“Jesus Christ Ase Hɛn dɛ Yɛmfa Sacrament no” Liahona, Ebɔw 2021
Bosoom bosoom Liahona Amandzɛɛbɔ, Ebɔw 2021
Jesus Christ Ase Hɛn dɛ Yɛmfa Sacrament no
Hɛnho tsew na yenya hɛn ayaresã ber a yɛkaa hɛn agyenkwa dapɛn biara.
The Last Supper (Ewuradze Edzidzi a Odzi Ewiei), Carl Heinrich Bloch yɛɛ nsaano mfonyin no
Ansaana Orubowu no, Jesus Christ dzii edziban a odzi ewiei a wɔfrɛ no Ewuradze Edzidzi a Odzi Ewiei. Wodzii edziban yi wie no, Ɔdaa sacrament no edzi kyerɛɛ N’esuafo no. Obuu paanoo na Ohyiraa do. Ɔsee dɛ, “Hom nyɛ iyi mfa nyɛ me nkaa,” (Luke 22:19). Na Ohyirae na Ɔkyɛɛ nsã kuraba no.
Ɔkã Dapɛn Dapɛn Asɔr Som ho
Ber a wɔdze Jesus Christ N’Asɔr saan ananmu baa asaase do no, sacrament bɛkaã dapɛn dapɛn asɔr som no ho. Ber a asɔr rokɔ do no, hɔn a wɔyɛ asɔfo no hyira sacrament no do na wɔdze kɔ aporɔw. Kyerɛwsɛm no mu nsɛm na wɔdze bɔ mpaa (hwɛ Moroni 4; 5). Nkyii nyimpa kor biara a ɔwɔ mboanofo no mu no dzi paanoo na ɔnom nsu no dze kaa Jesus Christ na N’afɔrbɔ ma hɛn, wɔ kwan a Ɔsee hɛn dɛ yɛnyɛ no.
Angela Suitter na otwaa mfonyi no
Ahoboa a wɔdze Bedzi bi
Dɛ yɛbɛyɛ krado dɛ yebedzi sacrament no, ɔwɔ dɛ yɛdwen hɛn abrabɔ ho wɔ nokwar mu na hɛn egyinasi horow mu. Ɔwɔ dɛ yenu hɛn ho fi hɛn mfomdo na bɔn ho wɔ dapɛn a oetwa mu, a yeribisa Nyankopɔn bɔnfakyɛ kã ho. Yennhia dɛ yebedzi mu ana yeedzi sacrament no, naaso ɔwɔ dɛ yɛbrɛ hɛn akoma adze.
Prayer at Gethsemane (Mpaabɔ wɔ Gethsemane), Del Parson yɛɛ nsaano mfonyin no
Ɔkyɛn Paanoo na Nsu
Yeridzi sacrament no yɛ adze krɔnkrɔn, na mber krɔnkrɔn. Sacrament mpaabɔ kaakaa hɛn dɛ ber a yɛfa paanoo na nsu no, nna yɛrekaa honam na bɔgya a Jesus Christ dze maa hɛn no. Yɛbɔ anohoba dɛ yebedzi n’ekyir na yɛabɔ Christianyi n’abrabɔ. Yɛbɔ anohoba dɛ yebedzi Nyankopɔn ne mbrasɛm no do. No nsunsuando no, Sunsum Krɔnkrɔn no bɛkyekye hɛn werɛ, ama hɛn kwankyerɛ na ɔasã hɛn yar.
Yɛrekenyan hɛn Ahyɛmudzi horow.
Ber a hɛn a woenuma hɛn dze akoma a no mu kann dzi sacrament no, yekenyan hɛn ahyɛmudzi a yɛyɛɛ no enuma ber no. Yerinya Sunsum Krɔnkrɔn na wɔretsew hɛnho efi bɔn ho tse dɛ mbrɛ woenuma hɛn fofor no, kã ho. Iyi nye enyidado na ehumbɔbɔr a Jesus dze ma hɛn mu kor biara. Ɔnnka ekyir dabiarada dɛ ibonu woho na wɔdze wo bɔn bɛkyɛ wo.
Iyi na Hom Nyɛ Mfa Nkaa Me, ( Gary L. Kapp yɛɛ nsaano mfonyin no, mma wɔnnyɛ ne saso
Ebɛn Asɛm na Kyerɛwsɛm no Kã fa Sacrament no ho?
Ɔwɔ dɛ yɛhwehwɛ hɛn mu yie wɔ sunsum afa mu, yɛhwehwɛ hɛn mu yie nokwar mu, ansaana yeedzi sacrament no (hwɛ 1 Corinthians 11:28).
Ɔsoɛree n’ekyir no, Jesus kyerɛɛ No nkorɔfo a wɔwɔ Amerika mantɔw no mbrɛ wosi fa sacrament no (hwɛ 3 Nephi 18).
Ndɛ nda yi nkɔnhyɛfo no akã akyerɛ hɛn dɛ yɛmfa paanoo na nsu nyɛ sacrament no, naaso dza yedzi anaa yɛnom no, nnhia (hwɛ Nkyerɛkyerɛ na Ahyɛmudzi 27:2). Odur mber bi a hɔn a paanoo nngye hɔn no dzi biribi a ɔtse dɛ paanoo.
© 2021 odzi wɔ Intellectual Reserve, Inc. All rights reserved. Wotsintsimii wɔ USA. Ngyiresi Borɔfo Kasa ngye ntomu: 6/19. Nkyerɛase ngye ntomu: 6/19. Monthly Liahona Message, March 2021. ne nkyerɛasee Fante. 17464 502
The Last Supper, (Ewuradze Edzidzi a Odzi Ewiei), Carl Heinrich Bloch yɛɛ nsaano mfonyin no; Angela Suitter na otwaa akataasia bi a ɔrobɔ mpaa; Prayer at Gethsemane (Mpaabɔ wɔ Gethsemane), Del Parson yɛɛ nsaano mfonyin no; Iyi na Hom Nyɛ Mfa Nkaa Me, Gary L. Kapp yɛɛ nsaano mfonyin no, onnyi dɛ wɔyɛ ne saso.