“Yezu Kilisto Wakatusungila ku Bubi ne ku Lufu,” Liahona, Ngondo Muinayi 2021
Mukenji wa ku Ngondo wa Liahona Ngondo Muinayi 2021
Yezu Kilisto Wakatusungila ku Bubi ne ku Lufu
Kupitshila ku mulambu Wenda, tudi bonsu ne dikasa dimpa dia kupeta ditalala ne disanka dia tshiendelela.
Tudi tutangila Yezu Kilisto bu Musungidi wetu. Bualu Yeya wakafuta mushinga wa mibi yetu ne kutshimunaye bukola bua lufu. Wakatusungila! Mulambu wenda buetu, ubikidibua se Bupikudi, mbualu bua mushinga mupita butu kabuyi buanji kufika. Kupitshila ku Yeya, lufu kalutshiena ndekelu to. Kupitshila ku Yeya, tudi mua kubuikidibua ku mibi yetu, tulua bakezuka kabidi ne tukola dituku dionsu.
Yezu Kilisto Uvua Muana Buta
Kumpala kua kulua pa buloba, tuvua basomba ne baledi betu ba ku diûlu. Bu Muana Buta, Yezu Kilisto wakambuluisha bua kufuka buloba bulenga ebu. Uvua musungudibua bua kuikala Musungidi wetu ne wakitaba bua kuledibua pa buloba bua aleja tshilejilu tshiakana, alongesha lumu luimpe, ne akumbaja Bupikudi buetu.
O Tatu Wanyi, kudi Simon Dewey
Yezu Kilisto Wakafuta bua Mibi Yetu
Pakamanya Yezu bua se ukavua bapuipi ne kufua, Wakaya mu budimi budi dina ne Getsemane bua kusambilaye. Munkatshi mua disambila adi, Wakabangisha kufuta mushinga wa mibi yetu. Wakasua kukenga bua tuetu katukengi to—bituikala tukudimuna mutshima. Patudi tunyema mibi yetu ne tulonda Musungidi, tudi mua kupeta dibuikidila dia mibi ne londapu. Kupitshila ku tshivua tshimufikila mu Getsemane, Yezu udi umvua menamena mudi umua yonsu wa kutudi umvua. Yeya wakumvua mabungama, masama ne busami bietu bionsu. Etshi tshidi tshitupa tshia kumpala tshia Bupikudi.
Dijikibua dia Kilisto, kudi Carl Heinrich Bloch
Yezu Kilisto Wakatshimuna Lufu
Panyima pa kusambila kuenda mu Getsemane, Yezu bakamupangila, kukuatshibua, ne bakamukosela tshibawu tshia lufu ku ditshiamakajibua. Nansha muvuaye wa bukola bonsu, Yezu wakadianyishila bua kufua pa nkulusa. Bayidi benda bakateka mubidi Wenda ne moyo wa dinanga mu lukita. Bobu kabakajandula bua se nansha muvua mubidi wenda mufua, nyuma wenda uvua ne moyo mu muaba wa nyuma. Panyima pa matuku asatu, Yezu wakalua ne moyo kabidi ne wakabakumbula, bua kubaleja bua se Yeya udi mua kutshimuna lufu. Tshiotshi etshi tshiakakumbaja Bupikudi. Bumuvua Yezu mubika ku lufu, yonsu wa kutudi neikala ne moyo panyima pa lufu.
Udi ne Moyo, by Simon Dewey
Tshidi Tshikondo tshia Diledibua dia Kilisto ne Pasaka Biumvuija
Babungi pa buloba batu basekelela matuku abidi a dikisha adi atuambuluisha bua kuvuluka Bupikudi bua Yezu Kilisto. Mu Tshikondo tshia Diledibua dia Kilisto, tudi tuvuluka ne disanka se Yezu uvua ne disua bua kuitaba bukenji bua kulua pa buloba, nansha muvuabi bikengela dikenga ne difua buetu. Pasaka udi usekelela butshimunyi bua Musungidi kumpala kua bubi ne lufu, budi butupesha ditekemena mu matuku alualua a disanka dia tshiendelela.
Kilisto udi Ubikila Petelo ne Andele, kudi James Taylor Harwood
Ntshinyi Tshidi Mifundu Yamba pa Bupikudi bua Musungidi?
Bumudi Yezu mmutumanya biakana, Udi mua “kuambuluisha,” anyi kutukuatshisha (tangila Alama 7:11–12).
Musungidi udi umvua tunyinganyinga ne makenga etu (tangila Yeshaya 53:2–5).
Nzambi wakatuma Yezu bua kutusungila bualu Nzambi mmunanga umua yonsu wa kutudi (tangila Yona 3:16–17).
Yezu wakasambidila bua bayidi benda, ne buetu petu, bua tuikala bakubibua ku bubi ne bua tuikala tshintu tshimua nenda ne Tatu wa mu Diûlu (tangila Yona 17).
Musungidi wetu udi utubikila bua tumulonde ne tupingana ku mesu kuende (tangila Dilongesha ne Bipungidi 19:16–19, 23–24; 132:23).
© 2021 kudi Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, April 2021. Tshiluba 15056 760