“Temple Edwuma,” Liahona, Ɔbɛsɛ 2021
Bosoom bosoom Liahona Amandzɛɛbɔ, Ɔbɛsɛ 2021
Temple Edwuma
Temple horow yɛ Ewuradze ne fie. Yebotum agye ayɛdze horow na yɛnye No edzi ahyɛmu wɔ temple mu. Yebotum so ayɛ ayɛdze horow ama hɛn ewuakɔr wɔ temple mu.
Barranquilla Colombia Temple Mfonyin a Bruno Lima twae
Abakɔsɛm ber nyina mu no, Ewuradze ahyɛ No nkorɔfo dɛ wonsi temple horow. Temple horow yɛ mbea krɔnkrɔn a yebotum atse Nyankopɔn No dɔ, yɛagye ayɛdze horow, na yɛnye No abɔ anohoba horow. Asɔr no risisi temple horow wɔ wiadze nyina mu ama nyimpa pii eenya nhyira yinom.
ɔbaa a ogyina Oquirrh Mountain Utah Temple enyim no mfonyin a Nexeo na Matthew Reier twae.
Endowment no
Asɔr mba a wɔbɔ tsenenee bra no kɔ temple kɛgye ayɛdze horow na wɔnye Nyankopɔn dzi ahyɛmu, anaa anohoba. Ayɛdze kor a yɛgye no wɔ temple nye endowment no. Kasafua endowment kyerɛ dɛ “akyɛdze.” Temple endowment no yɛ akyɛdze a ofir Nyankopɔn. Ayɛdze yi mu no yesũa Ɔsor Egya No nkwagye nhyehyɛɛ ma hɛn, na yedzi ahyɛmu dɛ yebedzi Nyankopɔn ne mbrasɛm do. Sɛ yedzi ahyɛmu a yɛayɛ no do nokwar mu a, Nyankopɔn behyira hɛn.
Awarfo a wɔnam Manila Philippines Temple nkyɛn hɔn mfonyin a Cristina Smith twae
Yɛrosɔw Ebusua Ebusua Ano Abɔ Mu
Awar wɔ temple no wɔfrɛ no nsɔwano so. Sɛ awarfo yɛ nsɔwano wɔ temple na wosie hɔn ahyɛmudzi a, wɔbɛyɛ awarfo afebɔɔ. Sɛ wɔwo mba a, wɔbɔsɔw mba no so ano ama hɔn. Awofo a wɔyɛ nsɔwano wɔawo mba ekyir no botum ama wɔasɔw hɔn mba no ano ama hɔn. Sɛ wɔtsena tseneneeyɛ mu a, wɔbɛyɛ ebusua wɔ mbersantsen nyina mu.
Lisbon Portugal Temple enumabea mfonyin a Leslie Nilsson twae
Temple Edwuma ma Nyankopɔn Ne mba nyinara
Yɛyɛ ebusua abakɔsɛm dze hwehwɛ hɛn ewuakɔr ho nsɛm. Afei yɛyɛ temple edwuma ma hɔn. Yɛyɛ ayɛdze nyina a atseasefo hia no ma hɔn: enuma, pisi, asɔfodzi ne ngyee ( ma mbanyin), endowment, na nsɔwano. Nkyii wobotum asan mu eyi dɛ wɔbɛgye ayɛdze horow yinom ato mu. Kwan yi do no, Nyankopɔn Ne mba nyina botum enya asɛmpa no ne nhyira horow.
Ebusua a wogyina Philadelphia Pennsylvania Temple enyim no mfonyin a Cody Bell twae.
Temple Edwuma no ho Nhyira horow
Sɛ yesie ahyɛmudzi a yɛyɛ no wɔ temple a, yebenya nhyira, ahobambɔ, na dzenhyɛ. Yebenya asɔfodzi no tum wɔ hɛn nkyɛn. Hɛn ebusua ebusua bɔbɔ mu afebɔɔ.
Temple no so yɛ asomdwee na nyikyerɛ bea. Ber a yɛyɛ temple edwuma no, yebotum enya sunsum mu akwankyerɛ na yɛatse Nyankopɔn No dɔ nkã.
© 2021 odzi wɔ Intellectual Reserve, Inc. All rights reserved. Wotsintsimii wɔ USA. Ngyiresi Borɔfo kasa ngye ntomu: 6/19. Nkyerɛase ngye ntomu: 6/19. Monthly Liahona Message, October 2021 ne nkyerɛasee. Fante. 17474 502