Nso Idi Mbuot-Abasi?

Ete eke Heaven, Jesus Christ ye Edisana Spirit edi nsio-nsio ibon emi enyenede uduak kiet.

Ndise

Akpa Nkukut

Etop eketode Akpa Nkukut, eke Jon McNaughton

Ewet-nwed nkpo-ntibe ama obup Prophet Joseph Smith se mbon Ufok Abasi Jesus eke Ndisana Owo ke Ukpere Edem Usen enimde ke akpaniko. Ke iboro, Prophet oro ama ewet mme edinim iko Duopeta emi nnyin ikotde mme Iko Mbuotidem. Akpa udim-iko odoho ete , “Nnyin iminim Abasi, Nsinsi Ete, ye Eyen Esie. Jesus Christ, ye ke Edisana Spirit ke akpaniko” (Iko Mbuotidem 1:1). Mme ibon ita emi enam se ikotde Mbuot-Abasi.

Abasi, Nsinsi Ete

Abasi enyene eriset ikpokidem eke obuk ye ọkpo. Enye edi Ete spirit nnyin. Enye ama kpukpru ndito Esie eti-eti. Abasi edi nsana-mma, enyene ofuri odudu, onyuŋ odioŋo kpukpru nkpo. Enye edi edinen, oyoho ye mbom, onyuŋ ofon eti. Nnyin ikeduŋ nte spirit ye Abasi mbemiso nnyin idimana. Enye ọkodoŋ nnyin idi ke ererimbot man ikpep inyuŋ ikori. Akakan udoŋ eke Abasi edi kpukpru ndito Esie ndifiak nnyọŋ nkeduŋ ye Enye ke nnyin ima ikpa. Abasi ekpep nnyin ete ke nnyin ana itiene Jesus Christ man ifiak inyoŋ ika iso Abasi.

Ndise

Jesus Christ Okworo-ikọ ke Ererimbot eke Spirit

Christ Okworo-ikọ ke Ererimbot Spirit, eke Robert T. Barrett

Jesus Christ

Jesus Christ enyene eriset ikpokidem eke obuk ye ọkpo. Enye edi akpa-Eyen eke Abasi. Mbemiso nnyin idimana, Abasi ama emek Enye nte Andinyaŋa nnyin. Emi ọworo ete Jesus ekedi k’isoŋ man edi uwutnkpo ọno nnyin, ekpep Iko Abasi Esie, osio-isop ke idioknkpo nnyin, onyuŋ anyaŋa nnyin osio ke mkpa. Otode ke Jesus Christ, ekeme ndidahado nno nnyin ke mme idioknkpo nnyin ke ini nnyin ikabakere esit. Jesus Christ obo ediwak ufen nko man enye ọkpofiok onyuŋ anwam nnyin. Jesus Christ ama akpa onyuŋ afiak odu uwem, emi anamde kpukpru owo ekeme ndifiak ndu uwem.

Ndise

edibuuk Christ

Ndise otode Getty Images.

Edisana Spirit

Edisana Spirit edi kiet kotu Mbuot-Abasi emi miyeneke ikpokidem. Enye edi spirit. Edisana Spirit ekeme ndineme nneme ye spirit nnyin. Enye etie-ntiense ọno nnyin ete ke Abasi mmodo ndien ke Jesus Christ onyuŋ edi Andinyaŋa nnyin. Edisana Spirit anam-utom nte isuŋutom Abasi man ono nnyin ekikere ima, ndausuŋ, mme ndoŋesit. Ini emii ekeduokde nnyin mmoŋ enyuŋ eno ubok-nnasia, nnyin ima ibo eno Edisana Spirit. Ke eduokde nnyin mmoŋ ekure, Edisana Spirit ekeme ndidu ye nnyin ofuri ini adaŋa-nte nnyin inimde mbet Abasi.

Ndise

Akpa Nkukut

Akpa Nkukut, eke Walter Rane

Akpa Nkukut eke Joseph Smith.

Ke mme ini ebede mme owo enyene eyihe ebaŋa Mbuot-Abasi. Mme owo eneni ete ke se Abasi, Jesus Christ ye Edisana Spirit ebietde. Emi edi ntak kiet emi edade Akpa Nkukut emi Joseph Smith ekenyenede edide ata akpan-nkpo. Enye ama okut ete ke Ete eke Heaven ye Jesus Christ enyene mme ikpokidem ndien ke mmo edi nsio nsio ibon iba.

Ndise

Ndikpaŋ-utoŋ

Ndikpaŋ-utoŋ otode Michael Jarvis Nelson

Nsio-nsio edi Ediana-kiet

Nwed Abasi ye mme prophet eyo mi ekpep nnyin ete ke Abasi, Jesus Christ, ye Edisana Spirit edi nsio nsio ibon edi enyene uduak kiet: uwem unana-mkpa ye nsinsi uwem nnyin (se Moses 1:39). Nte mbon nka kiet, Mmo enam-utom ọtọkiet ndinwam kpukpru nnyin. Nnyin imikeme ndidu mkpere Mmo k’ini nnyin idikabare esit ke mme idioknkpo nnyin, inyuŋ imek usuŋ se inende.

Mme Itie Nwed Abasi kabaŋa Mbuot-Abasi

Ete eke Heaven ye Jesus Christ edi kiet ke uduak mmo (se John 10:30).
Ete eke Heaven eneme-nneme ye Eyen Esie (se Matthew 3:16-17).
Jesus Christ eneme-nneme ye Ete Esie (se John 11:41).
Jesus Christ oboŋ-akam ono nnyin man ikabare idiana kiet ke usen kiet (se John 17:11).
Joseph Smith ama okut Ete eke Heaven ye Jesus Christ (se mbuk Joseph Smith 1:17).
Edisana Spirit etie-ntiense ete ke Jesus Christ edi Andinyaŋa (se John 17:11).

© 2021 otode Intellectual Reserve, Inc. Ekpeme kpukpru unen ndiming. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare eke Monthly Liahona Message, June 2021. Efik 17470 553