Yesus Kristus e ke Thapegdaed ko Denen nge Yam’

Bachan e gafgow ni tay, rayag ni ngaed pire’egned e gapas nge falfalaen’ nib manechubog.

Gadaed ma yog ni Yesus Kristus e ir fare Tathapeg rodaed. Bachan e biney ya Ir e ke fek piluwon fapi denen rodaed nge yam’ ni kan gel ngay. Ir e ke thapegdaed! Gafgnow ni tay ni fanaed, ni ka nog fare Bayul ngay, e kari mus e ra n’en nth’abi gaa’fan nike buch. Bachan Ir, yam’ e gathi tomur. Bachan Ir, ma rayag ni ngan n’aegfan e pi denen rodaed, min be’ech nagdaed biyay, ma gadaed mon’og ni gubin e rran.

Yesus Kristus e Bin Som’on i Fak

U m’on kad yib nga fayleng, ud moyed rok e galibthir rodaed u tharmiy. Ko bin Som’on i Fak, Yesus Kristus e pii’ e ayuw i sunmiy e re fayleng ney nib fel’ ya’an. Kan mel’eg ni nge mang e Tathapeg rodaed me magaraen’ ngay ni ngan gargeleg u fayleng ni nge yag ni nge dag fare wo’ ngodaed nib mangil, me fil fare gospel Rok, me mu’ nag fare Bayul ni fadaed.

Yesus Kristus ni pii’ Pilwon nifan ko fapi Denen Rodaed

Napan ni nang Yesus ni daki n’uw napan ngay me yim’, me yaen nga bangi wuldug ni ka nog u Gethesamane ngay nge meybil. Napan e ngiyal’ nem ni be meybil, me tabab i pii’ pilwon fapi denen rodaed. Ke og nag Ir ni nge gafgow ni bachan e dabda gafgow gaed—ni fa’anran kalngaen’. Napan ni gadaed ra pii’ keru’ daed ko pi denen rodaed min leak fare Tathapeg, ma rayag ni nran n’aegfan min fosagdaed. Bachan e n’en ni buch Rok u Gethsemane, ke nang Yesus rogon e tin ni gadaed ma thamiy. Ke thamiy urngin e pi kirbaen’ rodaed, m’ar, nge tin ni gadaed be amith riy. Ireray e gin ni som’on ko fare Bayul.

Yesus Kristus ni Gel ko Yam’

Tomuren e meybil rok u Gethsemane, min yagnag Jesus, min kalbus nag, min lii’ u dakean e kuruth. Aram rogon ni gubin banan ma rayag Rok, Yesus e pag Ir ni nge yim’ u dakean fare kuruth. Fapi gachalpen nib tu’uf rok e ra feked downgin ngar ted ngalan fare low ko yam’. Dar ninged ni aram rogon ni ke yim’ e dogur Rok, machane fare ya’al Rok e kab fos ni bay u tofen e ya’al. Dalip e rran nga tomuren, me sul bayay Yesus ngabi guy raed, ni yibi micheg ni ke gel ko yam’. Biney e ke polo’ nag fare Bayul. Bachan Yesus e kan fosagkoyam’, gadaed gubin ma gadaedra fos biyay u tomuren ni kad m’ad.

Faan e Kristmas nge Easter

Fayleng e ma madnom nag l’agruw e rran ni ma ayuwegdaed ni ngaed lemniged fare Bayul rok Yesus Kristus. Napan e Kristmas, ma gadaed ma lemnag Yesus ni yib nga fayleng, ni aram rogon nra yib ngabi gafgow me yim’ ni fadaed. Easter e be madnom nag fare Tathapeg ni gel ko denen nge yam’, ni pii’ ngodaed e athap nge falfalaen’ ni bay nga m’on nib manechubog.

Mang e ma yog e thin nib Thohup ni mornga’agen fare Bayul rok fare Tathapeg?

Bachan e manangdaed Yesus, Rayag ni nge “ayuweg,” daed (mu guy ko Alma 7:11–12).

Somol e manang fapi gafgow nge amith rodaed (mu guy ko Isaiah 53:2–5).

Got e pi’ Fak nge yib ni nge thapegdaed ni bachan e gadaed gubin ma gadaed btu’uf rok Got (mu guy ko John 3:16–17).

Yesus e meybil ni fan ngak pi gachalpen, ni gadaed mu’un ngay, ni ngan ayuwegraed ko pi lumel rok mo’oniyan’ min ta’areb Ngak nge fare Chitamangiy nibay u Tharmiy (mu guy ko John 17).

Ke piningdaed fare Tathapeg ni ngaed laked min sul Ngak (mu guy ko Doctrine and Covenants 19:16–19, 23–24; 132:23).

© 2021 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Mulwol ko biney e Pul Liahona ko, April 2021. Yapese. 17467 905.