“Utom ekeTemple,” Liahona, October 2021
Etop Liahona eke ofuri Ɔfiɔŋ, October 2021
Utom eke Temple
Mme temple edi ufok Ɔbɔŋ. Nnyin imkeme ndibɔ mme edinam inyuŋ inam ediomi ye Enye ke mme temple. Nnyin nko imikeme ndinam mme edinam ke temple inɔ mme ete ete nnyin.
Ndise eke Barranquilla Colombia Temple by Bruno Lima
Ke kpukpru mbuk, Ɔbɔŋ ama owuk mbon Esie ndibɔp temple. Mme temple edi ndisana ebiet emi nnyin ikemede ndikop ima Abasi, ibɔ mme edinam, inyuŋ inam mme enwɔŋɔ ye Enye. Ufɔk Abasi ke bɔp mme temple ekanare ererimbot man ediwak owo ekeme ndinyene mme edidiɔŋ emi.
Ndise ŋwan ke iso Oquirrh Mountain Utah Temple by Nexeo and Matthew Reier
Endowment
Mme mbon ufɔk abasi emi edude edisana ido eka temple ndibɔ nnyuŋ nam ediomi, mme mme enwɔŋɔ, ye Abasi. Edinam kiet emi nnyin ibɔde ke temple edi endowment. Ikɔ oro endowment ɔwɔrɔ “enɔ.” Endowment eke temple edi enɔ otode Abasi. Ke edinam emi nnyin ikpep ibaŋa uduak erinyaŋa ukpɔŋ eke Ete eke Heaven, nko nnyin inam mme ediomi ke ndinim mme ewuhɔ Abasi. Edieke nnyin inyenede mbuɔtidem ke ediomi nnyin ikenamde, Abasi eyediɔŋ nnyin.
Ndise eke ebe ye ŋwan esaŋade ke Manila Philippines Temple otode Cristina Smith
Ndidian mme Ufokemana Ɔtɔkiet
Ndɔ ke temple nko ekoot edidian kiet. Kini ebe ye ŋwan edianade ke temple ndien mmɔ enim mme ediomi, mmɔ eyedɔ ndɔ ke nsi nsi. Adieke mmɔ enyene nditɔ, mme nditɔ oro nko eyediana ye mmɔ. Mme ete ye eka emi ema ekediana ke mmɔ ema ekenyeyene nditɔ ekeme ndidian ye mme nditɔ mmɔ. Adieke mmɔ edude ke edinen ido, mmɔ eyedi ufokemana ke nsi nsi.
Ndise eke Lisbon Portugal Temple baptistry by Leslie Nilsson
Utom Temple eke kpukpru nditɔ Abasi
Nnyin inam utom editi ufɔk emana ke ndiyom mbio ntɔŋɔ ubon nnyin. Nnyin ndien inam utom eke temple ke itie mmɔ. Nnyin inam inɔ mmɔ kpukpru mme edinam emi mme odu uwem eyomde: uduɔk mmɔŋ, ndori ubɔk, ndibɔ itie oku (eke mme iren), endowment, ye edidian. Mmɔ ndien ekeme ndimek mme mmɔ enyime mme edinam emi. Kutɔ usuŋ emi, kpukpru mme nditɔ Abasi ekeme ndikop inem ke edidiɔŋ ikɔ abasi.
Ndise ufɔkemana ke iso f Philadelphia Pennsylvania Temple otode Cody Bell
Mme edidiɔŋ Utom eke Temple
Edieke nnyin ikpemede mme ediomi nnyin ikenamde ke temple, eyediɔŋ nnyin, ekpeme, enyuŋ enɔ ɔsɔŋɔ. Nnyin iyeyene odudu itie oku ye nnyin. Mme Ufɔk emana nnyin eyediana kiet ke nsi nsi.
Temple edi nko ebiet emem ye eriyarare. Nte nnyin inamde utom eke temple, nnyin imekeme ndibɔ ndausuŋ inyuŋ ikop ima Abasi.
© 2021 otode Intellectual Reserve, Inc. Ekpeme kpukpru unen ndiming. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Etop Liahona eke Ofuri Ɔfiɔŋ, October ke isua 2021. Efik. 17467 553