“Mosala ya Tempelo,” Liahona, Sanza ya Zomi 2021
Etinda ya Sanza ya Liahona Sanza ya Zomi 2021
Mosala ya Tempelo
Batempelo ezali ndako ya Nkolo. Tokoki kozwa makuli mpe kosala mayokani na Ye kati na batempelo. Tokoki lisusu kosala makuli kati na tempelo mpo na bankoko na biso.
Foto ya Tempelo ya Barranquilla Colombia na Bruno Lima
Uta kala, Nkolo atindaki bato na Ye kotonga batempelo. Batempelo ezali bisika bisantu epayi wapi tokoki koyoka bolingo ya Nzambe, kozwa makuli, kosala bilaka na Ye. Eklezia ezali kotonga batempelo na mokili mobimba mpo ete bato mingi koleka bakoka kozala na mapamboli oyo.
Foto ya mwasi liboso ya Tempelo ya Oquirrh Mountain Utah na Nexeo mpe Matthew Reier
Dotasio
Bandimi ya Eklezia oyo bazali sembo bakendaka na tempelo mpo na kozwa makuli mpe kosala mayokani, to bilaka, na Nzambe. Likuli moko tozwaka na tempelo ezali dotasio. Liloba dotasio elingi koloba “likabo.” Dotasio ya tempelo ezali likabo uta na Nzambe. Na likuli oyo toyekolaka oyo etali mwango ya Tata ya Lola mpo na lobiko na biso, mpe tosalaka mayokani mpo na kobatela mitindo ya Nzambe. Soki tozali bosembo na mayokani tosalaka, Nzambe akopambola biso.
Foto ya balongani bazali kotambola penepene ya Tempelo ya Manila Philippines na Cristina Smith
Kokangisa Mabota Elongo
Libala kati na tempelo ebengami lisusu bokangisi. Ntango balongani bakangisami kati na tempelo mpe babateli mayokani, bakozala babalani mpo na libela. Soki baboti bana, bana wana bakozala ya kokangama epai na bango. Baboti oyo bakangisami nsima ya kobota bana bakoki kokangisisa bana na bango epai na bango. Soki babiki na bosembo, bakozala libota moko bosenko mobimba.
Foto ya liziba ya libatisi ya Tempelo ya Lisbon Portugal na Leslie Nilsson
Mosala ya Tempelo mpo na Bana ya Nzambe Nyonso.
Tosalaka mosala ya mambi ya kala ya libota mpo na komona oyo etali bankoko na biso. Nsima tosalaka mosala ya tempelo mpo na bango. Tosalaka mpo na bango makuli nyonso oyo baye bazali na bomoi basengeli na yango: libatisi, nkotisa, kozwa bonganganzambe (mpo na mibali), dotasio, mpe bokangisi. Nsima bakoki kopona soki balingi koyamba makuli oyo. Na lolenge loye, bana nyonso ya Nzambe bakoki kosepela na mapamboli ya nsango malamu.
Foto ya libota liboso ya Tempelo ya Philadelphia Pennsylvania na Cody Bell
Mapamboli ya Mosala ya Tempelo
Soki tobombi mayokani tosalaka na tempelo, tokopambolama, kobatelama, mpe kolendisama. Tokozala na nguya ya bonganganzambe elongo na biso. Mabota na biso ekozala elongo libela.
Tempelo ezali lisusu esika ya kimia mpe ya emoniseli. Ntango tozali kosala mosala ya tempelo, tokoki kozwa bokambi ya molimo mpe koyoka bolingo ya Nzambe.
© 2021 na Intellectual Reserve, Inc. All rights reserved. Ebetami na Etazini. Bondimami na lokota ya Angele: 6/19. Bondimami ya bobongoli: 6/19. Bobongoli ya Monthly Liahona Message, October 2021. Lingala. 17474 639