“Jesu Christ O Re Laetse ho Nka Selallo,” Liahona, Tlhakubele 2021
Molaetsa oa khoeli Liahona Tlhakubele 2021
Jesu Kreste O Re laetse ho Nka Selallo
Rea hloekisoa,`me rea folisoa ha re hopola mopholosi oa rona beke le beke.
Lijo tsa Mantsiboea tsa Hoqetela, ka Carl Heinrich Bloch
Pele a e shoa Jesu Kreste u ile a ja lijo tsa hoqetela tse bitsoang Lijo tsa Mantsiboea tsa Hoqetela. Qetellong ea lijo tsena, O ile a hlahisa selallo ho ba lateli bahae. A ngoatha bohobe `me a bo hlohonolofatsa. A re “Sena le se etse ka ho nkhopola” (Luka 22:19). A hlohonolofatsa `me a arola senoelo sa veini.
Karolo ea khumamelo ea beke
Ha kereke ea Jesu Kreste e ne e khutlisetsoa lefatśeng, selallo e bile karolo ea khumamelo ea beke le beke Ka nako ea kereke, selallo sea hlohonolofatsoa `me se abeloe ke ba filoeng boruti. Ba rapela ba sebelisa mantsoe a tsoang mangolong (bona Moroni 4; 5) ´Me emong le emong oa ba phuthehileng o ja bohobe a noe metsi ho hopola Jesu Kreste le sehlabelo sa hae ho rona ka tsela eo a re laetseng ho etsa ka eona.
Setśoantśo ka Angela Suitter
Ho itukisetsa ho ja
Ho itukisetsa ho ja selallo, re lokela ho hopola ka botśepehi bohle metsamao le liqeto tsa rona. Re lokela ho bakela liphoso le libe tsa rona tsa beke e fitileng, hokenyelletsa le hokopa tśoarelo ho Molimo. Ha rea lokela ho hloeka hore re je selallo, empa lipelo tsa rona li lokela hoikokobetsa.
Thapelo Khethesemane, ka Del Parson
Se Fetang Bohobe le Metsi
Honka selallo ho ea halalela, ke nako e halalelang. Thapelo ea selallo e re hopotsa hore ha re nka bohobe le metsi, re hopola `mele le mali a Jesu Kreste a ileng a re fa ona. Re tśepisa ho Mo latela, le ho phela bophelo ba Bokreste Re tśepisa ho leka ho boloka melao ea Molimo. E le puseletso, Moea o Halalelang o tla re tśelisa, o re tataise `me o re phekole.
Ho nchafatsa likano
Ha rona ba kolobelitsoeng re nka selallo ka lipelo tse hloekileng, re nchafatsa kano eo re e entseng ha re kolobetsoa. Sena se kenyelletsa kamohelo ea Moea o Halalelang `me re hloekisoa sebeng ha re kolobetsoa hape. Hona ke tśepo le mosa tseo Jesu a re nyehelang emong le emong oa rona. Entse e le nako ea ho baka le ho tśoareloa.
E le Hore Kamehla le Nkhopole, ka Gary L. Kapp, e keke ea kopitsoa
Mangolo a Reng Ka Selallo?
Re lokela ho ithlathloba moeeng, ka botśepehi re ichebe ka hare, pele re nka selallo (bona 1 Ba-Korinthe 11:28).
Ka mora ho tsoha bafung, Jesu Krest a bontśa batho ba Amerika ho nka selello (bona 3 Nephi 18).
Baporofeta ba moraorao ba re bolelletse ho sebelisa bohobe le metsi bakeng sa selallo, empa seo re se jang kapa re se noang ha se bohlokoa ha kalo (bona Melao ea Thuto le Lilekane 27:2). Ka nako engoe ba nang le bokulo ba ka nka ntho e kang bohobe.
© 2020 by Intellectual Reserve, Inc. All rights reserved. Printed in USA. Tumello ea Sekhooa: 6/19. Tumello ea phetolelo: 6/19. Phetolelo ea Monthly Liahona Message, March 2021. Sesotho. 17463 739
Lijo tsa Mantsiboea tsa Hoqetela, ka Carl Heinrich Bloch; Setśoantśo sa moroetsana ea rapelang ka Angela Suitter; Thapelo Khethesemane, ka Del Parson; E le Hore Kamehla le tle le Nkhopole, ka Gary L. Kapp, e keke ea kopitsoa