Ntate oa rona ea Maholimong o Batla hore Re Thabe

Ha re hopola morero oa Molimo oa thabo, re ka fumana nyakallo leha bophelo bo le thata.

Bophelong ba pele ho ba lefatśeng, re phetse le Ntate oa rona ea Maholimong joaloka bana ba Hae ba moea. O ile a hlahisa morero oa ho thusa bana ba hae ho ithuta le ho hola. Ka morero ona, re ka fetoha ra tśoana le Eena ra ba ra tśoaneleha ke ho nyakalla bophelong ba bosafeleng. Morero ona o oa khoneha hobane Morʹa Molimo, Jesu Kreste o ile a tla lefatśeng ho tla utloa bohloko bakeng sa libe tsa rona, sehlabelo se bitsoang Topollo.

Morero oa Ntate oa rona ea Maholimong o bitsoa morero oa

thabo (bona Alma 42:8,
pholoho (bona Moshe 6:62,
topollo (bona Jakobo 6:8, kapa
mohau (bona Alma 42:15.

Joaloka ha tsena le a mang mangolo a halalelang li bontśa, Ntate oa rona ea Maholimong o batla re tśoane le Eena, re khutlele ho Eena, le hoba le thabo ea ʹnete (bona Moshe 1:39).

Re Tla Lefatśeng Ho Tla Ithuta le ho Hola

Molimo o re rometse lefatśeng moo re tlang ho fumana ʹmele oa nama (bona Genese 1:26–27). Re ne re hloka ʹmele ho re thusa hore re be le boiphihlelo ba bophelo ba lefatśe.

Molimo o ne a tseba hore ha re na ho ikutloa re thabile kamehla. Re ba le masoabi, bohloko, le lefu. Empa le hara bophelo bo thata, Ntate oa rona ea Maholimong o re thusa ho ithuta le ho hola.

Molimo a boela a re neha boikhethelo, bokhoni ba ho khetha pakeng tsa botle le bobe. O re tlohella hore re ikhethele tseo re li nahanang le ho li etsa. O re file mangolo a halalelang le baprofeta ba phelang ho re thusa ho ithuta ho khetha tse nepahetseng (bona Abrahama 3:25).

Leka Hoba Joaloka Jesu Kreste

Molimo ha a re romella lefatśeng re sena mohlala oo re ka o latelang (bona Johanne 13:15). Molimo o rometse Mora oa hae Jesu Kreste ho re bontśa tsela. Ho ithuta ho Mo latela, re ka bala mangolo a halalelang ho ithuta hore na Ke mang, le seo A se entseng nakong ea bophelo ba Hae lefatśeng. Re ka etsa sohle se matleng a rona hore re tśoane le Kreste ka ho mamela Molimo le ho rata ba bang.

Ha re etsa liphoso, re kopa tśoarelo le ho kha matleng a Topollo ea Jesu Kreste ho re thusa ho fetoha. Re ka thaba ha re leka letsatsi ka leng ho fetoha re tśoane le Eena.

Lefu Hase Pheletso

Ha re shoa, meea ea rona e ea lefatśeng la meea. Moo teng re tsoelapele ho ithuta ha re ntse re itukisetsa Tsoho ea Bafu.

Nakong ea Tsoho ea Bafu, ʹmele le meea ea rona li tla boelana. ʹMele ea rona e tla be e phethahetse, hape re sa tlo hlola re utloa bohloko ba lefu kapa boloetse (bona Alma 11:44–45). Joaloka ha Jesu Kreste a ile a shoa a ba a tsoha, le rona re tla phela hape.

Ha Molimo a re ahlola, U tla nahana ka liketso le litakatso tsa rona. Haeba re lekile ho boloka litaelo le litśepiso tseo re li entseng le Ntate oa rona ea Maholimong, re tla phela le Eena hape.

Bophelo le Molimo le Malapa A Rona Leholimong

Re tla phela le Molimo le Jesu Kreste ʹmusong oa selestiale. Hape re tla khona ho phela teng ka ho sa feleng le malapa a rona haeba re tiisitsoe ho bona. Re tla fumana khotso, thabo, le phomolo (bona Mosaia 2:41).

Bophelo ba rona lefatśeng bo kaba thata ka nako e ʹngoe, empa ha re latela Jesu Kreste, re tla fumana nyakallo bophelong bona le thabo e sa feleng bophelong bo tlang.

Mangolo a Halalelang A Reng Ka Morero oa Thabo?

Tsela eo re phelang bophelo ba rona e bohlokoa. Molimo o tla re ahlola le ho re putsa ho latela mehopolo le liketso tsa rona (bona Alma 41:3).

Satane ke sera sa thabo ea rona. O re leka ka ho sebelisa bophelo ba rona hampe lefatśeng le hore re etse sebe. O batla re tśoane le eena ka ho sareloa (see 2 Nefi 2:27).

Ha re na le tumelo ho morero oa Molimo ho rona, re ka ba le khotso ho sa tsotellehe liqholotso tseo re tobaneng le tsona. Re ka lebella ho phela ka ho sa feleng le Molimo (bona Lithutotsa Tuemlo le Lilekane 59:23).

Litśoantśo tsohle ka J. Kirk Richards