“Jesus Christ Akanyanga Nnyin osio ke Idioknkpo ye Mkpa,” Liahona, Ofiong April 2021
Etop Liahona eke ofuri Ofiong, April 2021
Jesus Christ Akanyanga Nnyin osio ke Idioknkpo ye Mkpa
Otode ke nwaidem Esie, kpukpru nnyin imenyene ufang ndibo nsinsi emem ye idaraesit.
Christ Obotde Isong, otode Robert T. Barrett
Nnyin ibat Jesus Christ nte Andinyanga nnyin. Oro edi koro Enye ekekpe ekom-urua ono idioknkpo nnyin onyung akan odudu mkpa. Enye akanyanga nnyin! Enye awa-idem ono nnyin, emi ekotde Eriso-isop, edide ata akpan utibe-nkpo emi akananam mitibeke-akpa. Otode ke Enye, mkpa idige akpatre-nkpo. Otode ke Enye nnyin imekeme ndibo erifen ke idioknkpo nnyin, ifiakikabare isana, inyung ikori ifon ke-usen ke-usen.
Jesus Christ Ekedi Akpa Eyen
Mbemiso ekedi ke isong, Jesus Christ okodung ye mme ete yeka heaven nnyin. Nte Akpa Eyen, Jesus Christ ama anwam ndibot ediye ererimbot emi. Ema emek Enye ndi-di Andinyanga nnyin ndien enyime ndidi-mana ke isong man Enye owut edisana uwutnkpo, ekpeb iko Abasi Esie, onyung okure edinam Erisio-isop Esie ono nnyin.
O Ete Mi, otode Simon Dewey
Jesus Christ Ekekpe-isop ono Idioknkpo Nnyin
Ini emi Jesus Christ ofiokde ete ke Enye eyesop akpa, Enye aka ke inwang kiet ekotde Gethsemane ndibong-akam. Kini akam oro, Enye ama otongo ndikpe-isop nno idioknkpo nnyin. Enye ekenyime ndibo ufen man nnyin iku-bo—edieke nnyin ikabakere esit. Nte nnyin ifiade edm ikpong idioknkpo nnyin inyung itiene Andinyanga nde, nnyin iyebo erifen ye ukok. Otode ke se Enye ɔkɔ-yɔ ke Gethesmane, Jesus enehede ofiok se oworode nnyin ndidi nte owo kiet-kiet. Enye ɔkɔbɔ ofuri ukut, udongo ye ubiak nnyin. Emi edi ubak akpa ke Eriso-isop.
Edibuuk Christ, otode Carl Heinrich Bloch
Jesus Christ Ama-akan Mkpa
Ke obongde-akam Esie okure ke Gethsemane, ema etabi, emum, enyung ebiere mkpa Jesus ke edikong ke cross. Okposuk-edi nte Enye ekenyenede ofuri odudu, Jesus akayak Idemesie ndikpa ke cross. Mme mbet Esie ema eda ikpokidem Esie ekenim ke udi. Mmoikofiokke ete okposuk nte ikpokidem Esie ama akakpa, ke spirit Esie ke odo-du uwem ke obio ekpo. Ke usen ita efen, Jesus afiak eset ye uwem onyung esikise mmo, owutde ete ke Enye ekeme ndikan mkpa. Emi akanam Erisio-isop okure. Otode ke eriset Esie, nnyin kiet-kiet iyefiak idu uwem ke nnyin ikpade.
Enye Odu-uwem, otode Simon Dewey
Se Ukabade-isua ye Easter Oworode
Ediwak mbon ererimbot esidara ini nduok-odudu iba emi anwamde nnyin nditi Erisio-isop Jesus Christ. Kini Ukabade-isua, nnyin iti ye ekom ete ke Jesus ama aduak ndinyime utom ndi-di ke isong, okposuk utom oro esinede ufen ye ndikpa nno nnyin. Ini Easter adara Andiynaga ke ndikan idioknkpo ye mkpa, emi onode nnyin idorenyin eke nsinsi idaresit ini-iso.
Christ okotde Peter ye Andrew, otode James Taylor Harwood
Nso Ke Ŋwed Abasi Etiŋ abaŋa Erisio-isop eke Andinyaŋa?
Koro Jesus enehede odioŋo nnyin, Enye ekeme “ndiyɔ,” mme ndinyaŋa, nnyin (se Alma 7:11–12).
Andinyanaga ofiok ukut ye mfuho nnyin (se Isaiah 53:2–5)
Abasi okono Jesus man anyanga nnyin koro Abasi amama nyinn owo kiet-kiet (se John 3:16–17).
Jesus okobong-akam ono mbet Esie, nnyin ke esit-oro, man iboho idiok ndien idi kiet ye Enye ye Ete Heaven (se John 17).
Andinyanga nnyin okot nnyin ete itiene Enye inyung ifiak ika iso Esie (se Doctrine ye Covenants 19:16–19, 23–24; 132:23).
© 2021 otode Intellectual Reserve, Inc. All rights reserved. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Etop Liahona eke Ofuri Ofiong, April ke isua 2021. Efik 17467 553