“Mwakuri n te Tembora,” Riaona, Okitobwa 2021
Te Rongorongo man te Riaona Katoa Namwakaina, Okitobwa 2021
Mwakuri n te Tembora
Taian tembora bon ana auti te Uea. Ti kona ni karekei otenanti ao ni karaoi berita aika tabu ma Ngaia inanon taian tembora. Ti kona naba ni karaoi otenanti inanon te tembora ibukiia ara bakatibu.
Tamnein Barranquilla Colombia Tembora iroun Bruno Lima
Rinanon te rongorongo, e a tia te Uea n tuangiia Ana aomata bwa a na katei taian tembora. Tembora bon taabo aika a tabu are ti kona n namakina iai ana tangira te Atua, karekei otenanti, ao ni karaoi berita ma Ngaia. Te Ekaretia e katei taian tembora ni katobibia te aonaaba bwa aonga ni mwaiti riki aomata ake a na kona ni karekei kakabwaia aikai.
Tamnein te aine i matan Oquirrh Mountain Utah Tembora iroun Nexeo ao Matthew Reier
Te Entaumente
Kaain te Ekaretia ake a maiuakina te raoiroi a nakon te tembora ni karekei otenanti ao ni karaoi berita aika tabu, ke berita, ma te Atua. Teuana te otenanti are ti karekea n te tembora bon te entaumente. Te taeka entaumente nanona te “bwaintangira.” Te entaumente man te tembora bon te bwaintangira mairoun te Atua. N te otenanti aei ti reiakina aron ana babaire Tamara ae i Karawa ibukin kamaiuakira, ao ti karaoi berita aika tabu ni kawakin ana tua te Atua. Ngkana ti kakaonimaki nakon berita aika tabu ake ti karaoi, e na kakabwaiaira te Atua.
Tamneia taanga ngke a nakonako irarikin Manila Philippines Tembora iroun Cristina Smith
Kabaeakiia Utu ni Kabane
Te mare n te tembora e aranaki bwa te kabaeaki. Ngkana a kabaeaki utu inanon te tembora ao a kawakin aia berita aika tabu, a mareaki n akea tokina. Ngkana a reke natiia, ataei akanne a kabaeaki naba nakoia. Kaaro ake a kabaeaki imwiin are a tia n reke natiia a kona ni kabaeaki natiia akanne nakoia. Ngkana a maiuakina te raoiraoi, a na riki bwa te utu ni karokoa akea tokina.
Tamnein te tabo ni bwabetito i Lisbon Portugal Tembora iroun Leslie Nilsson
Te Mwakuri n te Tembora ibukiia Natin te Atua ni Kabane
Ti karaoa te mwakuri ibukin rongorongon te utu ni kakaei taekaia ara bakatibu. Ti karaoa ngkanne te mwakuri n te tembora n tei ibukiia. Ti karaoi otenanti ni kabane ibukiia naake a maiu: bwabetito, kamatoaki, karekean te nakoanibonga (ibukiia mwaane), entaumente, ao te kabaeaki. A kona ngkanne n rineia ngkana a tangiria ni butimwaai otenanti aikai. N te kawai aei, a kona natin te Atua ni kabane ni kakukureiaki n ana kakabwaia te euangkerio.
Tamnein te utu i matan Philadelphia Pennsylvania Tembora iroun Cody Bell
Kakabwaia ibukin te Mwakuri n te Tembora
Ngkana ti kawakin berita ake ti karaoi n te tembora, ti na kakabwaiaki, kamanoaki, ao ni kakorakoraaki. Ti na karekea mwaakan te nakoanibonga ma ngaira. Ara utu a na ikotaki n aki toki.
Te tembora bon te tabo ibukin te rau ao te kaotioti. Ngkai ti karaoa te mwakuri n te tembora, ti kona ni karekea kairakira n te maiu n tamnei ao n namakina ana tangira te Atua.
© 2021 iroun Intellectual Reserve, Inc. A bane n tauaki mwiin taian kariaia ibukin katootongana. Boreetiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan te Monthly Liahona Message, October 2021. Kiribati. 17474 859