Uruon Famini a Anisi Ach Kewe Neuo

Uruon famini sia kuna me sinei porousen chochon ach famini. Sia pwan ioni porousen ach kewe neuo pwe sipwe tongeni fori angangen non tempel fan iter.

Ach kewe famini ra nom nukanapechikin ewe kokotun pwapwa an Samach won Nang. I a fen amonata ew an fan iten kewe famini ar repwe soposopono feinfeino. Nupwen sia fori ach uruon famini me angangen non tempel, sia aninis ne uwefengenieto chon ach famini, ir mei manau me mi mano. (“Angangen non tempel” wewen angei kewe angangepin non tempel fan itach, ussun riri ngeni punuach, ussun chok pwan ach fori angangepin non ewe tempel fan iten ach kewe neuo.)

Uruon Famini me Angangen non Tempel

Meinisin aramas ekkewe ra fen nom ika kewe repwe nom won fonufan mi auchea ar repwe angei ekkewe angangepin fan iten ewe kapas allim. Ika ese chiwen wor an ach kewe neuo tufichin ar repwe angei, sia tongeni fori kewe angangepin fan iter non ewe tempel. Ew me nein kana angangepin ach sipwe riri ngeni chon ach kewe famini. Ach sia “riri fengen” wewen sipwene tufichin manau feinfeino fengen me ach kewe famini ika kich mi tupon. Sia chok tongeni riri ngeni ach kewe famini me non kewe tempel.

Kewe Feiochun Ngangen Uruon Famini

Uruon famini a tongeni apochokuna nefinach me chon ach kewe famini mi manau. Nupwen sia aporousa fengeni kewe porous, katon fengen kewe sasing, me achema ekkewe fansoun fengen, sia forata kewe akoko nefinach. Sia pwan apochokunano ewe tong a wor nefinach. Kewe soufos rafen pwan pwon pwe angang won ach uruon famini epwe wato ach sippwe arapakan ngeni Jises Kraist.

Kutta Ach Kewe Neuo

Samach Kot won Nang a mochen sipwe riri ngeni ach kewe famini iei me ach kewe neuo. Mwen ach sipwe tongeni riri ngeni ach kewe neuo, a auchea sipwe kutta me isenono porouser kewe. Nge uruon famini esap chok ren ach sipwe kutta kewe it, pwinin maram, me neni. Nupwen sia sinei ussun porousen ach kewe neuo, a napeno ach memefin akoko ngenir.

© 2021 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun ren Monthly Liahona Message, April 2021. Chuukese. 17476 901