“UJesu Kristu Wasicela ukuba Sithathe Isidlo Esingcwele,” ILiyahona, ngoMashi 2021
Umyalezo waNyanga zonke we Liyahona ngoMashi 2021
UJesu Kristu Wasicela ukuba Sithathe Isidlo Esingcwele
Siyahlanzeka futhi siyelapheka ngesikhathi sikhumbula uMsindisi masonto onke.
Isidlo Sakusihlwa Sokugcina, nguCarl Heinrich Bloch
Ngaphambi kokufa Kwakhe, uJesu Kristu wadla isidlo sokugcina esibizwa ngokuthi Isidlo Sakusihlwa Sokugcina. Ekupheleni kwalesi sidlo, wazisa abalandeli Bakhe ngesidlo esingcwele. Wahlephula isinkwa futhi wasibusisa. Wathi, “yenzani lokhu ukuba ningikhumbule.” (ngokukaLuka 22:19). Wase ebusisa futhi ebanika inkomishi yewayini.
Ingxenye Yenkonzo Yamasonto Onke
Ngesikhathi iBandla likaJesu Kristu libuyiselwa emhlabeni, isidlo esingcwele saba yingxenye yenkonzo yamasonto onke. Ngesikhathi senkonzo, isidlo esingcwele siyabusiswa futhi siyadluliswa yilabo abanobuphristi. Bakhuleka ngokusebenzisa amagama atholokala embhalweni ongcwele (bheka ku Moroni 4; 5). Bese umuntu ngamunye ebandleni udla isinkwa futhi aphuze namanzi enzela ukukhumbula uJesu Kristu kanye nomnikelo wakhe awenzela thina, ngendlela asicela ngayo ukuba sikwenze.
Isithombe ngu-Angela Suitter
Ukulungisela Ukudla
Ukulungela ukuthatha isidlo esingcwele, kumele sicabange ngezimpilo zethu nezinqumo zethu ngokweqiniso. Kumele siphenduke emaphutheni nasezonweni zesonto elidlule, futhi sicele intethelelo kuNkulunkulu. Asidingi ukuba silunge ngokuphelele ukuze sithathe isidlo esingcwele, kepha izinhliziyo zethu kumele zizothe.
Prayer at Gethsemane (Umkhuleko eGetsemane), nguDel Parson
Kukhulu Kunesinkwa Namanzi
Ukuthathwa kwesidlo kuyisikhathi esingcwele. Imikhuleko yesidlo esingcwele iyasikhumbuza ukuthi ngesikhathi sithatha isinkwa namanzi, sikhumbula umzimba negazi uJesu Kristu asinikelela ngakho. Siyethembisa ukumlandela nokuphila impilo yomKristu. Siyethembisa ukuzama ukugcina imiyalelo kaNkulunkulu. Okuzobuyela kithi wukuthi, uMoya oNgcwele uzosiduduza, usihole futhi usilaphe.
Ukuvuselela Izivumelwano
Ngesikhathi labo bethu ababhabhadisiwe bethatha isidlo esingcwele ngenhliziyo emsulwa, sivuselela isivumelwano esasenza sibhabhadiswa. Lokhu kubala ukwamukela uMoya oNgcwele nokuhlanzeka ezonweni kube sengathi siyabhabhadiswa futhi. Yileli ithemba nomusa uJesu Kristu asinikeza kona umuntu ngamunye. Akusoze kuphele isikhathi sokuphenduka nokuthethelelwa.
Ningikhumbula Njalo, nguGary L. Kapp, ukukopisha akuvumelekile
Ngabe Imibhalo Engcwele Ithini ngesiDlo esiNgcwele na?
Kumele sizibuke thina ngokomoya, sibuke ngaphakathi ngokweqiniso, ngaphambi kokuthatha isidlo esingcwele (bheka ku 1 AbaseKorinte 11:28).
Emuva kokuba Avuke Kwabafileyo, uJesu wakhombisa abantu Bakhe eMelika indlela yokuthatha isidlo (bheka ku 3 Nefi 18).
Abaprofethi bamanje basitshele ukuthi sisebenzise isinkwa namanzi kwisidlo esingcwele, kepha esikudlayo noma esikuphuzayo akubalulekile kangako (bheka IMfundiso neziVumelwano 27:2). Ngesinye isikhathi labo abangazwani nesinkwa bengasebenzisa okunye okucishe kufane nesinkwa.
© 2021 ngabakwa Intellectual Reserve, Inc. All rights reserved. Ishicilelwe eMelika. Usuku okuvunywe ngalo ukuba lezi zifundo zikhishwe ngesiNgisi: 6/19. Usuku okuvunywe ngalo ukuba lezi zifundo zihunyushwe: 6/19. Ukuhunyushwa kwe Monthly Liahona Message, March 2021. Zulu. 17464 783
The Last Supper (Isidlo Sakusihlwa Sokugcina), nguCarl Heinrich Bloch; isithombe sentombazane ikhuleka senziwe ngu-Angela Suitter; Prayer at Gethsemane (Umkhuleko eGetsemane), nguDel Parson; Ningikhumbula Njalo, nguGary L. Kapp, ukukopisha akuvumelekile