Milwol ni Ngan Thapeg ko biney e Pul nifen e Liahona ko, October 2021

Murwel ko Temple

Fapi temple e ir e na’un rok Somoel. Rayag ni ngaed thapeged e gam’ing min ngongliy fapi m’ag Ngak ulan fapi temples. Ma krayag ni ngaed rrin’ed fapi gam’ing ulan e temple nifan e pi girdii’en daed ni kab kakrom.

Sassing ni ya’an fare Temple u Barranquilla Colombia nike yib rok Bruno Lima

Kab kakurom i yib, ni Somoel e ke motochiyel nag ngak e girdi’ Rok ni ngar toyed fapi temple. Fapi temple e tofen e gin nib thothup ni gin nrayag ni ngaed thamiyed e tu’ufeg rok Got riy, thapeg fapi gam’ing, nge gin ni ngan ngongliy e micheg Ngak. Galasia e be toyed e pi temple u dakean e fayleng ya nge yo’or me yo’or e girdi’ ni ngeyag ni ngar thapeged e pi tawa’ath ney.

Sassing ni ya’an ba nib bpin u mit fare Temple u Oquirrh Mountain u Utah ke yib rok Nexeo nge Matthew Reier

Fare Endowment

Chongin e Galasia nibe par nib yul’yul’ e yaed ma yaen nga temple ni ngar thapagned fapi gam’ing mi yaed ngongliy fapi m’ag, fa fapi micheg, ngak Got. Reb e gam’ing ni gadaed ma thapeg ulan e temple e fare endowment. Fare bugithin ni endowment e be yip fan “ba tawa’ath.” Fare endowment ko temple e ba tawa’ath rok Got. Ko biney e gam’ing ma gadaed ma fil mornga’agen e tonom rok e Chitamangiy nibay u Tharmiy nifan e thap rodaed, ma gadaed ma rrin’ fapi mag ni ngan fol ko fapi motochiyel rok Got. Fa’anra gadaed ba yul’yul’ ko fapi m’ag ni kad ngongliyed, ma ra tawa’ath nag daed Got.

Sassing ni ya’an l’agruw i mabgol ni yow be yean ko Temple u Manila Philippines nike yib rok Cristina Smith

M’ag pa’ e Tabinaew nga Ta’abang

Mabgol ulan e temple e ki yima yoeg e m’ag pa’ ngay. Napan nra mabgol la’agruw ni’ u temple mi yaed be ayuweg fapi m’ag roraed, ma yaed ra mabgol ni gubinfen. Fa’anra bay e bitir ni fak row, ma pi bitir nem e yira m’ag pa’ raed ko galabithir roraed. Galabithir nike mu’ ko m’ag pa’ u tomuren ni fakay e bitir e rayag ni pi fak raed e ni m’ag ngoraed. Fa’anra yaed ra par nib yul’yul’, ma yaed ra mang tabinaew nib manechubog.

Sassing ni ya’an e gin ni yima tawfe riy u Temple u Lisbon Portugal nike yib rok Leslie Nilsson

Murwel u Temple ni Fan ko Gubin Pi Fak Got

Gadaed ma rrin’ e murwel ni fan e girdi’ rodaed ni kakrom ni ngeyag ni ngaed pire’eg ned mornga’agen raed. Ma aram ma gadaed rrin’ e murwel u temple ni fan ngoraed. Ma gadaed rrin’ ni fan ngoraed gubin fapi gam’in nib tu’uf ni nge rrin’ e tin nib fos: tawfe, kan ni thothup, thapeg fare priesthood (fan e pumo’on), endowment, nge m’ag pa’. Ma yaed e bay ra dugliyed ni fa’anra yaed ba’adag ni ngar fanayed e pi gam’ing ney. Ko biney e kanawo’en, gubin pi fak Got e rayag ni nge falfalaen’ ko fapi tawa’ath ko fare gospel.

Sassing ni ya’an ba tabinaew u mit fare Temple u Philadelphia Pennsylvania nike yib rok Cody Bell

Tawa’ath ko Murwel u Temple

Fa’anra gadaed ra folgad fapi m’ag ni kan ngongliy ulane temple, ma ran tawa’ath nag daed, me gel nag daed. Ma rayag ngodaed fare gelngin e priesthood ngodaed. Ma fapi tabinaew rodaed e ra par u ta’abang ni manemus.

Fare temple e ka bang ni tigil’ e gapas nge yi’iy. Napan ni gadaed be rrin’ e murwel u temple, ma rayag ni nge powi’iy daed fare thothup min thamiy fare tu’ufeg rok Got.

Yib ko pi Chep nib Thothup

Fare Somoel e ke motochiyel nag ngak e girdi’ rok ni ngar toyed fapi temple rok (mu guy ko Doctrine and Covenants 124:39).

Murwel ni yima rrin’ u temple e mu’un e m’ag pa’ ko tabinaew ngay (mu guy ko Doctrine and Covenants 138:47–48).

Fapi m’ag ni gadaed ra rrin’ u fayleng e bay ni m’ag u tharmiy (mu guy ko Matthew 16:19; Doctrine and Covenants 132:46).

© 2021 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Mulwol ni Ngan Thapeg ko biney, ko October 2021. Yapese. 17474 905