Milwol ni Ngan Thapeg ko biney e Pul nifan e Liahona, August 2021

Fare Priesthood Ni’ir Gelngin Got

Got e ma tawa’ath nogdaed udakaen gelngin e priesthood. Pi tawa’ath ko priesthood nem e rayog ngak gubin e gidii’.

Fare Priesthood Ni’ir Gelngin Got. Irma ngongoliy re gelngiy ney ninge tawa’ath nag urngin e bitir Rok’ ma ayuwegraed ningar sulraed mar pired Ngak. Got e ke pii’ gelngin e priesthood ngak fapi bitir rok u fayleng. Udakaen e biney e gelngin, pi tapowiy’ ko priesthood ma powiy’ed fare Galasia, ma pi mo’on ni bay e priesthood roraed ra ngongoliy e gam’ing nib thothup, woed rogon e tawfe, nibe yoeg ningad chuchugurgaed ngak Got. Urngin e mo’on nge ppin kar thapeged e gam’ing nib thothup mar folgaed pi michmicheg (micheg nib thothup) ra thapeg e gelngin Got.

Gelngin e Priesthood ni Kan Pii’ ngak Joseph Smith

Nap’an Yesus Kristus ke paer nga fayleng, Ke powiy’nag e Galasia Rok udakaen gelngin e priesthood rok. Ke pii’ re gelngin ney ngak pi Gachalpen Rok’. Tomuren boech e biyu’ e duw tomuren kar m’aed, bo’or e chongin kar chuwgaed ko Galasia. Kar thilyeged nib oloboech e gospel ma yalen ko Galasia. Kan chuw fare priesthood rok Got ni dariy u fayleng. Ko 1829, Yesus ke loeg John nima Tawfe nge pi Apostle Peter, James, nge John ningar pii’ed ngak Joseph Smith fare priesthood. Fare Galasia ku Yesus Kristus ni fan e Gidii’en Got ko Tin Tomur e Rran ni’ir kemus e mo’olung ko fayleng ni bay e mata’won ku Got.

Fare Lam ku Peter, James, nge John yib rok Linda Curley Christensen nge Michael T. Malm

Pi Key ko Priesthood

Pi key ko priesthood ni’ir e mataw’on ninge fanow e ngongoliy ko priesthood, woed rogon ninge pii’ e mat’awon ninge ngongoliy e gam’ing. Yesus Kristus ba koel urngin e key ko priesthood. Fare President ko fare Galasia nimus e bee’ u fayleng ninge ngongoliy e priesthood key ninge matangiyed e Galasia. Udakaen e fanow rok, reb e gidii’ ningar ngongoliyed boech e key ningar mugu’uliyed e muruwel rok Got. Pi tawpowiy’ woed rogon e bishof nge stake president ba ngongoliy e priesthood key ningar powiy’ed pi ward nge stake roreaed. Bachane e calling ningad pigpig nag ba yib ko tapowiy’ ni bay e priesthood key roraed, pi mo’on nge ppin nibe pigpig nog u calling ma ngongoliy e mata’won ko priesthood u muruwel roraed.

Priesthood ni Melchizedek nge Priesthood ni Aaronic

Bay la’agruw yang ko fare priesthood: fare Priesthood ni Melchizedek nge Priesthood ni Aaronic. Udakaen fare Priesthood nib Melchizedek, pi tapowiy’ ko Galasia ra matangiy e muruwel ko ya’el u Galasia, woed rogon e muruwel ko missionary nge muruwel ko temple. Fare Priesthood ni Aaronic ba muruweliy utangin fare Priesthood ni Melchizedek. Ningan ngongoliy ko pi gam’ing ni woed rogon e tawfe nge sacrament.

Tawa’ath ko fare Priesthood

Udakaen pi michmicheg nge gam’ing, Got ba yoeg pi tawa’ath ko temple ngak urngin e bitir Rok’. Pi taw’ath ney ba un tawfe, fare tawa’ath ko fare Kan ni Thothup, fare sacrament, nge gam’ing ko temple. Pi mo’on nge ppin kar thapeged e endowment u temple ra thapeged e tawa’ath ko priesthood rok Got udakaen pi michmicheg roraed. Rayog ningad thapeged pi tawa’ath ko gol, ayuw, nge powi’iy.

Mang e ma yoeg e Babyor nib Thothup ni marunga’agen e Priesthood?

Fare priesthood nap’an fapi rran nib kakrom nib ta’abrogon daba’ (mu guy Moses 6:7).

Pi key ko preisthood ba ayuwegdaed ningad mugu’uliyed e muruwel rok Somoel u rogon nib fel’ (mu guy Doctrine and Covenants 42:11).

Mo’on ni bay e priesthood roraed ba ngongoliyed riy “udakaen e kenginn fatin mat’aw”(Doctrine and Covenants 121:36).

Boech e muruwel ko gidii’ ni bay e priesthood roraed i yaed weliy’ed ulan Doctrine nge Covenants 20:38–67.

© 2021 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Monthly Liahona Message, August 2021. Yapese. 17472 905.