Prihsduhd Iei Manaman en Koht

Koht kin kapai kitailda sang ni manaman en prihsduhd. Kapai en prihsduhd pwukat kin lang ong aramas koaros.

Prihsduhd iei manaman en Koht. E kin ketin doadoahngki manaman wet pwehn kapaiada Sapwellime seri koaros oh pwehn sewese irail en pwurala kousoanla Reh. Koht ketkidahr manaman en prihsduhd ong Sapwellime serihkan pohn sampah. Pwehki manaman wet, sounkaweid en prihsduhd kan kak kaweidi Mwomwohdisou, oh me kolokol prihsduhd kan kak wia tiahk sarawi kan, me duwehte pepdais, me kin sewesei kitail en karaniala Koht. Ohl oh lih koaros me warohng ale tiahk sarawi kan en prihsduhd oh kolokol inou kan (inou sarawi kan) kin kak ale manaman en Koht.

Manaman en Prihsduhd Kohiengehr Joseph Smith

Ni en Sises Krais ketiket pohn sampah, E ketin kahluwa Sapwellime Mwomwohdisohki manaman en prihsduhd. E pil ketikihda manaman wet ong Sapwellime Wahnpoaron kan. Nan erein pahr kei mwurin arail kapelsalehdala, towe tohto kei mwesel sang Mwomwohdisoht. Irail wekidala oh kasapwungehla rongamwahuo oh mwomwen en Mwomwohdisoht eh kin doadoahk. Prihsduhd en Koht salongala sang pohn sampah. Nan pahr 1829, Sises kadarodo Sohn Sounpepdais oh Wahnpoaron Peter, James oh John en kihong Joseph Smith prihsduhdo. Mwomwohdiso en Sises Krais en Souleng en Imwin Rahn-akan iei ihte mwomwohdiso pohn sampah me kolokol manaman wet sang Koht.

Kih kan en Prihsduhd

Kih kan en prihsduhd iei me kin kaweid doadoahk en prihsduhd, me rasohng kihda mweimwei en doadoahngki tiahk sarawi kan. Sises Krais me ketin kolokol kih koaros en prihsduhd. Presiden en Mwomwohdisoht iei ih kelepw pohn sampah me kak doadoahngki kih kan en prihsduhd pwehn kaweid Mwomwohdisoht unsek. Pahn ah tungoal kaweid, mehteikan kak doadoahngki ekei kih kan pwehn wia doadoahk en Koht. Sounkaweid kan duwehte pisop kan oh steik presiden kan kin doadoahngki kih kan en prihsduhd pwehn kaweid arail ward oh steik kan. Pwehki malipilip kan en papah kin kohda sang sounkaweid me kolokol kih kan, ohl akan oh lih akan me papah nan malipilip kan kin doadoahngki manaman en prihsduhd ni arail kin wia arail pwukoah kan.

Melkisedek Prihsduhd oh Prihsduhd en Aron

Prihsduhd kolokol pali riau: Melkisedek Prihsduhd oh Prihsduhd en Aron. Pwehki Melkisedek Prihsduhd, Sounkaweid kan en Mwomwohdisoht kin kaweid doadoahk sarawi koaros, me duwehte doadoahk en misineri oh tehnpas sarawi. Prihsduhd en Aron kin wia doadoahk pahn manaman en Melkisedek Prihsduhd. Ih me kin wia tiahk sarawi kan me rasehng pepdais oh kamadipw sarawi.

Kapai kan en Prihsduhd

Pwehki inou kan oh tiahk sarawi kan, Koht ketin kupwurki kapai kan en prihsduhd en kipe Sapwellime seri koaros. Kapai pwukat iangahki pepdais, kisakis en Ngehn Sarawi, kamadipw sarawi, oh tiahk sarawi kan en tehnpas sarawi. Ohl akan oh lih akan me alehier kisakis lapo [endowment] nan tehnpas sarawi ale ehu kisakis en manaman en prihsduhd en Koht pwehki arail inou kan. Kitail pil kak ale kapai kan en prihsduhd en kakehlail, kansenamwahu, oh kaweid.

Dahme Iren Pwuhk Sarawi Kan Kosoia duwen Prihsduhd?

Prihsduhd me wie doadoahk keilahn aio iei prihsduhd ohte me wie momour met (tehk Moses 6:7).

Kih kan en prihsduhd kin sesewesei kitail en wia doadoahk en Kauno ni soanamwahu (tehk Doctrine and Covenants 42:11).

Ohl akan me kolokol prihsduhd kak doadoahngki “ongete koasondi kan me pwung” (Doctrine and Covenants 121:36).

Ekei pwukoah kan en irail kan me kolokol prihsduhd sansalehr nan Doctrine and Covenants 20:38–67.

© 2021 sang Intellectual Reserve, Inc. Kolokol pwuhng koaros. Ntingda nan USA. Kamanaman ong ni lokaiahn Wai: 6/19. Kamanaman ong kawehwe: 6/19. Kawehwehpen Padahk en Sounpwong kan en Liahona, Oahkos 2021. Mahsen.17472 885.