Bek el Buil LiahonaKlumech, Ongedei el buil 2021

Jesus Kristo a Olengit er Kid el mo Melai er a Chedaol Belsoil

Ke de mo mukbeches e nguu omekungil sel dolbedebek er a Osobeled er a bek el sandei.

Sel Ulebongel Belsoil, mla er a Carl Heinrich Bloch

Uchei er a lemad, ea Jesus Kristo a kilii sel mlo ulebongel el belsilel el domekedong er ngii el Ulebongel el Belsoi. Bochal merek er a belsilel, eng mlo ochotii a chedaol belsoil el mora re Oltirakl er Ngii. Ng milchedii a blauang e chemedolii. “Tia omorull er ngii el melatk er ngak” Ng millekoi (Lukas 22:19). Ng mle chemedolii e rusii a kob er a bino.

Tebedechel a Odanges sel Bek el Sandei

Sera le moluut a Ikelesia er a Jesus Kristo el mera beluulechad, ea chedaol belsoil a mlo tebedechel a odanges sel bek el sandei. Sel temel a ikelesia, e a chedaol belsoil a mechedaol e merous lokiu tirkel tir a oba priesthood. Te meluluuch lolab a tekoi el ngara chedaol llechukl (mesa Moroni 4; 5). E a re bek el chad el ngara ikelesia a kolii a blauang e melim a ralm me bo lolbedebek er a Jesus Kristo me a tengetengel merkid, el sel ngii a bla lolengit er kid el kirel.

Siasing a mlara Angela Suitter

Mengedmokl el mo Melai

A mo kldmokl el mo melai er a chedaol belsoil, eng kired el merang el omdasou el kirel a klengar er kid me a dolilt el tekoi. Ng kired el mo ouchel kirel a ikel cheleuid me a klengit er tial merko el sandei, e dirrek lolengit a klausubes er a Dios. Ng diak a belkul el bo de cherrungel e mochu melai er a chedaol belsoil, ng di kired el ngmai a rengud el meriou.

Nglunguuch el ngara Gethsemane, by Del Parson

Ng Diak el dil Blauang me a Ralm

A ngeiul a chedaol belsoil a cheledaol, e chedaol taem. A nglunguuch er a chedaol belsoil a omeklatk er kid sel dolai er a blauang me a ralm, e kede mo melbedebek er a bedengel me a rsechel a Jesus Kristo el chiloit el kired. Kede tibir el mo oltirakl er Ngii e kiei el Kristiano. Ke de tibir el mo oltirkal a llechul a Dios. E sei de dorull a ikang, ea Chedaol Reng a mo mengelaod, mengetikaik, e omekungil er kid.

Omekbeches a Telbiil

Tirkel ngarngii er kid el mla mebecholb e melai er a chedaol belsoil loba klikiid el reng, a omekbeches er sel telbill el de silisebe er ngii er sera de metecholb. Tia uldimukl er ngii a nguu aChedaol Reng e mo klikiid er a kngtid el diua deluut el metecholb. Tiaikid sel oureng me a klechubechub el Jesus omsang a derta er kid. Ng diak el dikeal sebechel el bo douchel e de nguu a klausubes.

That Ye Do Always Remember Me, by Gary L. Kapp, diak molai ra llecheklel

A Chedaol Llechukl Ngerang Melekoi el kirel a Chedaol Belsoil?

Ng kired el moungil mesa chedaol teleteled, el mera lungil mesa chelsel a rengud, ruchei er a bodolai er a chedaol belsoil (mesa 1 Korinth11:28).

Uriul er a le Bekiis er a Kodall, a Jesus a ulechotii el mora rechedal el ngara Merikel a lolai er a chedaol belsoil (mesa 3 Nephi 18).

A re profet er chelechal taem a mla kmu er kid me dousbech a blauang me a ralm el mora chedaol belsoil, engdi a ikel dongang me a dolim a diak el sal klou a ultutelel(mesa Doctrine and Covenants 27:2) A le bebil er a taem e tirkel atar a kirir el ousbech a tara bedengel a diua blauang.

© 2020 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Monthly Liahona Message, March 2021.Palauan.17464 881

The Last Supper, by Carl Heinrich Bloch; siasing er a ngesek el dil el meluluuch el mlara Angela Suitter; Prayer at Gethsemane, by Del Parson; That Ye Do Always Remember Me, by Gary L. Kapp, dika molai er a llecheklel