nnyin, mbemiso ibɔ Udia Ɔbɔŋ (Se 1 Corinthians 11:28).

Ke ini Enye ama ekeset ke mkpa, Jesus ama owut ikɔt Esie ke America nte ekemede ndibɔ Udia Ɔbɔŋ (se 3 Nephi 18).

Mme prophet eyo emi edɔhɔ nnyin ete ida uyo ye mmɔŋ inam Udia Ɔbɔŋ, edi se nnyin itade me iŋwɔŋde ikam idighe mfina (se Doctrine and Covenants 27:2). Ndusuk ini, mbon oro enyenede mfina ke idem, enyene ndida uyo efen, oruk nte ŋkpɔ.

© 2021 otode Intellectual Reserve, Inc. All rights reserved. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Etop eke Monthly Liahona Message, March 2021. Efik. 17464 553

The Last Supper, by Carl Heinrich Bloch; photograph of young woman praying by Angela Suitter; Prayer at Gethsemane, by Del Parson; That Ye Do Always Remember Me, by Gary L. Kapp, may not be copied