“Umsebenzi waseThempelini,” iLiyahona, Okthoba 2021
Umlayezo Wanyanga Zonke we Liyahona, Okthoba 2021
Umsebenzi waseThempelini
Amathempeli ayindlu yeNkosi. Singathola izimiso futhi senze izivumelwano naYe emathempelini. Singenzela nokhokho bethu izimiso ethempelini.
Isithombe sethempeli laseBarranquilla eColombia ngu-Bruno Lima
Kuwo wonke umlando, iNkosi iyalele abantu baYo ukuba bakhe amathempeli. Amathempeli yizindawo ezingcwele lapho singaluzwa khona uthando lukaNkulunkulu, sithole izimiso, futhi senze izethembiso naYe. IBandla lakha amathempeli emhlabeni jikelele ukuze abantu abaningi babe nalezi zibusiso.
Isithombe sowesifazane phambi kweThempeli lase-Oquirrh Mountain Utah ngu-Nexeo noMatthew Reier
Ukwembathiswa
Amalungu eBandla aphila ngokulunga aya ethempelini ukuyokwamukela izimiso futhi enze izivumelwano, noma izethembiso, noNkulunkulu. Isimiso esisodwa esisithola ethempelini ukwembathiswa. Igama ukwembathiswa lisho “isipho.” Ukwembathiswa ethempelini yisipho esivela kuNkulunkulu. Kulesimiso sifunda ngesu likaBaba oseZulwini lwensindiso, futhi senza izivumelwano zokugcina imiyalo kaNkulunkulu. Uma sithembekile ezivumelwaneni esizenzayo, uNkulunkulu uzosibusisa.
Isithombe sezithandani ezihambayo ngaseThempelini lase-Manila e-Philippines ngu-Cristina Smith
Ukubopha Imindeni Ndawonye
Umshado wasethempelini ubizwa nangokuthi ukuboshwa. Ngesikhathi izithandani zibekwa ziboshwa ethempelini futhi zigcina izivumelwano zazo, zizoshada ingunaphakade. Uma zinezingane, lezo zingane nazo zizoboshelwa kuzo. Abazali ababoshwa ngemuva kokuba babenezingane bangakwazi ukuba nezingane zabo ziboshelwe kubo. Uma bephila ngokulunga, bazoba umndeni kuze kube phakade.
Isithombe sendawo yokubhabhadisa eThempelini laseLisbon ePortugal nguLeslie Nilsson
Umsebenzi waseThempelini wabaNtwana Bonke baNkulunkulu
Senza umsebenzi womlando womndeni ukuthola ulwazi mayelana nokhokho bethu. Bese sibenzela umsebenzi wasethempelini. Sibenzela zonke izimiso ezidingwa ngabaphilayo: ukubhabhadiswa, ukuqiniswa, ukwamukela ubupristi (okwabesilisa), ukwembathiswa, nokuboshwa. Bangabe sebezikhethela ukuthi bayafuna yini ukuzamukela lezi zimiso na. Ngalendlela, bonke abantwana baNkulunkulu bangazijabulela izibusiso zevangeli.
Isithombe somndeni phambi kweThempeli lasePhiladelphia ePennsylvania nguCody Bell
Izibusiso zoMsebenzi waseThempelini
Uma sigcina izivumelwano esizenzayo ethempelini, sizobusiswa, sivikelwe, futhi siqiniswe. Amandla obupristi azobanathi. Imindeni yethu izoba ndawonye ingunaphakade.
Ithempeli liphinde libe yindawo yokuthula neyesambulo. Njengoba senza umsebenzi wasethempelini, singathola ukuholwa ngokomoya futhi sizwe uthando lukaNkulunkulu.
© 2021 by Intellectual Reserve, Inc. All rights reserved. Ishicilelwe e-USA. Imvume yesiNgisi: 6/19. Imvume yokuhumusha: 6/19. Ukuhunyushwa kwe Monthly Liahona Message, October 2021. isiZulu. 17474 783