“Jerbal an Tampeļ,” Liaona, Oktoba 2021
Kajjojo Allōn̄ Liaona Ennaan, Oktoba 2021
Jerbal an Tampeļ
Tampeļ ko rej m̧ōko im̧ōn Irooj. Jemaron̄ bōk kain̄i ko im kōm̧m̧ani kallim̧ur ko Ippān ilo tampeļ ko. Jemaron̄ barāinwōt kōm̧m̧ane kain̄i ko ilo tampeļ n̄an ro jibūd im jim̧aaer
Pija in Barranquilla Colombia Tampeļ eo jān Bruno Lima
Ilo bwebwenato, Irooj ekar kakien armej ro An bwe ren ekkal tampeļ ko. Tampeļ ko rej jikin ko rekwojarjar ijo jemaron̄ en̄jake iakwe eo an Anij, bōki kain̄i ko, im kōm̧m̧ane kallim̧ur ko Ippān. Kabun̄ in ej ekkal tampeļ ko ilo aolepān laļ in bwe aolep armej ren maron̄ bōk kōjeraam̧m̧an kein.
Pija in kōrā im̧aan Oquirrh Mountain Utah Tampeļ jān Nexeo im Matthew Reier
Menin Letok Kwojarjar Eo
Membōr ro an Kabun̄ rej mour erreo rej etal n̄an tampeļ n̄an bōk kain̄i ko im kōm̧m̧ani bujen ko, ak kallim̧ur ko, ippān Anij. Juon kain̄i jej bōk ilo tampeļ ej menin letok kwojarjar eo. Naan eo menin letok kwojarjar ej meļeļein “juon menin letok.” Menin letok kwojarjar eo ej juon mennin letok jān Anij. Ilo kain̄i in jej ekkatak kōn karōk ko an Jemedwōj Ilan̄ kōn lo̧m̧oor eo ad, im jej kōm̧m̧ani bujen ko n̄an kōjpārok kien ko an Anij. Eļan̄n̄e jej tiljek ilo bujen ko jej kōm̧m̧ani, Anij enaaj kōjeraam̧m̧an kōj.
Pija in ripālele ro rej etetal tūrin Manila Philippines Tampeļ eo jān Cristina Smith
Liāp Baam̧le ko Ippān Doon
Marre eo ilo tampeļ ej nae etan liāp. Eļan̄n̄e ripālele ro rej liāp ilo tampeļ eo im rej kōjparok bujen ko aer, renaaj m̧are n̄an indeeo. Eļan̄n̄e ewōr nejieer ajri, ajri ro renaaj barāinwōt liāp n̄an er. Mama im Baba ro rej liāp ālikin an kar lōn̄ nejieer ajri ro remaron̄ liāp ippāer. Eļan̄n̄e rej m̧our erreo, renaaj baam̧le n̄an indeeo.
Pija in Lisbon Portugal Tampeļ jikin baptise jān Leslie Nilsson
Jerbal an Tampeļ n̄an aolep Ajri ro Nejin Anij
Jej kōm̧m̧an jerbal in menmenbwij an baam̧le n̄an jeļā kōn ro jibud im jimaad. Innem jej kōm̧m̧ani jerbal ko an tampeļ n̄an er. Jej kōm̧m̧ane n̄an er aolepān kain̄i ko ro rem̧our reaikuj: peptaij, kapene, bōke priesthood eo (n̄an em̧m̧aan ro), menin letok kwojarjar eo, im liāp. Remaron̄ kiiō kālet n̄e rekōnaan bōki kain̄i kein. Ilo wāween in, aolep ro nejin Anij remaron̄ m̧ōņōņō kōn kōjeramman ko an gospel in.
Pija in baamle imaan in Philadelphia Pennsylvania Tampeļ eo jān Cody Bell
Kōjeram̧m̧an ko an Jerbal an Tampeļ
Eļan̄n̄e jejj kōjpārok bujen ko jekar kōm̧m̧ani ilo tampeļ, jenaaj jeram̧m̧an, kōjpārok kōj, im kajoor. Enaaj pād kajoor eo an priesthood ippād. Baam̧le ko ad remaron̄ ippān doon n̄an indeeo
Tampeļ eo ej barāinwōt juon jikin in aenōm̧m̧an im revelesōn. Ilo ad kōm̧m̧an jerbal ko an tampeļ, jemaron̄ bok tōl an jetōb im en̄jake iakwe an Anij.
© 2021 jān Intellectual Reserve, Inc. Aolep jim̧we ko rej pād ie. Kar būriin ilo USA. Kōmālim ilo kajin English: 6/19. Kōmālim an ukook eo: 6/19. Ukook eo an Monthly Liahona Message, October 2021. Marshallese. 17474 874