“Orekma ke Tempuhl,” Liahona, Ohktohpa 2021
Mahlwem Nuhkwewa Liahona Mwe Fahkwack, Ohktohpa 2021
Orekma ke Tempuhl
Tempuhl uh pa lohm sin Leum. Kuht kuh in eis akwuck muhtahl ac oraclah olwelah nuh Sel lun tempuhl uh. Kuht kuh pac in wi pac oruh akwuck muhtahl lun tempuhl luhn mwet mahtuh somsomlah lasr.
Petsac ke Tempuhl fin acn Barranquilla Colombia sel Bruno Lima
E met me nuh misenge, Leum El sapkihn nuh sin mwet Lal in muhsaheack tempuhl uh. Tempuhl uh el acn muhtahl ma kuht kuh in puhla luhngse luhn God, eis akwuck, ac oraclah olwelah nuh Sel. Alu uh muhsahi tempuhl uh fin facluh in puhs mwet kuh in eis mwe insewowo inge.
Petsac ke muhtwacn se muhtuhn Tempuhl fin acn Oquirrh Utah sel Nexeo ac Matthew Reier
Mwe Sang Muhtahl
Mempucr ke alu uh ma suwohs uh elos som nuh tempuhl in eis akwuck muhtahl lalos, oraclah olwelah nuh sin God. Sie akwuck kuht eis lun tempuhl pa mwe sang muhtahl. Kahs se inge endowment uh pa “mwe sang.” Mwe sang se lun tempuhl inge el mwe sang sang se sin God me. Ke akwuck se inge kuht lotwelah ke plwacn in molwelah luhn Pahpah Luhng, ac kuht orwaclah olwelah lasr nuh Sel in liyacacng masap luhn God. Fin kuht ukwe olwelah ma kuht oraclah uh, God elac fah ahkinsewowoye kuht.
Petsac ke siyacnyacn se fahsr siskacn Tempuhl fin acn Manila Filipin sel Cristina Smith
Siliyac Sucu uh in Tuhkweni
Macruht se ma orek lun tempuhl uh el oacyacpac pahngpahng muh sil. Ke siyacnyacn se elos sil lun tempuhl ac elos liyacacng olwelah lalos, elos ac pahyuck ne tok ma pahtpaht. Fin oasr tuhlihk nahtuhlos, tuhlihk inge e oacyacpac sil nuh selos. Ninac ac Pahpah se ma sil tukun elos oraclah tuhlihk nahtuhlos kuh in siliyac tuhlihk nahtuhlos inge nuh selos. Fin elos moul in suwohs, elos e ekihn sucu se ne tok ma pahtpaht.
Petsac ke acn in pacptais ke Tempuhl fin acn Lisbon Portugal sel Leslie Nilsson
Orekma ke Tempuhl nuh sin Nohfohn Tuhlihk Nuhtin God
Kuht oruh family history in konwacack ke mwet mahtuh somsomlah lasr. Tok na kuht oruh orekma in tempuhl lalos. Kuht oruh lalos nohfohn akwuck ma mwet moul uh enenuh: pacptais, ahkkweyeyuck, eis pristut (nuh sin mukul), mwe sang muhtahl, ac sil. Elos kuh in sulaclah lah elos e eis akwuck inge kuh tiac. Ke ohiyac inge, nohfohn na sin tuhlihk nuhtin God kuh in puhlakihn mwe insewowo ke wosasuc uh.
Petsac ke sucu se muhtuhn Tempuhl fin acn Philadelphia Pennsylvania sel Cody Bell
Mwe insewowo ke Orekma ke Tempuhl uh
Fin kuht liyacacng olwelah lasr ma kuht oraclah lun tempuhl, kuht e fah ahkinsewowoyeyuck, karihngihnyuck, ac ahkfokokoyeyuck. Kuh luhn pristut e wi kuht. Sucu lasr uh e tuhkweni ne tok.
Tempuhl uh el oacyacpac acn mihs ac acn in eis fwackyuck. Ke kuht oruh orekma ke tempuhl uh, kuht kuh in eis kolyuck luhn nguhn ac puhla luhngse luhn God.
© 2021 sin Intellectual Reserve, Inc. Kuh ac suwohs nuhkwewa fihliyucki. Sihmlac fin acn USA. Ahkkweyeyucklac ke kahs English: 6/19. Ahkkweyeyucklac ke Lweng: 6/19. Lwenglah luhn Monthly Liahona Message, October 2021. Kosraean. 17474 868